bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Galatians 6
Galatians 6
Tulu (ಪೊಸ ಒಡಂಬಡಿಕೆ)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
ಸಹೋದ್ರೆರೇ, ಒರಿ ಏರಾಂಡಲಾ ಪಾಪೊಡು ತಿಕ್ಕೊಂಡೆಡ, ಆತ್ಮಭಾವದಾಕುಲಾಯಿ ನಿಕುಲು ಅಂಚಿತ್ತಿನಾಯನ್ ಸಜ್ಜನಿಗೆದ ಆತ್ಮೊಡು ಶಾಂತ ರೀತಿಡ್ ಪಾಪೊಡ್ದು ಪಿದಾಯಿ ಕನವೊಡು. ನಿಕುಲುಲಾ ಅವ್ವೇ ಶೋಧನೆಗ್ ಬೂರಂದಿಲೆಕ್ಕ ಎಚ್ಚರಿಕೆ ಆದುಪ್ಪುಲೆ.
2
ಒರಿ ಬೊಕ್ಕೊರಿಯನ ಪುದೆನ್ ತುಂಬೊಂದು, ಕ್ರಿಸ್ತ ನ್ಯಾಯಕಟ್ಟ್ನ್ ಪೂರ್ತಿ ಮಲ್ಪುಲೆ.
3
ಒರಿ ದಾಲಾ ಆದುಪ್ಪಂದೆ ತನನ್ ತಾನ್ ಮಲ್ಲಾಯೆ ಅಂದ್ದ್ ಎನ್ನುವೆಡ, ತನ್ಕ್ ತಾನೇ ಮೋಸ ಮಲ್ತೊನ್ವೆ.
4
ಪ್ರತಿ ಒರಿಲಾ ಆಯೆ ಮಲ್ತಿನ ಕೆಲಸೊನು ಪರೀಕ್ಷೆ ಮಲ್ತ್ದ್ ತೂವಡ್. ಅಂಚಾಂಡ ಮಾತ್ರ ಆಯೆ ಮಲ್ತಿನ ಕೆಲಸೊಲೆಡ್ ಪುಗರಿಗೆ ಪಡೆಯೊಲಿ ಬೇತೆಕ್ಲು ಮಲ್ತಿನ ಕೆಲಸೊಗು ಅತ್ತ್.
5
ದಾಯೆಗಂದ್ಂಡ ನಮ ಪ್ರತಿ ಒರಿಲಾ ಆಯಾಯನ ಪುದೆನ್ ತುಂಬೊನೊಡು.
6
ದೇವೆರೆ ಪಾತೆರದ ಬೋಧನೆನ್ ಕೇನುನಾಯೆ, ಬೋಧನೆನ್ ಮಲ್ಪುನಾಯಗ್ ತನಡುಪ್ಪುನ ಮಾತ ಎಡ್ಡೆಂತಿನೆಟ್ಟ್ ಪಾಲ್ ಕೊರಡ್.
7
ಮೋಸೊಗು ತಿಕ್ಕ್ದ್ ಬೂರೊಡ್ಚಿ, ದೇವೆರ್ ತಿರಸ್ಕಾರ ಸಹಿಸೊನುನಾಯೆ ಅತ್ತ್. ನರಮಾನಿ ಎಂಚಿನ ಬಿತ್ತುವೆನಾ ಅವೆನೇ ಕೊಯ್ಪೆ.
8
ತನ್ಕುಲೆ ಸ್ವಂತ ಶರೀರಭಾವೊನು ಬಿತ್ತುನಾಯೆ ಶರೀರಭಾವೊಡ್ದು ನಾಶನೊನು ಕೊಯ್ಪೆ. ಆಂಡ ಆತ್ಮನ ವಿಷಯೊಡು ಬಿತ್ತುನಾಯೆ ಆತ್ಮಡ್ದೇ ನಿತ್ಯಜೀವೊನು ಕೊಯ್ಪೆ.
9
ಅಂಚಾದ್ ಎಡ್ಡೆ ಮಲ್ಪುನೆಟ್ಟ್ ನಮ ಬೇಜಾರ್ ಮಲ್ಪಂದೆ ಉಪ್ಪುಗ. ನಮ ಬೇಜಾರ್ ಮಲ್ಪುಜಡ, ತಕ್ಕ ಸಮಯೊಡು ಆಶೀರ್ವಾದದ ಬುಲೆನ್ ಕೊಯ್ಪ.
10
ಅಂಚಾದ್ ಎಡ್ಡೆ ಮಲ್ಪೆರೆ ನಂಕ್ ಅವಕಾಸ ಉಪ್ಪುನಗ ಮಾತೆರೆಗ್ಲಾ ಎಡ್ಡೆನೇ ಮಲ್ಪುಗ. ಮುಖ್ಯಾದ್ ಒಂಜೇ ಇಲ್ಲದಾಕುಲೆಲೆಕ್ಕ ಕ್ರಿಸ್ತ ನಂಬಿಕೆಡ್ ಉಪ್ಪುನಾಕುಲೆಗ್ ಮಲ್ಪುಗ.
11
ಈ ಕಡೆತ ಪಾತೆರೊಲೆನ್ ಯಾನ್ ಎನ ಸ್ವಂತ ಕೈಟ್ ಬರೆನಗ ಏತ್ ಮಲ್ಲ ಅಕ್ಷರೊಡು ಪತ್ರಿಕೆ ಬರೆತೆ ಅಂದ್ದ್ ತೂಲೆ.
12
ಶರೀರೊಡು ನಿಕ್ಲೆನ್ ಸುನ್ನತಿ ಮಲ್ತೊನಿಯೆರೆ ಒತ್ತಾಯ ಮಲ್ಪುನಾಕುಲು ಬೇತೆಕ್ಲೆ ಎದುರುಡು ಎಡ್ಡೆಂತಿನಾಕುಲಾದ್ ತೋಜಾವೊನಿಯೆರೆ ಬಯಕುವೆರ್. ದಾಯೆಗಂದ್ಂಡ ಕ್ರಿಸ್ತನ ಕ್ರುಸ್ಸುಡ್ದು ಭಂಗ ತಾಳೊನಿಯೆರೆ ಅಕ್ಲೆಗ್ ಮನಸ್ ಇಜ್ಜಿ.
13
ಸುನ್ನತಿ ಆತಿನಾಕುಲು, ಅಕುಲೇ ನ್ಯಾಯಕಟ್ಟ್ಗ್ ಸರಿಯಾದ್ ನಡತೊಂದು ಇಜ್ಜೆರ್. ಅಕುಲು ನಿಕ್ಲೆ ಶರೀರೊಡು ಪುಗರಿಗೆ ಪಡೆಯೊನಿಯೆರೆ ನಿಕ್ಲೆಗ್ ಸುನ್ನತಿ ಆವೊಡು ಅಂದ್ದ್ ಆಸೆ ಮಲ್ಪುವೆರ್.
14
ಎಂಕಾಂಡಲಾ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಕ್ರುಸ್ಸುಡು ಅತ್ತಂದೆ ಬೇತೆ ವಾ ಪುಗರಿಗೆಲಾ ಬೊಡ್ಚಿ. ಆಯಡ್ದಾದ್ ಯಾನ್ ಲೋಕೊನು ಕ್ರುಸ್ಸುಗು ಪಾಡೊಂದಿನಾಯೆ ಆದ್ ಎನ ಪಾಲ್ಗ್ ಸೈತೆ. ಬೊಕ್ಕ ಯಾನ್ ಕ್ರುಸ್ಸುಗು ಪಾಡೊಂದಿನಾಯೆ ಆದ್ ಲೋಕದ ಪಾಲ್ಗ್ ಸೈತೆ.
15
ಸುನ್ನತಿ ಆಪಿನೆಡ್ದ್ ದಾಲಾ ಇಜ್ಜಿ, ಸುನ್ನತಿ ಆವಂದೆ ಉಪ್ಪುನವುಲಾ ದಾಲಾ ಇಜ್ಜಿ. ನಂಕ್ ನಿಜಾದ್ ಪೊಸ ಸೃಷ್ಟಿಯೇ ಬೋಡು.
16
ಈ ಸೂತ್ರೊಗು ಸರಿಯಾದ್ ನಡಪುನಾಕುಲೆಗ್ ಮಾತೆರೆಗ್ಲಾ ಪಂಡ್ಂಡ, ನಿಜ ಇಸ್ರಾಯೇಲ್ಯೆರೆ ದೇವಜನೊಕುಲೆಗ್ ದಯಲಾ ಸಮಾಧಾನಲಾ ಉಪ್ಪಡ್.
17
ಇಂಚಿನ ಸಂಗತಿಲೆಡ್ದಾದ್ ನನ ಎಂಕ್ ಏರ್ಲಾ ತೊಂದರೆ ಕೊರಡೆ. ದಾಯೆಗಂದ್ಂಡ ಎನ ಶರೀರದ ಮಿತ್ತುಪ್ಪುನ ಗಾಯದ ಕಲೆತ ಗುರ್ತ, ಯಾನ್ ಯೇಸುನ ಸೇವಕೆ ಪಂಡ್ದ್ ತೋಜಾವುಂಡತ್ತಾ.
18
ಸಹೋದ್ರೆರೇ, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯ ನಿಕ್ಲೆ ಆತ್ಮಡೊಪ್ಪ ಉಪ್ಪಡ್, ಆಮೆನ್.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6