bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
1 Corinthians 4
1 Corinthians 4
Shekhawati
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
1
म्हारै बारां म मिनखानै अंय्यां सोचबो चाए क म्हें मसी का दास हां, अर परमेसर का भेदा का भंडारी हां।
2
अर अंय्यां का भंडारी ताँई आ एक बात बोळी जरूरी ह क बे आपका मालिक बेई बिस्वास जोगा होवीं।
3
अर मेर ताँई आ बात कोई मांयनै कोनी राखै क थे अर मिनखा की कचेरी को कोई बी न्याय करबाळो मेरो न्याय करै। पण म खुदबी मेरो न्याय कोनी करूं।
4
मेरो हियो साप ह। पण इऊँ ओ साबित कोनी होवै क म सचमई निरदोस हूँ। पण बो एकई परबु ह जखो मेरो न्याय करै ह।
5
जणा सई टेम आबाऊँ पेली कोईबी बात को न्याय मना करो। परबु क आबा का टेमऊँ पेली आखरी न्याय कोनी होवै। बो अँधेरा म लुखेड़ी बातानै च्यानणा म ल्यासी अर चित का बिचारानै परगट करसी बी टेमई हरेक की बडाई परमेसर कानिऊँ होसी।
6
मेरा लाडला बिस्वास्यो, थारै ताँई म अ बाता जखी म थानै सीखायो हूँ बानै अपुलोस अर खुद प लागू करी ह, जिऊँ थे म्हारूँ खेबत का मतबलनै सीख सको अर आ खेबत आ ह, “जोक्यु पबितर सास्तर म मंडेड़ो ह थे बिनै नइ उंडाळ ज्याओ।” अर थानै दुसरा को विरोध करबा ताँई एक की भीड़ लेर गुमानऊँ नइ फुलबो चाए।
7
थानै दुसराऊँ चोखो कूण बणायो? जोक्यु थारै कनै ह के बो थानै परमेसर कोनी दिओ? जणा थे ओ गुमान क्युं करो जंय्यां थे खिकन क्युं लेयड़ाई कोनी?
8
जोक्यु बी थानै चाए बो थारै कनै पेल्याऊँई हो के? के थे पेलीऊँ पिसाळा हो? थे म्हारै बिनाई राजा बणग्या के? म चाऊँ क थे राजा बणज्याता जिऊँ म्हें बी थारै सागै राजा होता।
9
क्युं क अंय्यां लागै ह क परमेसर म्हानै जखा भेजेड़ा चेला हां बानै सऊँ आखरी म झघा दिनी ह, जंय्यां क कोई मिनखनै अखाड़ा म मरबा की सजा दि गई हो। क्युं क म्हें सगळी सरस्टि, ईस्बर नगरी दुता अर सागै की सागै मिनखा ताँई तमासो बणाया गया हां।
10
हां, सई ह भाईड़ो म्हें मसी ताँई बेबुदी का हां, पण थे मसी म बोळा ज्ञानी हो! म्हें तो माड़ा हां पण थे तो तगड़ा हो। म्हें तो बेजत हां पण थे तो मान्या-थान्या हो।
11
अर म्हें इब ताँई भूखा तिसाया अर उघाड़ा हां, म्हारै सागै मारा पिटी करी जावै ह अर म्हें बेघर हां।
12
अर म्हें मेनत मजुरी कर खावां कमावां हां। अर ज म्हानै कोई दूरसिस देवै जणा म्हें बिनै आसिरबाद देवां हां। म्हानै सतायो जावै ह अर म्हें बरदास करां हां।
13
जद म्हारी बुराई करी जावै ह जणा म्हें परेमऊँ जुबाब देवां हां म्हें इ जगत का मिनखा का कूटळाऊँ बेत्ती कोनी समज्या जावां, हाल ताँई म्हें इ दुनिया का मेल हां।
14
म थारी बेजती करबा ताँई अ बाता कोनी मांडर्यो। पण म मेरा लाडला टाबर जा'णर थानै समजाऊँ हूँ।
15
क्युं क ज मसी जीवन म थानै समाळबाळा दस झार होवै, जणा बी थारो बाप तो एकई ह। क्युं क म मसी को चोखो समचार सुणाबा क जरिए मसी म थारो बाप बणगो।
16
इ ताँई म थारूँ अरदास करूं हूँ क थे मेरी सी चाल चालो।
17
इ बजेऊँ म तिमूतियूसनै थारै कनै भेजूँ हूँ जखो परबु म मेरो लाडलो बेटो अर बिस्वास जोगो ह। बो थानै बे बाता याद दिलासी जखी बाता प म मसी म चालू हूँ अर जाकी सीख म सगळी झघा अर सगळी बिस्वासी मंडळ्या म देऊँ हूँ।
18
अर थारै म कई मिनख तो अंय्यां सोचर गुमान म फूलर्या हीं क म इब थारै कनै कदै आस्युंई कोनी।
19
ज परबु चायो तो म पक्कोई थारै कनै आस्युं। जणा म आ गुमान म फुलेड़ा मिनखा की बातानैई कोनी पण आकी ताकतनै बि देखलेस्युँ।
20
क्युं क परमेसर को राज बाता कोई कोनी पण परमेसर की सक्तिऊँ ह।
21
थे काँई चाओ हो के म सोटकी लेर थारै कनै आऊँ नहिस परेम क सागै दया की आत्माऊँ भर'र थारै कनै आऊँ।
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
All chapters:
1
2
3
4
5
6
7
8
9
10
11
12
13
14
15
16