Titus 3

Shekhawati

← Chapter 2 Jump to:

1तू मिनखानै याद दिवा क राज करबाळा अर परधाना को खयो मानी। अर हरतर्या का भला काम करबा ताँई त्यार रेह्‍वै।

2बाऊँ बोल क बे कोईकी बुराई नइ करै, पण सगळा क सागै चोखो बरताव कर रळमिलर स्यांतीऊँ रेह्‍वै।

3क्युं क मसीनै मानबाऊँ पेली आपा बी बेबुदी का, खयो नइ मानबाळा, भटकेड़ा अर हरतर्या की मो-माया का गुलाम हा। आपणो जीवन बुराई अर बळोकड़ा पुणाऊँ भरेड़ो हो। अर आपा एक दुसराऊँ नफरत करता हा।

4पण आपानै बचाबाळा परमेसर की दया अर प्यार मिनख ताँई परगट कर्यो गयो,

5अंय्यां इ ताँई कोनी होयो क आपा धरम का करम कर्या हा, पण आ बिकी दयाई ह की बो आपानै पबितर आत्मा क जरिए बचायो ह जखी आपानै धोर नयो जलम अर नई जिंदगी देवै ह।

6परमेसर आपानै छुटाबाळा ईसु मसी क जरिए आपणा प भरपुरीऊँ पबितर आत्मानै उंदकायो ह।

7दयाऊँई आपा परमेसर क सामै सई हां अर अजर-अमर जीवन का वारिस होवां जिकी आपा आस राखां हां।

8आ बिस्वास जोगी बात ह। म चाऊँ हूँ क आ मामला म तू खास जोर देर बोलै जिऊँ परमेसर प बिस्वास राखबाळा, भला काम करीं, जखा सकै काम का अर चोखा हीं।

9बेतुक की जिरै, बडका की पिड्या की गिणती, राड़-झगड़ाऊँ अर नेम-कायदा क बारां म लड़बाऊँ बचो। क्युं क अ बाता बेतुक अर बेमतबल की ह।

10फूट गेरबाळा मिनखनै चिता अर ज बो एक बर म नइ मानै जणा बिनै दुसरकै चिता जद बो दुसरकै बी नइ मानै जणा बिऊँ किनारो करले।

11तू ओ जाणले क, अंय्यां को मिनख भरस्ट होगो ह, अर बिका पाप बिनै गळत साबित करीं हीं।

12जद म अरतिमास नहिस तुखीकुसनै तेरै कनै भेजूँ। अर बाकै पुगताई तू तावळ कर मेरै कनै निकुपुलिस नगरी म आज्याजे। क्युं क स्याळै-स्याळै म बठैई रेह्बा की मनस्या करी।

13तू बकिल जेनास अर अपुलोस क सागै बाका सफर ताँई जुर्त की चिजा बांद दिजे। बानै कोई बात की कमी-घटी नइ होवै।

14आपणा मिनखानै ओरा की जुर्त पूरी करबा ताँई चोखा करमा म टेम बिताणो चाए, बानै फालतु को जीवन नइ जीणो चाए।

15मेरै सागैहाळा कानिऊँ तनै नमस्कार मांडूँ हूँ। बिस्वास म आपणाऊँ परेम राखबाळा सगळा भाईड़ानै म्हारै कानिऊँ नमस्कार खिजे। परमेसर की दया थारै सगळा प बणी रेह्‍वै।

← Chapter 2 Jump to:

Recommended Reading

Commentary Titus Commentaries → Devotional Titus Devotional Guide → Get This Bible Shekhawati Study Bible →