bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joel 3
Joel 3
Sukuma 2019
← Chapter 2
Jump to:
Chapter 1
Chapter 2
Chapter 3
1
Ū mu shikū jenījo nī likanza lyenīlo ūlū nūbashokeja a banhū ba Yuda na a ba Yelusalemu ī jabo,
2
nakūgabilinga pye a mahanga nagatwale kū mbūga ya ng'wa Yehoshafati, nakūjūgalamulīla kwenūko kūlwa nguno ya Baisilaeli, nguno ya banhū ba wingīji bone; banhū bane abo baalī babasambaagīja kū mahanga, nī sī yane bīgabanha.
3
Bakabatūlīgījaga mbale a banhū bane, a bayanda babakaabanya bapandīke bamalahya; hama a banikī babajinja divai ya kūng'wa.
4
A bing'we Tulo na Sidoni nī sī jose ja Būfilisti mulī banani ī gete ū kūlī nene? Mulīnimalīla shiilī kūlwa mihayo īyo nīyīta? Ūlū mubize mulīnimalīla shiilī, nakūmushokeja wangū nīyo natūdīīla ū kūng'witīīla ha mitwe ying'we īyo ng'wanītīla.
5
Nguno ī feza nī zahabu jane, nī shikolo shane ī sha mpango mukashibūūcha ng'ūshitwala kū hekalu jing'we.
6
A banhū ba Yuda na a ba Yelusalemu ng'ūbajinja kū Bayunani, gīkī mubatwale kūle, bīsegenele ī sī ya ng'wabo.
7
Alīyo managi gīkī nakūbamisha nabīnje ko ūko ng'wabajingīja, hama nakūng'witīīla kū mitwe ying'we īyo ng'wīyīta.
8
A bitūnja na a bashīke bing'we nakūbajinja kū banhū ba Yuda, nabo bakabajinje kū Basabena, ihanga lyakūle. SEEBA alīhaya ī yenīyī.
9
Ū gwenūyū gūkumūchagi ū kū mahanga, golanyagi ng'wambe būlūgū! Gakomigagi a mabità! Pye a bashilikale ni beegeelage bandye būlūgū.
10
A magembe ging'we gasulagi jibize shū, a mageselo nago gabize machimu. Ū ngokolo ni ahayage gīkī, “Nalī najo ī nguzu.”
11
Kangīlījagi bing'we mahanga ga kūfuma hose pye, ibilingīlagi koi ū kwenūko. Ee SEEBA, benhage a bashilikale bako!
12
A mabità gakomigwe gibilinge gize kū mbūga ya ng'wa Yehoshafati, nguno ū kwenūko hū nakwigasha kūgalamula pye a mahanga ayo ganipīndije.
13
Solagi igeselo ng'wandye nīmo, nguno a magesa gaashikaanile. Nzūgi mupandagīle mizabibu Ī likamīlo lya divai lyokalile, na a mabīkīlo ga divai galī pa nīyo na kūseesekela; ū būbi wabo wakīlanīgije no!
14
Mabità na mabità gal'ū mu mbūga ya kūfunīja būlamuji! Nguno ū lūshikū lo SEEBA lwegeelaga kūshika ū mu mbūga ya kūfunīja būlamuji.
15
Ī līīmi nū ng'weji shikūbiza na giiti, nī sonda jikooya ū kūng'weka.
16
Ū SEEBA akūpogoma nyashimba kūfuma Sayuni, akūpalalūka alī mu Yelusalemu; Ī sī nī ligūlū shikūdetema. Alīyo ū SEEBA akūbiza ibūngīlo ū kū banhū bakwe, ng'hambī ya kūpīlīla ū kū Baisilaeli.
17
A henaho hū mukūdeeba gīkī, “Ū nene SEEBA Mulungu wing'we, nakikalaga ū mu Sayuni, ū lūgūlū lwane lwela. Ī Yelusalemu īkūbiza neela; mahanga gatalūūbūka mo hangī.”
18
Ū mu lūshikū lwenūlo ngūlū nhaale na ndo jikūtoona divai mhya, na kūsūlūlūka mabeelè. Pyī ī njonga ja mu Yuda jikūhūūma minzī. Lūzwīīlo lūkūsela kūfuma mu numba ya ng'wa Seeba, kūja kwitīīla mu mbūga ya Shitimu.
19
Alīyo ī Misili līkūbiza itogolo ikalamuku, ī Edomu nayo sī ītī na shose shose; kūlwa nguno ya wiboneeji, ūbo bakabīītīla banhū ba Yuda, būbabūlagīla mu sī yabo nūūlū aho baalī batī na būbi.
20
Ī Yuda īkūbiza na bikaji ilalī, nī Yelusalemu shibyalīlwe na shibyalīlwe.
21
Ū būbi bo kwita mininga ūbo naalī nataalī kūbalekeja nakūbalekeja. Ī Sayuni būlī wikalo bo ng'wa SEEBA!
← Chapter 2
Jump to:
Chapter 1
Chapter 2
Chapter 3
All chapters:
1
2
3