bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Galatians 3
Galatians 3
Tulu (ಪೊಸ ಒಡಂಬಡಿಕೆ)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 4 →
1
ಓ, ಬುದ್ಧಿದಾಂತಿ ಗಲಾತ್ಯದಾಕುಲೇ! ನಿಕ್ಲೆನ್ ಏರ್ ಮರ್ಲ್ ಮಲ್ತೆರ್? ಕ್ರುಸ್ಸುಗು ಪತ್ತಾದಿ ಯೇಸು ಕ್ರಿಸ್ತನ ಮರಣೊನು ನಿಕುಲು ಕಣ್ಣೆದುರು ಸ್ಪಷ್ಟಾದ್ ತೂತರತ್ತಾ
2
ಒಂಜಿ ಸಂಗತಿನ್ ನಿಕ್ಲೆಡ ಕೇನ್ವೆ. ಮೋಶೆನ ನ್ಯಾಯಕಟ್ಟ್ನ್ ಕೈಕೊನುನೆಡ್ದಾವರ ನಿಕ್ಲೆಗ್ ದೇವೆರಾತ್ಮ ತಿಕ್ಕ್ಂಡಾ? ಇಜ್ಜಿಂಡ ಕ್ರಿಸ್ತನ ಸುವಾರ್ತೆ ಕೇಂಡ್ದ್ ನಂಬಿನೆಡ್ದ್ ನಿಕ್ಲೆಗ್ ದೇವೆರಾತ್ಮ ತಿಕ್ಕ್ಂಡಾ?
3
ನಿಕುಲು ಈತ್ ಬುದ್ಧಿದಾಂತಿನಾಕುಲು ಆದುಲ್ಲರಾ? ದೇವೆರಾತ್ಮೊಡು ಕ್ರೈಸ್ತ ಜೀವನೊನು ಸುರು ಮಲ್ತ್ದ್ ಇತ್ತೆ ದಾಯೆಗ್ ನಿಕುಲು ಸ್ವಂತ ಶಕ್ತಿಡ್ದ್ ಪೂರ್ತಿ ಮಲ್ಪೆರೆ ತೂವೊಂದುಲ್ಲರಾ?
4
ನಿಕ್ಲೆಗಾಯಿನ ಈತ್ ಮಾತ ಅನುಭವ ವ್ಯರ್ಥ ಆಂಡಾ? ಅವು ಕಂಡಿತಾದ್ ವ್ಯರ್ಥ ಆತಿಜತ್ತಾ?
5
ದೇವೆರ್ ತನ ಆತ್ಮೊನು ಕೊರ್ದು, ನಿಕ್ಲೆ ನಡುಟು ಬಲತ್ತ ಕಾರ್ಯೊಲೆನ್ ಮಲ್ಪುನ ಅಧಿಕಾರ ನಿಕುಲು ನ್ಯಾಯಕಟ್ಟ್ನ್ ಕೈಕೊನುನೆಡ್ದಾವರ ತಿಕ್ಕ್ಂಡಾ ಇಜ್ಜಿಂಡ ನಿಕುಲು ಕ್ರಿಸ್ತನ ಸುವಾರ್ತೆ ಕೇಂಡ್ದ್ ನಂಬಿನೆಡ್ದೇ ತಿಕ್ಕ್ಂಡಾ?
6
ಅಂಚೆನೇ ಅಬ್ರಹಾಮು ದೇವೆರೆನ್ ನಂಬಿಯೆ, ಆ ನಂಬಿಕೆನೇ ಆಯನ ಲೆಖ್ಖೊಗು ನೀತಿದವು ಅಂದ್ದ್ ಗೆನ್ತ್ದ್ಂಡ್ ಅಂದ್ದ್ ಬರೆತ್ಂಡ್ ಅತ್ತಾ?
7
ಆ ನಂಬಿಕೆಡ್ದೇ, ನಿಕುಲು ಅಬ್ರಹಾಮುನ ಜೋಕುಲು ಅಂದ್ದ್ ತೆರಿಯೊನ್ಲೆ.
8
ದೇವೆರ್ ದುಂಬೇ ಶಾಸ್ತ್ರೊಡು ಪಂಡಿಲೆಕ್ಕ, ನಂಬಿಕೆದ ಮಿತ್ತ್ ಪಿದಯಿದ ಜನೊಕುಲೆನ್ ನೀತಿವಂತೆರ್ ಅಂದ್ದ್ ತೀರ್ಪು ಮಲ್ಪುವೆ. ಐಕ್ ದೇವೆರ್, “ಅಬ್ರಹಾಮುಡ್ದು ಮಾತ ಜನಾಂಗದಾಕುಲೆಗ್ಲಾ ಆಶೀರ್ವಾದ ಉಂಡಾಪುಂಡು,” ಪನ್ಪಿನ ಸುವಾರ್ತೆ ದುಂಬೇ ತೆರಿಪಾದೆ.
9
ಅಂಚಾಯಿನೆಡ್ದ್ ನಂಬುನಾಕುಲೆಗ್ ನಂಬಿಕೆ ಇತ್ತಿ ಅಬ್ರಹಾಮುಡೊಪ್ಪ ಆಶೀರ್ವಾದ ತಿಕ್ಕುಂಡು.
10
ಆಂಡ ದೇವೆರೆಡೊಪ್ಪ ನೀತಿವಂತೆ ಆಪಿನೆಕ್ಕ್ ನ್ಯಾಯಕಟ್ಟ್ನ್ ಆಧಾರ ಮಲ್ತೊನುನಾಕುಲು ಶಾಪಗ್ರಸ್ತೆರೆ. ದಾಯೆಗ್ ಪಂಡ ಶಾಸ್ತ್ರೊಡು ಪನ್ಪುಂಡು, “ದೇವೆರ್ ನ್ಯಾಯಕಟ್ಟ್ದ ಪುಸ್ತಕೊಡು ಬರೆತಿನವು ಮಾತೆನ್ಲಾ ಪ್ರತಿದಿನಲಾ ಕೈಕೊನೊಂದು ನಡಪಂದಿನಾಕುಲು ಪ್ರತಿಯೊರಿಲಾ ಶಾಪಗ್ರಸ್ತೆರಾದುಲ್ಲೆರ್.”
11
ಅಂಚಾದ್ ನ್ಯಾಯಕಟ್ಟ್ನ್ ಕೈಕೊನುನೆಡ್ದ್ ಏರ್ಲಾ ದೇವೆರೆ ಎದುರುಗ್ ನೀತಿವಂತೆರ್ ಅಂದ್ದ್ ತೀರ್ಪು ಆವೆರೆಗ್ ಸಾದ್ಯ ಇಜ್ಜಿ ಪನ್ಪಿನವು ಸ್ವಷ್ಟಾದುಂಡು. ದಾಯೆಗ್ ಪಂಡ “ನೀತಿವಂತೆ ನಂಬಿಕೆಡ್ದೇ ಬದುಕುವೆ.” ಅಂದ್ದ್ ಬರೆತ್ಂಡ್.
12
ಅಂಚೆನೇ ನ್ಯಾಯಕಟ್ಟ್ ನಂಬಿಕೆದ ಮಾರ್ಗ ಅತ್ತ್, “ಐತ ನಿಯಮೊಲೆನ್ ಸರಿಯಾದ್ ಆಚರಣೆ ಮಲ್ಪುನಾಯೆನೇ ಬದುಕುವೆ,” ಅಂದ್ದ್ ಬರೆತ್ಂಡ್.
13
ಕ್ರಿಸ್ತೆ ನಮನ್ ಶಾಪೊಡ್ದು ಬುಡ್ಪಾವೆರೆಗಾದ್ ತಾನೇ ಶಾಪಗ್ರಸ್ತೆ ಆಯೆ. ದಾಯೆಗ್ ಪಂಡ ನ್ಯಾಯಕಟ್ಟ್ಡ್ ಬರೆತ್ಂಡ್, “ಮರತ ಕಂಬೊಡು ನೇಲ್ದ್ ಸೈತಿನ ಪ್ರತಿಯೊರಿ ಶಾಪಗ್ರಸ್ತೆನೇ.”
14
ದೇವೆರ್ ಅಬ್ರಹಾಮುಗು ವಾಗ್ದಾನ ಮಲ್ತಿನ ಅವ್ವೇ ಆಶೀರ್ವಾದೊನು ಕ್ರಿಸ್ತ ಯೇಸುಡ್ದು ಪಿದಯಿದ ಜನೊಕುಲೆಗ್ಲಾ ಕೊರಿಯೆ. ಅಂಚಾಯಿನೆಡ್ದ್ ನಮ ನಂಬುನಾಕುಲೆಗ್ಲಾ ನಂಬಿಕೆಡ್ದೇ ವಾಗ್ದಾನದ ಆತ್ಮೊನ್ಲಾ ತಿಕ್ಕುಲೆಕ್ಕ ಮಲ್ತೆ.
15
ಸಹೋದ್ರೆರೇ, ನಮ ಜೀವನದ ಒಂಜಿ ದೃಷ್ಟಾಂತೊನು ಯಾನ್ ಪನ್ಪೆ. ಒಂಜಿ ಒಡಂಬಡಿಕೆ ಬಜೀ ನರಮಾನಿನವೇ ಆದಿತ್ತ್ಂಡಲಾ ಅವೆನ್ ಏರ್ಲಾ ದೆತ್ತ್ದ್ ಪಾಡುಜೆರ್, ಏರ್ಲಾ ಐಕ್ ದಾಲಾ ಹೆಚ್ಚಿದೆನ್ ಕೂಡಾವುಜೆರ್.
16
ಅಂಚೆನೇ ದೇವೆರ್ ಅಬ್ರಹಾಮುಗ್ಲಾ, ಆಯನ ಸಂತಾನೊಗ್ಲಾ ವಾಗ್ದಾನ ಮಲ್ತ್ದಿತ್ತೆ. ದೇವೆರ್ ನಿನ ಸಂತಾನದಾಕುಲೆಗ್ ಪಂಡ್ದ್ ಮಾತೆರೆನ್ಲಾ ಸೇರಿಸಾವಂದೆ, ನಿನ ಸಂತಾನೊಗು ಪಂಡ್ದ್ ಒರಿಯನೇ ಸೇರಿಸಾವೊಡು ಪಂಡ್ದ್ ಪಂಡೆ. ಆ ಒರಿಯೇ ಕ್ರಿಸ್ತೆ ಆದುಲ್ಲೆ.
17
ಬೊಕ್ಕ ಯಾನ್ ನಿಕ್ಲೆಗ್ ಪನ್ಪಿನವು ಉಂದೇ. ದೇವೆರ್ ಅಬ್ರಹಾಮುಡೊಪ್ಪ ಮಲ್ತ್ದಿನ ಒಡಂಬಡಿಕೆನ್ ನಾಲ್ನೂತ್ತ ಮುಪ್ಪ ವರ್ಸೊಡ್ದು ಬೊಕ್ಕ ಬತ್ತಿನ ನ್ಯಾಯಕಟ್ಟ್ ದೆತ್ತ್ ಪಾಡಂದೆ ಆ ವಾಗ್ದಾನೊನು ವ್ಯರ್ಥ ಮಲ್ಪುಜೆ.
18
ಬಾಧ್ಯಸ್ತಿಗೆ ನ್ಯಾಯಕಟ್ಟ್ಡ್ದ್ ತಿಕ್ಕುನಾಂಡ, ದೇವೆರೆ ವಾಗ್ದಾನೊಡ್ದು ಅತ್ತ್ ಪಂಡ್ದಾಂಡ್. ಆಂಡ ದೇವೆರ್ ಅಬ್ರಹಾಮುಗು ಕೊರ್ತಿನ ಬಾಧ್ಯಸ್ತಿಗೆನ್ ವಾಗ್ದಾನೊಡ್ದೇ ದಯ ಮಲ್ತೆ.
19
ಅಂಚಾಂಡ ಮೋಶೆನ ನ್ಯಾಯಕಟ್ಟ್ ದಾಯೆಗ್? ವಾಗ್ದಾನದ ಸಂತಾನದಾಯೆ ಬನ್ನಮುಟ್ಟ ದೇವೆರ್ ಪಾಪ ಪಂಡ ದಾನೆ ಅಂದ್ದ್ ತೋಜಾವೆರೆಗಾದ್ ಅವೆನ್ ವಾಗ್ದಾನೊಡು ನೇಮಕ ಮಲ್ತ್ದ್ ದೂತೆರೆಡ್ದ್ ಮೋಶೆಗ್ ಕೊರಿನೆಡ್ದ್ ಮೋಶೆ ದೇವೆರೆಗ್ಲಾ ಜನೊಕುಲೆಗ್ಲಾ ನಡುತ ಮದ್ಯಸ್ತೆಗಾರೆ ಆಯೆ.
20
ಒಂಜೆ ಪಕ್ಷ ಇತ್ತ್ಂಡ ಮದ್ಯಸ್ತೆ ಬೋಡಂದ್ ಇಜ್ಜಿ. ಆಂಡ ದೇವೆರಾಂಡಲಾ ಒರಿಯೇ.
21
ಅಂಚಾಂಡ ನ್ಯಾಯಕಟ್ಟ್ಗ್ಲಾ ದೇವೆರೆನ ವಾಗ್ದಾನೊಗ್ಲಾ ವಿರೋಧ ಉಂಡಾ? ಅಂಚ ಏಪಲಾ ತೆರಿಯೊನರೆ ಬಲ್ಲಿ, ಒರಿಯನ್ ಬದ್ಕಿಯೆರೆ ನ್ಯಾಯಕಟ್ಟ್ ಕೊರ್ದಿತ್ತ್ಂಡ, ಕಂಡಿತಾದ್ ನ್ಯಾಯಕಟ್ಟ್ಡ್ದ್ ನೀತಿ ಉಂಡಾತು.
22
ಆಂಡ ಶಾಸ್ತ್ರ ಪನ್ಪುಂಡು, ನಮ ಮಾತೆರ್ಲಾ ಪಾಪೊಗು ದಾಸೆರಾದುಲ್ಲ. ಅಂಚಾದ್ ದೇವೆರೆನ ವಾಗ್ದಾನ, ನಮ ಯೇಸು ಕ್ರಿಸ್ತ ಮಿತ್ತ್ ನಂಬಿಕೆ ದೀಪಿನೆಡ್ದ್ ಮಾತ್ರ ತಿಕ್ಕುಂಡು.
23
ಕ್ರಿಸ್ತ ನಂಬಿಕೆದ ಕಾಲ ಬರ್ಪಿನೆಕ್ಕ್ ದುಂಬು, ನಂಕ್ ದುಂಬಗ್ ತೋಜಿಯೆರೆ ಇತ್ತಿ ಆ ನಂಬಿಕೆಗ್ ವಶ ಆಪಿನೆಕ್ಕಾದ್ ನ್ಯಾಯಕಟ್ಟ್ದ ಕೈ ತಿರ್ತ್ ಬಂಧನೊಡು ಇತ್ತ.
24
ಅಂಚಾಯಿನೆಡ್ದ್ ನಂಕ್ ನಂಬಿಕೆಡ್ದ್ ನೀತಿವಂತೆರ್ ಅಂದ್ದ್ ತೀರ್ಪು ಆಪಿಲೆಕ್ಕ ನ್ಯಾಯಕಟ್ಟ್ದ ಕಾಲ ಕ್ರಿಸ್ತ ಕಡೆಕ್ಕ್ ಸೇರು ಮುಟ್ಟ ನಮನ್ ಕಾತ್ಂಡ್.
25
ಇತ್ತೆ ನಂಬಿಕೆದ ಕಾಲ ಬತ್ತಿ ಬೊಕ್ಕ ನಂಕ್ ನ್ಯಾಯಕಟ್ಟ್ ಕಾಪುನ ಅಗತ್ಯ ಇಜ್ಜಿ.
26
ಕ್ರಿಸ್ತ ಯೇಸುಡು ನಂಬಿಕೆ ದೀಪಿನೆಡ್ದಾದ್ ನಿಕುಲು ಮಾತೆರ್ಲಾ ದೇವೆರೆ ಜೋಕುಲು ಆದುಲ್ಲರ್.
27
ದಾಯೆಗಂದ್ಂಡ ಕ್ರಿಸ್ತಡ್ ಸೇರಾಯೆರೆಗಾದ್ ದೀಕ್ಷಾಸ್ನಾನ ಮಲ್ತೊಂದಿನ ನಿಕುಲು ಕ್ರಿಸ್ತಡ್ ಒಂಜಾಯರ್.
28
ನಿಕುಲು ಮಾತ ಕ್ರಿಸ್ತ ಯೇಸುಡ್ದು ಒಂಜೇ ಆದಿತ್ತಿನೆಡ್ದಾವರ, ಯೆಹೂದ್ಯೆರ್, ಗ್ರೀಕೆರ್, ಪನ್ಪಿನವು, ಗುಲಾಮೆ, ಸ್ವತಂತ್ರದಾಯೆ ಪನ್ಪಿನವು, ಆಣ್ ಪೊಣ್ಣು ಪನ್ಪಿನವು ಭೇದ ಇಜ್ಜಿ.
29
ಇತ್ತೆ ನಿಕುಲು ಕ್ರಿಸ್ತನಾಕುಲಾದಿತ್ತ್ಂಡ, ನಿಕುಲು ಅಬ್ರಹಾಮುನ ಸಂತಾನಲಾ ದೇವೆರ್ ಅಬ್ರಹಾಮುಗು ಕೊರಿನ ವಾಗ್ದಾನದ ಬಾಧ್ಯಸ್ತೆರ್ಲಾ ಆದುಲ್ಲರ್.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 4 →
All chapters:
1
2
3
4
5
6