bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Lamentations 3
Lamentations 3
Sukuma 2019
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Ū nene naabītile mu būluhi būtaale kūlwa nang'ha go būpelanu bokwe.
2
Wanipeegije ūnibītya mu giiti, ūmo lītīmo isana.
3
Nīyo akanitūlaga gwa gwa gwa, līīmi ji gūlīnitūla ū nkono gwakwe.
4
Ī nyama ya mīlī gwane nī likūnza washisedeekije; a maguha gane ūgabīnzagūla.
5
Wanizengeelile igoobe lyūnipīndīlīja ūnigītīīla makoye na būlūlū.
6
Wanīītile kūbiza wa kwikala mu giiti gītī banhū abo baacha kale.
7
Wanipīndīlīgije ndugu kose kose natizūdūla kūpeela; hūna ūnibohya minyololo midito.
8
Nūūlū nitane kūnū nakūlīlaga ū kūlomba kwane akakūhangījaga.
9
Ī nzīla yane wīchibile na mawe, ūbūliganya ū būbītīlo bone.
10
Ū kūlī nene wabizile gītī ndūba Īlīkūngīla, gītī shimba yibandīīlga.
11
Wanihulumūlile ūnīnja ū mu nzīla ūūkanigunzagūla, ūnileka natī na wa kūniguna.
12
Wabūdutile ū būta bokwe ūyūnilasa na masonga gakwe.
13
Masonga ga kwīngīīla mu ntana gwakwe gūnilasa ī ng'holò yane.
14
Ī haha ū kū banhū bane nalī līshikolo lya kwineenelegejiwa. Līīmi bbu bakūnilīngaga mu mīmbo.
15
Wanitindagīlile malūlū nookala, ūnibimbeeja ndūlū.
16
Wanigalagagije mu lūbuubu, a mino gane ūgabīnzagūlīla ha mashoololo ga mawe.
17
Ū būpanga wane botaajiwe ī mhola, ū wiza naawībile ūmo būlī.
18
Ī haha nakwiwīlaga gīkī, Ū wiza bone bojimīīlile, nī shisho naalisagīlagwa ū kūlī SEEBA shanigayile.
19
Nakūwizūkagwa ū būluhi wane nū kūtagaalīja kwane; pyī nū būlūlū ūbo bonikoyaga gītī ndūlū.
20
Shose shenīshi nakūshiizūkagwa yachongomeela ī ng'holò yane.
21
Gwike gūūyū mhayo nakagwizūkagwa, h'ī chene nalī na kwisagīlwa:
22
Tūtashilile pye kūlwa nguno ū būtogwa bo ng'wa SEEBA būtaale no, nguno ī shigongo shakwe shitī sha kūkalīka,
23
būlī dilū būkeelaga shilī shipya; ū kūsanyiwa kwako kūlī kūtaale no.
24
Ū nene nakiwīlaga gīkī, “Ū SEEBA h'ūyo alī ngabo gwane, hūna lūūlū nakūng'wisagīlwa we.”
25
Ū SEEBA wawiza no ū kū banhū abo kwisagīlwa kwabo kūlī mulī we; ū kūlī munhū ūyo ūnkooba we.
26
Chiza no ū kūbūlindīīla mu būlembeezu ū būpīji bo ng'wa SEEBA.
27
Īlī chiza ū munhū atūmame milīmo midito mu wiyūmīlīja aho ataalī ng'walūki.
28
Ikale iyene mu būlembeezu, nguno ī yenīyo winhagwa na SEEBA.
29
Ū nomo gwakwe agūlang'hane mu widoohya, nguno hamo kwadūla kūbiza kūtaalī ho kwisagīlwa.
30
Ūlū munhū alīhaya kūntūla ipī antegele Isaya, nūūlū magooke ni gang'wihoolekelage.
31
Nguno ū SEEBA atabaponyaga ilalī a banhū.
32
Nūūlū wenha mhayo gwa kūpīnīhaja, nahene alī na shigongo; nguno ū būtogwa bokwe būtaale no.
33
Ū wei gūtanyejaga ū gwa kūbenhela a banhū makoye nūūlū būpīna.
34
Mihayo gītī: Kūbapandagīla hasī pye a batungwa,
35
kūng'wīngīja munhū ng'hana yakwe Īyo īng'wigeleelilwe kū būtongi bo ng'wa Mulungu Ntaale,
36
na kūkenaagūla būlamulwa bo banhū mu mabanza; pyī ī yenīyī ū SEEBA atītogilwe!
37
Nani ūyo akahayaga mhayo gwashikīīla ūlū SEEBA atagūhelile?
38
A mayanga nī mihayo ī misoga, shitafumaga kūlī Mulungu Ntaale?
39
Nibūlī ū munhū ū mpanga adugume kūlwa kwinhwa nsango nguno ya shibi shakwe?
40
Tūjigīsīlījagi ī nzīla jise, tūjilole tūjibone ūmo jilī; tūnshokelagi SEEBA.
41
Tūnugūlīlagi Mulungu wa ng'wigūlū ī ng'holò jise, tūmūūkīje makono tūnombe tūlīhaya:
42
Tūkahūba kūlwa kūgoma, nang'ho ūtatūlekegije.
43
Alīyo ūkikundīkīja būpelanu, hūna ūyūtūkūūbīlīja watūbūlaga ndūhū na kūtūchīla shigongo.
44
Ī haha wikundīkīja ilunde, ndūhū kūlomba kwa kūkūpandīka.
45
Ū mu mahanga ga mu sī watwītile kūbiza mapalala na būsoso.
46
Pye a banishi bise bakūtwanīīlaga.
47
Tūkiimaalīlilwe lyogohya na mitego, hamò na kūyagaala na mayanga.
48
A miso gane gakūhūūmaga myongo ya shisoji kūlwa nguno ya kūkenaagūlwa kwa banhū bane.
49
A miso gane gatooya ū kūsela Ī shisoji, gatifuula na hado yaya,
50
kūshisha ū SEEBA alole kūfuma ū kwigūlū abone.
51
Īyo nakwībonaga na miso gane balīītīlwa pye a bashīke ba mu nzengo gwa ng'wise Īkūniminyaga no ū mu ng'holò.
52
Abo balī na wanishi kūlī nene na nguno ītīho, baalūnihīīgaga gītī noni.
53
Baanihombokegije ng'wichongo nataalī mpanga, būyūniponda mo na mawe;
54
na minzī gūnihūūmīīla ganilibīje kūshisha nū ntwe gwane; niganika gīkī nahaya kūcha.
55
Ee SEEBA, kwīngīīla ng'wichongo ishimu naakūlīlīīlile mu lina lyako;
56
Waniigwile nalīdaaya: “Ūtizichibīja matū ūleke ū kwigwa ū kūlīla kwane kwa kūkooba kūgunanhwa.”
57
Aho naakwitana ūkanegeela ūniwīla, “Ūtogohage!”
58
Ee Seeba, wanilwīlīīlile ū mu makoye gane, ūnipīja ū būpanga wane.
59
Ee SEEBA, wībonile ī mibi Īyo nīītīlilwe. Nilwīlīīlage ū mu mihayo yane.
60
Ū bebe ūmanile ūmo banikolelilwe; nī ī yose īyo balomanile kūnīītīla wīmanile.
61
Ee SEEBA, ū bebe ūkawigwaga ū būsondagūji wabo; nī yose īyo bakalomanaga kūnīītīla,
62
Īyo banishi bane bakikalaga balihwehwetela na kūduguma līīmi tole kūlwa nguno yane.
63
Balolage gete a benabo! Nguno būlī hene aho balī, babize bigashije nūūlū bīmīīlile, bakikalaga bīmba mīmbo ga kūnilīnga nene dūhū!
64
Ee SEEBA, balīpage īyo ībigeleelilwe; kūlenganīla nī yīyo bakīyītaga na makono gabo.
65
Babbokujage ī ng'holò jabo; bagwisījage ī lizumo lyabo.
66
Bakūūbīlījage mu būpelanu ūbayagaje bashile gete a ha sīlīlī y'igūlū lya ng'wa SEEBA.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5