bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Romans 11
Romans 11
Tulu (ಪೊಸ ಒಡಂಬಡಿಕೆ)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
1
ಅಪಗಾಂಡ ದೇವೆರ್ ತನ ಸ್ವಂತ ಜನೊಕುಲೆನ್ ತಿರಸ್ಕಾರ ಮಲ್ತೆನಾ ಪಂಡ್ದ್ ಕೇನ್ವೆ. ಕಂಡಿತಾದ್ ಇಜ್ಜಿ! ಯಾನ್ಲಾ ಒರಿ ಇಸ್ರಾಯೇಲ್ಯೆ; ಅಬ್ರಹಾಮುನ ಸಂತಾನದಾಯೆ, ಬೆನ್ಯಾಮೀನನ ಗೋತ್ರದಾಯೆ ಆದುಲ್ಲೆ.
2
ದೇವೆರ್ ತಾನ್ ದುಂಬು ತನ ಜನೊಕುಲಾವೆರೆ ಗೊತ್ತು ಮಲ್ತೊಂಡಿ ಜನೊಕುಲೆನ್ ತಿರಸ್ಕಾರ ಮಲ್ತ್ಜೆ. ಎಲೀಯನ ಚರಿತ್ರೆಡ್ ಶಾಸ್ತ್ರ ಪನ್ಪಿ ಪಾತೆರ ನಿಕ್ಲೆಗ್ ತೆರಿಯಂದಾ? ಆಯೆ ದೇವೆರೆ ಎದುರುಡು, “ಕರ್ತವಾ ಅಕುಲು ನಿನ ಪ್ರವಾದಿಲೆನ್ ಕೆರ್ದ್ ನಿನ ಬಲಿಪೀಠೊಲೆನ್ ದರ್ತ್ ಪಾಡ್ದೆರ್. ಯಾನ್ ಒರಿಯೇ ಒರಿದೆ, ಎನ ಪ್ರಾಣೊನ್ಲಾ ದೆಪ್ಪೊಡುಂದುಲ್ಲೆರ್,” ಪಂಡ್ದ್ ಇಸ್ರಾಯೇಲ್ಯೆರೆ ಮಿತ್ತ್ ದೂರು ಪಂಡಿನೆಕ್ಕ್
4
ದೇವೆರ್ ಆಯಗ್ ದಾನೆ ಉತ್ತರ ಕೊರಿಯೆ? “ಬಾಳನ ಮೂರ್ತಿಗ್ ಪೂಜೆ ಮಲ್ಪಂದಿನ ಏಳ್ ಸಾವಿರ ಮಂದಿನ್ ಯಾನ್ ಎಂಕಾದ್ ಒರಿಪಾದೆ.”
5
ಐತ ಲೆಕ್ಕನೆ ಇತ್ತೆದ ಕಾಲೊಡ್ಲಾ ದೇವೆರೆ ದಯೊಡ್ದು ಅಜತ್ದಿನಾಕುಲಾಯಿ ಕೆಲೆವೆರ್ ಒರಿದೆರ್.
6
ದಯೊಡ್ದು ಅಜತೊಂದೆ ಪಂಡಿ ಬೊಕ್ಕ ಎಡ್ಡೆ ಕ್ರಿಯೊಲೆಡ್ದ್ ಅಜತೊಂಡಿನವು ಅತ್ತತ್ತಾ, ಅಂಚ ಅತ್ತ್ಡ ದಯೊನು ನನ ದಯೆ ಪಂಡ್ದ್ ಪನಿಯೆರೆ ಆಪುಜಿ.
7
ನೆಡ್ದ್ ತೆರಿಯೊಡಾಯಿನವು ದಾದವು? ಇಸ್ರಾಯೇಲ್ಯೆರ್ ನಾಡಿನವು ಅಕ್ಲೆಗ್ ಮಾತೆರೆಗ್ ತಿಕ್ಕ್ದಿಜಿ. ಅಕ್ಲೆಡೊಪ್ಪ ಅಜತಿನಾಕುಲೆಗ್ ತಿಕ್ಕ್ಂಡ್. ಬಾಕಿದಾಕುಲು ಹಟಮಾರಿಲು ಆಯೆರ್.
8
ಶಾಸ್ತ್ರೊಡು ಬರೆತಿ ಲೆಕ್ಕನೇ, “ದೇವೆರ್ ಅಕ್ಲೆಗ್ ಬಡ್ಡ್ ಆತ್ಮೊನು ಕೊರಿಯೆ. ಇನಿ ಮುಟ್ಟಲಾ ಅಕ್ಲೆಗ್ ಕೇನಿಯೆರೆಗಾವಡ್ ತೂವೆರೆಗಾವಡ್ ಆತಿಜಿ.”
9
ದಾವೀದ್ ಪನ್ಪೆ, “ಅಕ್ಲೆನ ವಣಸೇ ಅಕ್ಲೆಗ್ ಉರ್ಲುಲಾ ಪಂಜರಲಾ ತಡೆದಾಂತಿ ಶಿಕ್ಷೆಲಾ ಆವಡ್.
10
ಅಕ್ಲೆ ಕಣ್ಣ್ ಮಂದ ಆದ್ ತೂವಂದಿಲೆಕ್ಕ ಆವಡ್; ಅಕ್ಲೆ ಬೆರಿ ಏಪಲಾ ಬಗ್ಗ್ದುಪ್ಪುಲೆಕ್ಕ ಮಲ್ಪು,” ಪಂಡ್ದ್ ದಾವೀದೆ ಪನ್ಪೆ.
11
ಅಪಗ ಯಾನ್ ಕೇನ್ವೆ, ಇಸ್ರಾಯೇಲ್ಯೆರ್ ದಂಟಿನಪಗ ಅಕುಲು ನಾಶೊಡು ಬೂರಿಯೆರಾ? ಕಂಡಿತಾದ್ ಇಜ್ಜಿ! ಅಕುಲು ಅಪರಾಧಿಲು ಆದ್ ಬೂರ್ದು ಪೋಯಿನೆಡ್ದಾದ್ ರಕ್ಷಣೆ ಪಿದಯಿದ ಜನೊಕುಲೆಗ್ ತಿಕ್ಕ್ಂಡ್. ಉಂದೆಡ್ದಾದ್ ಇಸ್ರಾಯೇಲ್ಯೆರೆಗ್ ಅಕ್ಲೆ ಮಿತ್ತ್ ಮತ್ಸರ ಪುಟ್ಟಾಯಿನೆಡ್ದ್ ಅಕುಲು ಕುಡೊರ ದೇವೆರೆ ಕಡೆಕ್ಕ್ ಬರೊಲಿ.
12
ಅಕುಲು ಬೂರ್ದು ಪೋಯಿನವು ಲೋಕದ ಲಾಭೊಗ್ಲಾ ಅಕುಲು ಅಪರಾಧಿಲು ಆದ್ ಸೋತು ಪೋಯಿನವು ಪಿದಯಿದ ಜನೊಕುಲೆಗ್ ಐಶ್ವರ್ಯೊಗು ಮಾರ್ಗ ಆಯಿನೆಡ್ದ್ಲಾ ಅಕ್ಲೆನ ಪೂರ್ತಿ ರಕ್ಷಣೆ ಏತೋ ಹೆಚ್ಚಾಯಿನ ಲಾಭೊಗು ಕಾರಣ ಆಪುಂಡು.
13
ಪಿದಯಿದ ಜನೊಕುಲು ಆದುಪ್ಪು ನಿಕ್ಲೆಡ ಪಾತೆರ್ವೆ. ಯಾನ್ ಪಿದಯಿದ ಜನೊಕುಲೆಗ್ ಅಪೊಸ್ತಲೆ ಆದುಪ್ಪುನೆಡ್ದ್ ಎನ ಸೇವೆನ್ ಗನಸ್ಥಿಕೆಗ್ ಕನಪೆ.
14
ಇಂಚ ಒಂಜಿ ವೇಳೆ ಎನ ಸ್ವಂತ ಜನೊಕುಲೆಡ ಕಿಚ್ಚಿ ಪುಟ್ಟಾದ್ ಅಕ್ಲೆಡ್ದ್ಲಾ ಕೆಲೆವೆರೆನ್ ರಕ್ಷಣೆದ ಸಾದಿಗ್ ಕನವೆ.
15
ದಾಯೆಗಂದ್ಂಡ ಇಸ್ರಾಯೇಲ್ಯೆರೆನ್ ತಿರಸ್ಕಾರ ಮಲ್ಪುನೆಡ್ದ್ ಲೋಕ ದೇವೆರೊಡೊಪ್ಪ ಸಮಾಧಾನ ಆವೆರೆ ಸಾದಿ ಆಯಿ ಬೊಕ್ಕ ಅಕ್ಲೆನ್ ಸೇರಾವೊನುನೆಡ್ದ್ ದಾನೆ ಆಪುಂಡು? ಸೈತಿನಾಕುಲು ಜೀವೊಡು ಲಕ್ಕ್ದ್ ಬತ್ತಿಲೆಕ್ಕ ಆಪುಂಡತ್ತಾ.
16
ಬಂದದ ಒಂಜಿ ಚೂರು ಬೂರ್ದು, ಬಂದ ಪರಿಶುದ್ಧ ಆಯಿ ಬೊಕ್ಕ ಮಾತ ಪರಿಶುದ್ಧ ಆಯಿ ಲೆಕ್ಕ ಆಂಡ್. ಬೇರ್ ಪರಿಶುದ್ಧ ಆದುಂಡು ಬೊಕ್ಕ ಗೆಲ್ಲುಲು ಮಾತ ಪರಿಶುದ್ಧ ಆಪುಂಡು.
17
ಆಂಡ ಕೆಲವು ಗೆಲ್ಲುಲು ಪೊಲ್ತುದು ಪಾಡ್ದ್, ಕಾಟ್ ಇಪ್ಪೆ ಆದಿತ್ತಿ ನಿನನ್ ಐತ ಇಡೆಟ್ ಕಸಿ ಕಟ್ಟಾವೊಂಡಿನಾಯೆ ಆದ್, ಇಪ್ಪೆ ಮರತ ಬುಲೆದಿ ಬೇರ್ಡ್ ಪಾಲ್ ಪಡೆಯಿನೆಡ್ದಾವರ ಈ ಆ ಗೆಲ್ಲ್ಲೆನ್ ಗೆನ್ಪಂದೆ ನಿನನ್ ಹೆಚ್ಚಾವೊನಡ.
18
ಅಂಚಾಯಿನೆಡ್ದ್ ತುಂಡಾತಿ ಗೆಲ್ಲ್ದಲೆಕ್ಕಂತಿ ಇಸ್ರಾಯೇಲ್ಯೆರೆನ್ ಈ ಹೀನ ಮಲ್ತೊಂದು ಹೆಮ್ಮೆ ಪಡೆಯೊಡ್ಚಿ. ಹೆಮ್ಮೆ ಪಡೆಂಡಲಾ ಆ ಬೇರ್ಗ್ ಈ ಆಧಾರ ಅತ್ತ್. ಅವು ನಿಕ್ಕ್ ಆಧಾರ ಆದುಂಡು.
19
ಈ ಪಾತೆರೊಗು ಯಾನ್ ಕಸಿ ಕಟ್ಟಾವೊನುಲೆಕ್ಕ ಗೆಲ್ಲುಲು ಪೊಲ್ತುದು ಬೂರ್ದುಂಡತ್ತಾ ಪಂಡ್ದ್ ಈ ಒಂಜಿ ವೇಳೆ ಪನಿಯೆರೆ ಯಾವು.
20
ಈ ಪನ್ಪಿನವು ಸತ್ಯನೇ. ಅಕುಲು ನಂಬಂದಿನೆಡ್ದ್ ಪೊಲಿದ್ ಪೋಯೆರ್. ಈ ಉಂತುದಿನಿ ನಂಬಿಕೆಡ್ದೇ. ಹೆಚ್ಚಾವೊನಡ ಪೋಡಿಗೆಡುಪ್ಪುಲ,
21
ಗರ್ವ ಮಲ್ತೊನೊಡ್ಚಿ, ದೇವೆರ್ ಪುಟ್ಟು ಗೆಲ್ಲ್ಲೆನ್ ಒರಿಪಾವಂದೆ ಇತ್ತಿನೆಡ್ದ್ ನಿನನ್ಲಾ ಒರಿಪಾವುಜೆ.
22
ನೆಟ್ಟ್ ದೇವೆರ್ ಏತ್ ಕನಿಕರದಾಯೆಲಾ ಕಠಿಣ ಆದ್ಲಾ ಉಲ್ಲೆ ಪನ್ಪಿನವು ತೆರಿಯುಂಡು. ಆಯನ ಪಾತೆರ ಕೇನಂದಿನಾಕುಲೆಗ್ ಆಯೆ ಕಠಿಣ ಆದುಲ್ಲೆ. ಈ ಮಾತ್ರ ದೇವೆರೆ ದಯೊಟು ನಿಲೆ ಆದುಪ್ಪೊಡು ಆಯ ದಯ ಇಜ್ಜಿಡ ನಿನನ್ಲಾ ಕಡ್ತ್ ಪಾಡೆ.
23
ಬೊಕ್ಕ ಇಸ್ರಾಯೇಲ್ಯೆರ್ ತನ್ಕುಲೆ ಅಪನಂಬಿಕೆನ್ ಬುಡಿಯೆರ್ಡ, ಅಕುಲು ಕುಡೊರ ಸುರುಟ್ಟು ಇತ್ತಿನ ಜಾಗ್ಗೇ ಸೇರುವೆರ್. ದೇವೆರ್ ಅವೆನ್ ಮಲ್ಪೆರೆ ಶಕ್ತಿ ಇತ್ತಿನಾಯೆ.
24
ಈ ಕಾಟ್ ಇಪ್ಪೆ ಮರೊಡ್ದು ಕಡ್ತ್ ದೆತ್ತ್ದ್ ನಿಕ್ಕ್ ಸಮ್ಮಂಧ ಪಡೆಯಂದಿ ಊರುದ ಮರೊಟು ಕಸಿ ಕಟ್ಟಾವೊಂಡಿ ಬೊಕ್ಕ ಐಟ್ಟ್ ಪುಟ್ಟಿ ಗೆಲ್ಲುಲು ಆದುಪ್ಪು ಅಕುಲು ಸ್ವಂತ ಮರೊಟು ಕಸಿ ಕಟ್ಟಾವೊನುನವು ಏತೋ ಸರಿ ಅತ್ತಾ?
25
ಸಹೋದ್ರೆರೇ, ನಿಕ್ಲೆಗ್ ನಿಕುಲೇ ಬುದ್ಧಿವಂತೆರ್ ಅಂದ್ದ್ ಎನ್ನೊನಂದಿಲೆಕ್ಕ ಈತ್ನೆಟ್ಟ ಗುಟ್ಟುಡಿತ್ತಿ ಒಂಜಿ ಸಂಗತಿ ನಿಕ್ಲೆಗ್ ತೆರಿದುಪ್ಪೊಡು ಪಂಡ್ದ್ ಬಯಕುವೆ. ಅವು ದಾನೆಂದ್ಂಡ ಇಸ್ರಾಯೇಲ್ಯೆರೆಡ್ ಒಂಜಿ ಪಾಲ್ ಜನೊಕುಲೆಗ್ ಉಂಡಾಯಿ ಹಟಮಾರಿ ಏಪಲಾ ಉಪ್ಪಂದೆ ಪಿದಯಿದ ಜನೊಕುಲೆ ಗುಂಪು ದೇವೆರೆ ರಾಜ್ಯೊಡು ಸೇರುನೆಟ್ಟ ಮಾತ್ರ ಉಪ್ಪುಂಡು.
26
ಐಡ್ದ್ ಬೊಕ್ಕ ಇಸ್ರಾಯೇಲ್ಯೆರ್ ಮಾತೆರ್ ರಕ್ಷಣೆ ಪಡೆವೆರ್. ಉಂದೆಕ್ಕ್ ಆಧಾರ ಆದ್ ಶಾಸ್ತ್ರೊಡು ಬರೆತಿ ಪ್ರಕಾರ, “ಚೀಯೋನುಡ್ದು ಪಿದಾಡ್ದ್ ಬತ್ತಿ ಯಾಕೋಬು ಸಂತಾನದಾಕುಲೆನ ಮಾತ ದುಷ್ಟತನೊನು ದೆತ್ತ್ದ್ ಪಾಡ್ವೆ.
27
ಯಾನ್ ಅಕ್ಲೆನ ಪಾಪೊಲೆನ್ ದೆತ್ತ್ ಪಾಡ್ನಗ ಈ ಒಡಂಬಡಿಕೆನ್ ಅಕ್ಲೆಡೊಪ್ಪ ಮಲ್ಪುವೆ.”
28
ಅಕುಲು ಸುವಾರ್ತೆನ್ ಬೊಡ್ಚಿ ಪಂಡಿನೆಡ್ದ್ ದೇವೆರ್ ನಿಕ್ಲೆಗ್ ಎಡ್ಡೆನ್ ಉಂಡು ಮಲ್ತ್ದ್ ಅಕ್ಲೆನ್ ವೈರಿಲು ಪಂಡ್ದ್ ಎನ್ನಡೆ. ಆಂಡಲಾ ಅಕುಲು ತಾನ್ ಅಜತೊಂಡಿ ಅಬ್ರಹಾಮು, ಇಸಾಕ್, ಯಾಕೋಬು ಪನ್ಪಿ ಪಿತೃಲೆ ಸಂತಾನದಾಕುಲು ಆಯಿನೆಡ್ದ್ ಅಕ್ಲೆನ್ ಪ್ರೀತಿದಾಕುಲು ಅಂದ್ದ್ ಎನ್ನ್ಲೆ.
29
ದೇವೆರ್ ತಾನೇ ಕೊರ್ಪಿನ ಉಡಿಗೆರೆಗ್ಲಾ ಲೆಪ್ಪುಗ್ಲಾ ತನ ಮನಸ್ನ್ ತಿರ್ಗಾವುನಾಯೆ ಅತ್ತ್.
30
ಪಿದಯಿದ ಜನೊಕುಲು ಆಯಿ ನಿಕುಲಾಂಡಲಾ ಸುರುಟ್ಟು ದೇವೆರೆಗ್ ತಗ್ಗ್ದ್ ಬಗ್ಗ್ದ್ ನಡತೊಂದು ಇತ್ತ್ಜರ್. ಆಂಡ ಇತ್ತೆ, ಯೆಹೂದ್ಯೆರ್ ತಗ್ಗಂದೆ ಬಗ್ಗಂದೆ ಇತ್ತಿನೆಡ್ದಾವರ ದೇವೆರೆ ಕನಿಕರೊನು ಪಡೆಯರ್.
31
ಅಂಚೆನೇ ಅಕುಲು ಇತ್ತೆ ಪಂಡಿನೆನ್ ಕೇನುನಾಕುಲು ಆದಿತ್ತ್ಂಡಲಾ ನಿಕ್ಲೆಗ್ ತಿಕ್ಕಿನ ಕನಿಕರೊನು ಪಡೆವೆರ್.
32
ದಾಯೆ ಪಂಡ ದೇವೆರ್ ಮಾತೆರೆಗ್ಲಾ ಕನಿಕರೊನು ತೋಜಾವೊಡು ಪನ್ಪಿ ಉದ್ದೇಶೊಡು ಮಾತೆರೆನ್, ಪಂಡಿನೆನ್ ಕೇನಂದಿ ಸ್ಥಿತಿಟ್ಟ್ ಕಟ್ಟ್ದ್ ಪಾಡ್ದೆ.
33
ದೇವೆರೆ ಗೇನ, ವಿವೇಕ, ಐಶ್ವರ್ಯ ಏತೋ ಗುಂಡಿದವು! ಆಯ ತೀರ್ಮಾನೊಲೆನ್ ಗೆನ್ಪೆರೆ ತೀರಂದಿನವು, ಆಯ ಮಾರ್ಗೊಲು ನಾಡ್ ಪತ್ತಿಯೆರೆ ಸಾದ್ಯೆನೇ ಇಜ್ಜಿ.
34
“ಕರ್ತವ ಮನಸ್ನ್ ತೆರಿಯೊಂಡಿನಾಯೆ ಏರ್? ಆಯಗ್ ಆಲೋಚನೆ ಪಂಡ್ದ್ ಕೊರಿಯೆರೆ ಏರೆಗ್ ಆವು?
35
ಆಯೆ ಪಿರ ಕೊರ್ಪಿಲೆಕ್ಕ ಏರ್ ಆಯಗ್ ದಾಲಾಂಡಲಾ ಕೊರ್ತೆ?”
36
ಆಯಡ್ದೇ ಮಾತಲಾ ಉಂಡಾದ್ ಆಯಡ್ದೇ ನಡತೊಂದು ಆಯಗಾದೇ ಉಂಡು. ಆಯಗ್ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 12 →
All chapters:
1
2
3
4
5
6
7
8
9
10
11
12
13
14
15
16