Acts 10

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 9 Jump to: Chapter 11 →

1MI gabo gole monona moñue mo Kaisarea, eo o birioañ Korenelio, mosenturi oa leshomo, ye le birioañ Ya Itale,

2Moitsephi, le moihi‐Morimo, le ba ntlu botle ba gague, mi a naea bathu likaco li lintsi, mi a rapela Morimo ka gale.

3Eo, a bona mo sepontsishoñ ka ponatsego, e kane e le oura oa bo‐naen oa letsatsi, moengele oa Morimo a tsena go ena, mi a mo raea, Korenelio.

4Mi ka a mo leba a boiha, mi a re, Morena, ana eñ? Mi a mo raea, Merapelo ea gago le likaco tsa gago, li tlile ha pele ga Morimo go na khoporisho.

5Mi yana isa banona kua Yopa, mi u bitse Simone, eo o okelericoeñ leina ya Petero;

6Eo, o tlola le Simone moshugi oa matlalo, eo ntlu ea gague e ha leoatleñ; eo, o tla gu raea se u cuanetseñ go se riha.

7Mi ka moengele eo o buileñ le Korenelio a sina ea, a bitsa batlañka ba ntlu ea gague ba tu, le motlabani oa moihi‐Morimo, e le oa bona ba ba mo lebelañ ka gale;

8Mi ka a sina ba bulelela cotle, a ba isa kua Yopa.

9¶ Mi ka mosho ka ba sa tsamaea, mi ka ba atamela motse, Petero a tlatlogela gorimo ga ntlu go rapela, e kane e le oura oa bo‐sekes;

10Mi a cuaroa ki tlala, mi a eletsa go ya; mi ka ba santse ba etleletsa, a oela mo tsitegoñ ea pelu.

11Mi a bona legorimo le bucoe, mi seculo señue se hologela go ena, yaka letsela ya lene ye legolu ye le kuaecoeñ khokhoco li for, mi ya lepelelela ha hatse;

12Mogo yeona gabo gole cotle tse ri maoto a for tsa lehatse, le tse ri tlaga, le tse ri gagabañ, le linunyane tsa legorimo.

13Mi koru ea mo rihahalela, ea re, Petero, tloga u eme, tlaba, u ye.

14Mi Petero a re, Nya, esiñ yalo, Morena; gone ga ki e si ’nke ke ye se se sa itsephañ, khotsa se se mashue.

15Mi koru ea ba ea mo rihahalela ga tu, ea re, Se Morimo o se itsephisitseñ, u si se itsepholole.

16Mi se sa rihoa ga teri; mi seculo sa ba sa culeloa mo legorimoñ.

17Mi erile ka Petero a belaela mo go ena ga se sepontsisho se o se bonyeñ se se kaeañ, bonañ, banona ba ba romiloeñ ki Korenelio, ba boritse ga ntlu ea ga Simone, mi ba eme ha khoroñ,

18Mi ba bitsa moñue, ba motsa ha Simone, eo o okelericoeñ leina ya Petero, a le gona mo tluñ?

19¶ Mi ka Petero a santse a gakologeloa sepontsisho, Moea oa mo raea, Bona, banona ba teri ba gu batla.

20Ki gona, tloga u eme u hologe, mi u ee nabo, u si belaele; gone ki ba romile.

21Mi Petero a hologela banoneñ, ba o ba romecoeñ ki Korenelio; mi a re, Bonañ, ki ’na eo lo ’mpatlañ; ana lo tletseñ hanu?

22Mi ba re, Korenelio, mosenturi, monona oa tsiamo, le moihi‐Morimo, eo o nan le cupo e e molemo mo moraheñ otle oa Bayuda, o bonatsegecoe ki Morimo, ka moengele oa boitsepho, gore a rome go gu biletsa kwa tluñ ea gue, gore a utlue mahuku go uena.

23Mi ka a ba biletsa teñ, a ba culela mo tluñ. Mi ka mosho Petero a ea nabo, mi bakauleñue bañue ba Yopa ba ea nae.

24Mi ba tsena mo Kaisarea ka tsatsi ye leñue. Mi Korenelio a ba lebeletse, mi a ba bileritse mogo tsala tsa mari tsa gague, le tsala tsa gague tse ri kholu.

25Mi ga rihala ka Petero a sa tsena, Korenelio a mo khatlantsa, mi a oela ha naoñ tsa gague, a mo obamela.

26Mi Petero a mo kakatlolola, a re, Tloga u eme; le ’na ki mothu.

27Mi ka a bua nae, a tsena, mi a bona bantsi ba ba phuthegileñ:

28Mi a ba raea, Loa itse, ha e si taolo mo mononeñ oa Bayuda go tsalana, le go ea go moñue oa morahe o sele; mi Morimo o ’ncuperitse gore ki si kaee mothu ope itsephololo, leha e le mashue.

29Ki gona ki tlileñ esiñ ka khañ, ki sina birioa; ki gona ki botsañ se u se ’mpileritseñ?

30Mi Korenelio a re, malatsi a for a hetile ki le ka riha go bisa go ya le go oureñ onu, mi ki le ka rapela ka oura oa bo‐naen mo tluñ ea me, mi bona, monona moñue a ema ha pele ga me mo aparoñ tse ri phatsimañ,

31Mi a re, Korenelio, merapelo ea gago e utluiloe, mi likaco tsa gago li gopocoe, ha pele ga Morimo;

32Ki gona roma kua Yopa, mi u bitse Simone gona, eo o okelericoeñ leina ya Petero; eo, o tlola mo tluñ ea ga Simone, moshugi oa matlalo, ha leoatleñ; eo etlareñ a tla, o tla bua nau.

33Ki gona ki akohileñ ka roma go uena; mi u rihile seiñtle ka u tlile monu. Mi yana rotle re hanu ha pele ga Morimo, go utlua cotle tse Morimo o li gu laoletseñ.

34¶ Mi Petero ka a tumolola molomo oa gague a re, Kia lemoga ka amarure ha Morimo o si motlaori oa bathu;

35Mi eo o o boihañ, le go riha tsiamo mo meraheñ eotle, oa o khatla.

36Mi ye ki lehuku ye, o lo oa le isa go bana ba Yeserela, go rera evangelio ea kagisho ka Yesu Keresete; eo ki Morena oa botle;

37Loa itse lehuku ye le rihahetseñ mo Yuda yeotle, go simolola ka Galilea, morago ga papetisho e Yohane o la a e rera;

38Kaga Yesu oa Nasareta, eo Morimo o loa mo tlotsa ka Moea oa Boitsepho, le ka thata, eo o raletseñ, a riha molemo, mi a horisa botle ba ba le ba gatisicoe ki diabolo; gone Morimo o lo oa na nae.

39Mi re bashupi ba lilo cotle tse o li rihileñ mo hatsiñ ya Yuda, le ya Yerusalema; eo ba molaileñ, ba mo pega mo logoñeñ;

40Eo, Morimo o mo cositse ka tsatsi ya bo‐teri, oa mo naea gore a bonatsege,

41Esiñ mo bathuñ botle, mi e le go bashupi ba Morimo o ba itseñketseñ pele, eboñ go rona, ba re yeleñ, ra noa nae, ka a sina coga mo bashuiñ.

42Mi o re laoletse go rerela bathu, le go shupa ha e le ena eo o laocoeñ ki Morimo go na moatlori oa batseri le bashui.

43Eo, baperofeti ba shupañ ga gague, ha moñue le moñue eo o rumelañ mo go ena o tla bona boicuarelo yoa libe ka leina ya gague.

44¶ Ka Petero a santse a bua mahuku a, Moea oa Boitsepho oa oela mo go botle ba ba utluañ lehuku.

45Mi barumeri ba boguera botle, ba ba tlileñ le Petero ba gakhamala, gone neo eo Moea oa Boitsepho, bahaitene le bona ba e goromelericoe.

46Gone ba ba utlua ba bua ka lipuo li sele, ba gorisa Morimo. Eriha gona Petero o arabañ,

47A moñue leha e le mañmañ o ka itsa metse, gore ba, ba si bapetisioe, ba ba cutseñ Moea oa Boitsepho yaka rona?

48Mi a ba laolela gore ba bapetisioe mo ineñ ya Morena. Eriha gona ba mo rapelañ gore a tlole malatsi mañue nabo.

← Chapter 9 Jump to: Chapter 11 →