bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
1 Corinthians 14
1 Corinthians 14
Tulu (ಪೊಸ ಒಡಂಬಡಿಕೆ)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
1
ಪ್ರೀತಿಡ್ ಜೀವನ ಮಲ್ಪೆರೆ ತೂಲೆ. ಬೊಕ್ಕ ಆತ್ಮಡ್ದ್ ತಿಕ್ಕುನ ವರೊಕ್ಲೆಗಾದ್ ಪೇಚಾಡ್ಲೆ. ವಿಶೇಷವಾದ್ ಪ್ರವಾದನೆದ ವರೊನು ಆಸೆ ಮಲ್ಪುಲೆ.
2
ಬೇತೆ ಭಾಷೆಡ್ ಪಾತೆರುನಾಯೆ ದೇವೆರೆ ಒಟ್ಟುಗು ಪಾತೆರ್ವೆ ಅತ್ತಂದೆ ನರಮಾನಿಲೆ ಒಟ್ಟುಗು ಪಾತೆರುಜೆ. ಆಂಡ ಅವೆನ್ ಏರ್ಲಾ ತೆರಿಯೊನುಜೆರ್; ಆಯೆ ಆತ್ಮದ ಪ್ರೇರಣೆಡ್ದ್ ಗೂಢಾರ್ಥೊಲೆನ್ ಪಾತೆರ್ವೆ.
3
ಆಂಡ ಪ್ರವಾದನೆ ಮಲ್ಪುನಾಯೆ ನರಮಾನಿಲೆನ ಆತ್ಮೀಕ ದೃಢತೆಗಾದ್, ಉತ್ತೇಜನಗಾದ್, ಆಧರಣೆಗಾದ್ ಅಕ್ಲೆಡ ಪಾತೆರ್ವೆ.
4
ಬೇತೆ ಭಾಷೆಡ್ ಪಾತೆರುನಾಯೆ ತನ್ಕ್ ಮಾತ್ರ ಆತ್ಮೀಕತೆನ್ ದೃಢ ಮಲ್ತೊನ್ವೆ; ಪ್ರವಾದನೆ ಮಲ್ಪುನಾಯೆ ಸಭೆತ ಆತ್ಮೀಕತೆನ್ ದೃಢ ಮಲ್ಪುವೆ.
5
ನಿಕುಲು ಮಾತೆರ್ಲಾ ಬೇತೆ ಭಾಷೆಡ್ ಪಾತೆರೊಡು ಪಂಡ್ದ್ ಯಾನ್ ಆಸೆ ಮಲ್ತೆಡಲಾ ಅವ್ವೆಡ್ದ್ಲಾ ಹೆಚ್ಚಾದ್ ನಿಕುಲು ಪ್ರವಾದನೆ ಮಲ್ಪೊಡು ಪಂಡ್ದೇ ಎನ ಆಸೆ. ದಾಯೆಗಂದ್ಂಡ ಸಭೆತ ಆತ್ಮೀಕ ದೃಢತೆಗಾದ್ ಬೇತೆ ಭಾಷೆಲೆ ಅರ್ಥ ಪನಂದೆ ಪೋಂಡ, ಪ್ರವಾದನೆ ಮಲ್ಪುನಾಯೆ ಬೇತೆ ಭಾಷೆಲೆಡ್ ಪಾತೆರುನಾಯಡ್ದ್ಲಾ ಹೆಚ್ಚಿನಾಯೆ ಆದುಲ್ಲೆ.
6
ಅಂಚಾದ್ ಸಹೋದ್ರೆರೇ, ಯಾನ್ ನಿಕ್ಲೆನಡೆಗ್ ಬತ್ತ್ದ್, ಬೇತೆ ಭಾಷೆಡ್ ಪನ್ಪುನಾಯೆ ಮಾತ್ರ ಆದಿತ್ತ್ಂಡ ಎನಡ್ದ್ ನಿಕ್ಲೆಗ್ ದಾನೆ ಲಾಭ? ಆಂಡ ದೇವೆರೆ ಪ್ರಕಟಣೆನ್ ಅತ್ತ್ಡ ಗೇನದ ಪಾತೆರೊನು, ಅತ್ತ್ಡ ಪ್ರವಾದನೆನ್ ಅತ್ತ್ಡ ಬೋಧನೆನ್ ಕೊರ್ಂಡ ನಿಕ್ಲೆಗ್ ಲಾಭ ಆವು.
7
ಕೊಳಲ್ ಆವಡ್ ವೀಣೆ ಆವಡ್ ಇಂಚಿನ ಜಡ ವಾದ್ಯೊಲು ಸ್ವರೊಟ್ಟು ವಾ ವ್ಯತ್ಯಾಸೊನ್ಲಾ ತೋಜಾಯಿಜಿಡ ಉರ್ತಿನವು ಇಜ್ಜಿಡ ಬಾರಿಸಿನವು ಇಂಚಿನವೇ ಅಂದ್ದ್ ಎಂಚ ತೆರಿಯುಂಡು?
8
ತುತೂರಿ ಗೊತ್ತುದಾಂತಿನ ಶಬ್ಧೊನು ಕೊರ್ಂಡ, ಏರ್ ಲಡಯಿಗ್ ತಯಾರ್ ಆಪೆರ್?
9
ಅಂಚೆನೇ ನಿಕುಲು ತೆರಿಯುನ ಭಾಷೆಲೆನ್ ಬಾಯಿಡ್ ಪಾತೆರಿಜಡ, ನಿಕುಲು ಬೇತೆ ಭಾಷೆದ ಅರ್ಥೊನು ತೆರಿಯುನು ಎಂಚ? ನಿಕುಲು ಗಾಳಿಗ್ ಪಾತೆರಿಲೆಕ್ಕ ಆಪುಂಡತ್ತಾ.
10
ಈ ಲೋಕೊಡು ಏತೋ ತರತ ಭಾಷೆಲು ಇತ್ತ್ಂಡಲಾ ಅರ್ಥದಾಂತಿನ ಭಾಷೆ ಒವುಲಾ ಇಜ್ಜಿ.
11
ಭಾಷೆದ ಅರ್ಥ ಎಂಕ್ ತೆರಿಜಿಡ ಪಾತೆರಿನಾಯಗ್ ಯಾನ್ ಪರದೇಶಿ ಆದುಪ್ಪುವೆ; ಪಾತೆರುನಾಯೆಲಾ ಎಂಕ್ ಪರದೇಶಿ ಆದುಪ್ಪುವೆ.
12
ಅಂಚೆನೇ ನಿಕುಲುಲಾ ಆತ್ಮಡ್ದ್ ತಿಕ್ಕುನ ವರೊಕ್ಲೆಡ್ ಆಸಕ್ತಿ ಇತ್ತಿನಾಕುಲಾಯಿನೆಡ್ದ್ ಸಭೆತ ಆತ್ಮೀಕತೆನ್ ದೃಢ ಮಲ್ಪೆರೆಗಾದ್ ಹೆಚ್ಚಾದ್ ಬಯಕ್ಲೆ.
13
ಅಂಚಾದ್ ಬೇತೆ ಭಾಷೆಡ್ ಪಾತೆರುನಾಯೆ, ತನ್ಕ್ ಐತ ಅರ್ಥ ಪನ್ಪಿನ ಶಕ್ತಿಲಾ ಉಂಡಾವೊಡು ಅಂದ್ದ್ ದೇವೆರೆಡ ಪ್ರಾರ್ಥನೆ ಮಲ್ಪಡ್.
14
ದಾಯೆಗಂದ್ಂಡ ಯಾನ್ ಬೇತೆ ಭಾಷೆಡ್ ಪ್ರಾರ್ಥನೆ ಮಲ್ಪುವೆಡ ಎನ ಆತ್ಮ ಪ್ರಾರ್ಥನೆ ಮಲ್ಪುಂಡು. ಆಂಡ ಎನ ಬುದ್ಧಿ ಕೆಲಸೊಗು ಬರ್ಪುಜಿ.
15
ಅಂಚಾಂಡ ದಾನೆ? ಯಾನ್ ಆತ್ಮೊಡು ಪ್ರಾರ್ಥನೆ ಮಲ್ಪುವೆ, ಬುದ್ಧಿಡ್ಲಾ ಪ್ರಾರ್ಥನೆ ಮಲ್ಪುವೆ; ಆತ್ಮೊಡ್ಲಾ ಬುದ್ಧಿಡ್ಲಾ ರಾಗ ಮಲ್ಪುವೆ.
16
ಈ ಆತ್ಮೊಡು ಮಾತ್ರ ದೇವೆರೆ ಸ್ತುತಿ ಮಲ್ತ್ಂಡ ಆತ್ಮೀಕ ವರದಾಂತಿನಾಯಗ್ ಈ ಪಂಡಿನವು ತೆರಿಯಂದೆ ಉಪ್ಪುನೆಡ್ದ್ ಈ ಮಲ್ಪುನ ಸ್ತುತಿಕ್ಕ್ ಆಯೆ, “ಆಮೆನ್,” ಅಂದ್ದ್ ಪನ್ಪಿನಿ ಎಂಚ?
17
ಈಯಾಂಡ ಎಡ್ಡೆ ರೀತಿಡೇ ಸ್ತುತಿ ಕೊರ್ಪ ಸರಿ. ಆಂಡ ಆ ವರದಾಂತಿನಾಯಗ್ ಐಡ್ದ್ ಆತ್ಮೀಕ ದೃಢ ಆಪುಜಿ.
18
ನಿಕ್ಲೆಡ್ದ್ ಮಾತೆರೆಡ್ದ್ ಹೆಚ್ಚಾದ್ ಯಾನ್ ಬೇತೆ ಭಾಷೆಲೆಡ್ ಪಾತೆರ್ವೆ; ಐಕಾದ್ ದೇವೆರೆಗ್ ಉಪಕಾರ ಸ್ತುತಿ ಮಲ್ಪುವೆ.
19
ಆಂಡ ಸಭೆಟ್ ಯಾನ್ ಬೇತೆ ಭಾಷೆಡ್ ಪತ್ತ್ ಸಾರ ಪಾತೆರೊಲೆನ್ ಪನ್ಪಿನೆಡ್ದ್ ಎನ ಬುದ್ಧಿಡ್ದ್ ಐನೇ ಪಾತೆರೊಲೆನ್ ಅಂದ್ದ್ ಬೇತೆಕ್ಲೆಗ್ ಬೋಧನೆ ಮಲ್ಪುನವು ಎಂಕ್ ಇಷ್ಟವಾಯಿನವು.
20
ಸಹೋದ್ರೆರೇ, ಬುದ್ಧಿದ ಸಂಗತಿಡ್ ಜೋಕುಲೆ ಲೆಕ್ಕ ಉಪ್ಪಡೆ; ಪಡಿಕೆಂತಿನೆತ್ತ ವಿಷಯೊಲೆಡ್ ಜೋಕುಲಾದೆ ಇತ್ತ್ದ್ ಬುದ್ಧಿದ ಸಂಗತಿಡ್ ಪ್ರಾಯಸ್ಥೆರಾದುಪ್ಪುಲೆ.
21
ನ್ಯಾಯಕಟ್ಟ್ಡ್ ಇಂಚ ಬರೆತ್ಂಡ್, “ಯಾನ್ ಬೇತೆ ಭಾಷೆಲೆಡ್ಲಾ ಪರದೇಶಿಯೆರೆ ದುಡಿಲೆಡ್ದ್ಲಾ ಈ ಜನೊಕುಲೆಡ ಪಾತೆರ್ವೆ, ಆಂಡಲಾ ಅಕುಲು ಎನ ಪಾತೆರೊಗು ಕೆಬಿ ಕೊರ್ಪುಜೆರ್,” ಕರ್ತವೆ ಪನ್ಪೆ.
22
ಅಂಚಾಯಿನೆಡ್ದ್ ಬೇತೆ ಭಾಷೆಲೆಡ್ ಪಾತೆರುನವು ನಂಬಿಕೆದಾಂತಿನಾಕುಲೆಗ್ ಗುರ್ತ ಆದುಂಡು ನಂಬುನಾಕುಲೆಗ್ ಅತ್ತ್. ಆಂಡ ಪ್ರವಾದನೆಲು ನಂಬಂದಿನಾಕುಲೆಗ್ ಅತ್ತ್, ನಂಬುನಾಕುಲೆಗಾದುಂಡು.
23
ಇಡೀ ಸಭೆತಾಕುಲು ಕೂಡ್ದು ಬತ್ತಿನಲ್ಪ, ಮಾತೆರ್ಲಾ ಬೇತೆ ಭಾಷೆಲೆಡ್ ಪಾತೆರ್ನಗ, ಆತ್ಮೀಕ ವರದಾಂತಿನಾಕುಲು ಅತ್ತ್ಡ ನಂಬಿಕೆದಾಂತಿನಾಕುಲು ಉಲಯಿ ಬತ್ತೆರ್ಡ ನಿಕ್ಲೆಗ್ ಮರ್ಲ್ ಪತ್ತ್ದ್ಂಡ್ ಅಂದ್ದ್ ಪನಯೆರಾ?
24
ಐತ ಬದಲ್ಗ್ ಮಾತೆರ್ಲಾ ಪ್ರವಾದನೆ ಮಲ್ಪುನಗ ನಂಬಿಕೆದಾಂತಿನಾಯೆ ಅತ್ತ್ಡ ಆತ್ಮೀಕ ವರದಾಂತಿನಾಯೆ ಒರಿ ಉಲಯಿ ಬತ್ತೆಡಲಾ ಆಯೆ ಮಾತೆರೆ ಪಾತೆರೊಲೆನ್ ಕೇಂಡ್ದ್ ತಾನ್ ಪಾಪಿ ಪನ್ಪಿನೆನ್ ತೆರಿವೆ ಬೊಕ್ಕ ಮಾತೆರೆ ಪಾತೆರೊಡ್ದು ಆಯನ ವಿಚಾರಣೆ ಆಯಿ ಲೆಕ್ಕ ಆಪುಂಡು.
25
ಇಂಚ ಆಯನ ಉಡಲ್ದ ಮರ್ಮೊಲು ತೆರಿದ್ ಬರ್ಪುಂಡು. ಅಪಗ ಆಯೆ ಅಡ್ಡಬೂರ್ದು ದೇವೆರೆನ್ ಆರಾಧನೆ ಮಲ್ಪುವೆ. ಬೊಕ್ಕ ಸತ್ಯಾವಾದ್ ನಿಕ್ಲೆಡ್ ದೇವೆರ್ ಉಲ್ಲೆ ಅಂದ್ದ್ ಅರಿಕೆ ಮಲ್ಪುವೆ.
26
ಸಹೋದ್ರೆರೇ, ನಿಕುಲು ಕೂಡ್ದು ಬನ್ನಗ, ಸಭೆಟ್ ಮಾತೆರ್ಲಾ ಪಾಲ್ ದೆತ್ತೊನೊಡು. ಒರಿ ರಾಗ ಪನ್ಪಿನವು, ಬೊಕ್ಕೊರಿ ಬೋಧನೆ ಮಲ್ಪುನವು, ಒರಿ ತನ್ಕ್ ಪ್ರಕಟವಾಯಿನೆನ್ ತೆರಿಪಾವುನವು, ಬೊಕ್ಕೊರಿ ಬೇತೆ ಭಾಷೆಡ್ ಪನ್ಪಿನವು, ಒರಿ ಐತ ಅರ್ಥೊನು ಪನ್ಪಿನವುಲಾ ಉಂಡತ್ತಾ. ನಿಕುಲು ಎಂಚಿನ ಮಲ್ತರ್ಡಲಾ ಆತ್ಮೀಕ ದೃಢತೆಗಾದ್ ಮಲ್ಪುಲೆ.
27
ಒರಿ ಬೇತೆ ಭಾಷೆಡ್ ಪಾತೆರುನಾಂಡ ಇರ್ವೆರ್ ಅತ್ತ್ಡ ಮೂವೆರ್ ಒರಿಯಡ್ದ್ ಒರಿ ಪಾತೆರಡ್. ಬೊಕ್ಕ ಏರ್ಲಾ ಒರಿ ಐತ ಅರ್ಥೊಲೆನ್ ಪನಡ್.
28
ಅರ್ಥ ಪನ್ಪಿನಾಯೆ ಇಜ್ಜೆಡ ಪಾತೆರುನಾಯೆ ಸಭೆಟ್ ಮನಿಪಂದೆ ಉಪ್ಪಡ್; ಆಯೆ ತನಡಲಾ ದೇವೆರೆಡಲಾ ಪಾತೆರಡ್.
29
ಪ್ರವಾದಿಲು ಪ್ರವಾದನೆ ಪನ್ಪಿನಾಕುಲುಲಾ ಇರ್ವೆರಾವಡ್ ಮೂವೆರಾವಡ್ ಪನಡ್. ಬೇತೆಕ್ಲು ಅವೆನ್ ಶೋಧಿದ್ ತೂವಡ್.
30
ಕುಲ್ಲೊಂದುಪ್ಪು ಬೊಕ್ಕೊರಿಯಗ್ ಪ್ರಕಟಣೆ ಆಂಡ, ಸುರು ಪ್ರವಾದನೆ ಮಲ್ಪುನಾಯೆ ಮನಿಪಂದೆ ಕುಲ್ಲಡ್.
31
ನಿಕುಲು ಮಾತ ಒರಿಯಡ್ದ್ ಬೊಕ್ಕ ಒರಿ ಪ್ರವಾದನೆ ಮಲ್ಪುನೆಕ್ಕ್ ಅಡ್ಡಿ ಇಜ್ಜಿ; ಇಂಚ ಮಲ್ತರ್ಡ ಮಾತೆರ್ಲಾ ಕಲ್ತೊನ್ವರ್, ಮಾತೆರೆಗ್ಲಾ ಉಮೇದ್ ತಿಕ್ಕುಂಡು.
32
ಪ್ರವಾದಿಲೆನ ಆತ್ಮೊಲು ಪ್ರವಾದಿಲೆ ಸ್ವಾದೀನೊಡು ಉಪ್ಪೊಡು.
33
ದಾಯೆಗಂದ್ಂಡ ದೇವಜನೊಕಲೆನ ಮಾತ ಸಭೆಕ್ಲೆಡ್ ಇತ್ತಿಲೆಕ್ಕ ದೇವೆರ್ ಗಲಿಬಿಲಿಕ್ ಕಾರಣ ಅತ್ತ್ ಸಮಾಧಾನದ ದೇವೆರ್ ಆದುಲ್ಲೆ.
34
ಪೊಂಜೊವುಲು ಸಭೆತ ಕೂಟೊಲೆಡ್ ಮನಿಪಂದೆ ಉಪ್ಪೊಡು. ಅಕ್ಲೆಗ್ ಪಾತೆರಿಯೆರೆ ಅವಕಾಸ ಇಜ್ಜಿ, ಅಕುಲು ಪಾತೆರಂದೆ ಅಧೀನೆರಾದುಪ್ಪೊಡು ಇಂಚ ನ್ಯಾಯಕಟ್ಟ್ಡ್ ಪನ್ಪುಂಡು.
35
ಅಕುಲು ದಾಲಾಂಡಲಾ ತೆರಿಯೊನಿಯೆರೆ ಬಯಕುವೆರ್ಡ ಇಲ್ಲಡ್ ತನ್ಕುಲೆ ಕಂಡನಿಯಾಡ್ಲೆಡ ಕೇನಡ್. ದಾಯೆಗಂದ್ಂಡ ಸಭೆಟ್ ಪಾತೆರುನವು ಪೊಂಜೊವುಗು ನಾಚಿಗೆದ ಸಂಗತಿ.
36
ದೇವೆರೆ ಪಾತೆರ ನಿಕ್ಲೆ ಸಭೆಡ್ದೇ ಬೈದ್ಂಡಾ? ಇಜ್ಜಿಡ ಆ ಪಾತೆರ ನಿಕ್ಲೆಗ್ ಮಾತ್ರ ಬತ್ತ್ಂಡಾ?
37
ಏರಾಂಡಲಾ ತನನ್ ಪ್ರವಾದಿ ಪಂಡ್ದಾವಡ್ ದೇವೆರೆ ಆತ್ಮಡ್ದ್ ನಡಪಾವುನಾಯೆ ಪಂಡ್ದಾವಡ್ ಎನ್ನೊನುವೆಡ ಯಾನ್ ನಿಕ್ಲೆಗ್ ಬರೆತಿ ಸಂಗತಿಲೆನ್ ಕರ್ತವನ ಅಪ್ಪಣೆ ಪಂಡ್ದೇ ತೆರಿಯಡ್.
38
ಏರಾಂಡಲಾ ಉಂದು ತನ್ಕ್ ಗೊತ್ತಿಜ್ಜಿ ಪನ್ಪೆಡ, ಆಯೆ ತೆರಿಯಂದಿನಾಯೆ ಆದುಪ್ಪಡ್.
39
ಅಂಚಾದ್ ಸಹೋದ್ರೆರೇ, ಪ್ರವಾದನೆ ಪನಿಯೆರೆಗ್ ಆಸೆಡ್ ಬಯಕ್ಲೆ. ಆಂಡ ಬೇತೆ ಭಾಷೆಡ್ ಪಾತೆರ್ನೆಕ್ಕ್ ಅಡ್ಡಿ ಮಲ್ಪಡೆ.
40
ಬೊಕ್ಕ ಮಾತಲಾ ಮರ್ಯಾದಿಡ್ಲಾ ಕ್ರಮೊಟ್ಲಾ ನಡಪಡ್.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 15 →
All chapters:
1
2
3
4
5
6
7
8
9
10
11
12
13
14
15
16