bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
Acts 8
Acts 8
Shekhawati
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
1
सतफनुस की मोतनै साऊल सई बतायो। बि दिनऊँई बिस्वासी मंडळ्या प तुमत आ पड़ी जिऊँ ईसु का भेजेड़ा चेलानै छोडर बाकी सगळा बिस्वासी यहूदिआ अर सामरीया म बिखरगा।
2
बामैऊँ क्युं क भगत सतफनुसनै गाड्या अर बिकै मरबा को म्हातम मनायो।
3
अर साऊल हो जखो बिस्वासी मंडळ्यानै उजाड़तो फिरतो हो अर बो घरा मऊँ काड-काडर घिसर मोट्यार-लूगायानै जेळ म बंद करबा लाग्यो।
4
अर दुसरी कानि बे बिखरेड़ा बिस्वासी जठै बी गया बठैई ईसु को चोखो समचार सुणाबा लागगा।
5
फलिपूस सामरीया नाम की नगरी म जार बठै ईसुई मसी ह इकै बारां म परचार करबा लाग्यो।
6
फलिपूस की बातानै सुणर अर बिका सेलाणी चमत्कारानै देखर लोग बिकी बाता प गोर धर्या।
7
क्युं क बिका हाताऊँ बोळाजणा मऊँ सूगली ओपरी बलाया बार घालतीई निकळै ही। अर बोळा भाळ भेयड़ा अर लंगड़ा बिका हाताऊँ निरोगा होया।
8
इ बजेऊँ नगरी का मिनख बोळा राजी होया।
9
बि नगरी म समोन नाम को एक मिनख हो, जखो मिनखानै जादू दिखार ताजूब म गेर देतो। अर खुदनै बडो आदमी बतातो।
10
छोटाऊँ लेर बडा ताँई सगळा बिकी बाता प गोर धरता हा, अर बिका बारां म खेता हा क, “बो परमेसर की बा सक्ति ह जखी बोळी तगड़ी खुवावै ह।”
11
क्युं क बो बोळा दिना ताँई बा मिनखानै जादू दिखार ताजूब म गेर राख्यो हो इ ताँई मिनख बिकाळी बाता प गोर धरता हा।
12
पण जद फलिपूस मिनखानै परमेसर का राज अर ईसु मसी का नाम को चोखो समचार सुणायो जणा बे बिकी बाता प बिस्वास कर्या अर सगळा मोट्यार लूगाई बतिस्मो लिओ।
13
आ देखर समोन खुदबी बिकी बाता प बिस्वास कर्यो अर ईसु मसी का नामऊँ बतिस्मो लेर बिकै गेल होलिओ, अर बो बा बडा-बडा सेलाणी-चमत्कारा अर अचरजभर्या कामानै देखर चोरंगो होज्यातो हो।
14
अर जद ईसु का भेजेड़ा चेलानै ओ बेरो पड़्यो क सामरीया का रेह्बाळा परमेसर का बचनानै मानबा लागगा हीं जणा बे पतरस अर यहून्नानै बाकन भेज्या।
15
अर बे बठै जार बा सगळा ताँई अरदास करी क बा सगळानै पबितर आत्मा मिलै।
16
क्युं क हाल ताँई बे परबु ईसु का नामऊँ बतिस्मोई लिआ हा, बामैऊँ कोईसानैई परमेसर को आत्मा कोनी मिल्यो हो।
17
जणा पतरस अर यहून्ना बापै हात धर्या अर बानै पबितर आत्मा मिलगो।
18
समोन आ देख्यो क बाकै हात धरबाऊँ मिनखानै पबितर आत्मा मिल जावै ह जणा बो बाकै सामै रिपीआ धर'र बोल्यो,
19
“अल्यो रिपीआ अर आ सक्ति मनै बी द्यो जिऊँ म बी जिपै हात धरूँ बिनै पबितर आत्मा मिलै।”
20
जणा पतरस बोल्यो, “तेरा रिपीआ बी तेरै सागै नास होज्यावै क्युं क तू परमेसर का बरदाननै रिपीआऊँ मोल लेबो चावै ह।
21
इ चिज म तेरी कोई पाँती कोनी क्युं क परमेसर ताँई तेरै हिया म पेटा पाप ह।
22
इ ताँई तू बुरा कामाऊँ तौबा कर अर परबुऊँ अरदास कर जिऊँ तेरा हिया का बुरा बिचार माफ होज्यासी।
23
क्युं क तू बळोकड़ो ह अर पाप म उळजर्यो ह।”
24
जणा समोन बाऊँ बोल्यो, “थे मेर ताँई अरदास करो क थारा मुंडाऊँ निकळेड़ी कोईबी बात मेर प नइ पड़ै।”
25
जणा पाछै बे आपकी गुवाई देर अर परमेसर को बचन सुणार यरूसलेम हाळा गेला म सामरीया का कई गाँवा म ईसु को उपदेस सुणाता ओटा यरूसलेम पुगग्या।
26
जणा पाछै परमेसर को एक ईस्बर नगरी दुत फलिपूसनै आर बोल्यो, “खड़्यो हो अर दिखणाद कानि बि सुन्ना गेला म जा जखो यरूसलेमऊँ गाजा नगरी म जावै ह।”
27
जणा बो त्यार होर चाल पड़्यो अर बि गेला मई कूस देस को एक मिनख भगती कर यरूसलेमऊँ आर्यो हो जिनै हिंजड़ो बणायो गयो हो अर ओ कूस देस की राणी कन्दाकी का सगळा खजाना को अधिकारी हो।
28
बि टेम बो आपका रथ म बेठ्यो-बेठ्यो यसाया परमेसर की खेबाळा की पोथी मऊँ बाचर्यो हो।
29
जणा पबितर आत्मा फलिपूसऊँ बोल्यो, “इ रथ क सागै होले।”
30
जणा बो भागर बि रथ क कनै गयो जणा बो बिनै यसाया की पोथी बाचता सुण्यो अर आ सुणर बो बिनै बुज्यो, “तू जखा बाचै ह बानै समजै ह के?”
31
जणा बो फलिपूसऊँ बोल्यो, “जद ताँई कोई मनै आ बचनानै कोनी समजावै जद ताँई म कंय्यां आका भेदानै जाणू।” अर बो बिऊँ बोल्यो, “थे उपर मेर कनै आर बिराजो।”
32
सास्तरऊँ जखो लेख बो बाचर्यो हो बो अंय्यां हो, “बिनै मारबा ताँई बि लल्डी की जंय्यां लेर गयो जखी कटबाळी होवै, अर जंय्यां उन्यो ऊन कतरबाळा क आगै चुपचालो सिदो खड़्यो रेह्वै ह बंय्यांई बो बी आपको मुंडो कोनी खोल्यो।
33
बिकी दुरदसा करी गई। बिनै न्याय कोनी मिल्यो। इ धरतीऊँ बिको जीव तो खोस लिओ गयो। अर इब बिकी पिडी क बारां म कूण बतावै?”
34
इपै बो हिंजड़ो हो जखो फलिपूसऊँ अरदास कर बुज्यो, “मनै अंय्यां बता अठै आ बात की ताँई बोली गई ह, ओ परमेसर की खेबाळो आपकी बात करै ह, क ओर कोईकी।”
35
जणा फलिपूस बोलबा लाग्यो अर बिनै सास्तर की आ बाताऊँ लेर ईसु का चोखा समचार ताँई सुणा दिओ।
36
अर बे चालता-चालता एक पाणी हाळी झघा पुग्या, जणा पाणीनै देखर हिंजड़ो बिऊँ बोल्यो, “अठै पाणी तो हई, जणा पाछै मनै बतिस्मो लेबा म काँई ढिलाई ह।”
37
(फलिपूस बिनै जुबाब दिओ, “तू तेरा मनऊँ पूरो बिस्वास करै जणा तनै कूण डाट सकै ह।” बो बोल्यो, “हाँ म मेरा पूरा मनऊँ मानू हूँ क परबु ईसु मसीई परमेसर को बेटो ह।”)
38
जणा पाछै हिंजड़ो रथनै रोकबा ताँई ओडायो अर बे दोन्यु जणा पाणी म उतर्या अर फलिपूस बिनै बतिस्मो दिओ।
39
अर जंय्यांई बे पाणी क बारनै निकळ्याक परबु की पबितर आत्मा फलिपूसनै उठा लेगो अर बिकै पाछै बो हिंजड़ो बिनै कोनी देख्यो अर बो राजी-खुसी आपका गेलै चलेगो।
40
अर दुसरी कानि फलिपूस खुदनै असदोद नगरी म पायो, अर नगरी-नगरी ईसु को चोखो समचार सुणातो-सुणातो कैसरिया पुगग्यो।
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28