Acts 4

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 3 Jump to: Chapter 5 →

1MI ka ba sa bua le bathu ga tla go bona baperiseti, le mogolu oa tempela, le Basadukai,

2Ba gakaricoe gone ba ruta bathu, ba rera ga cogo mo bashuiñ ka Yesu.

3Mi ba ba bela liatla, mi ba ba tsenyetsa tsatsi ye leñue mo kholegeloñ, gone yana e le le ka mabanyane.

4Mi bontsi yo bo le yoa utlua lehuku, yoa rumela; mi palo ea banona e kane e le ba faev thousanda.

5¶ Mi ga rihala mo moshoñ, balaori ba bona, le bagolu, le bakuari,

6Le Ane, moperiseti eo mogolu, le Kaiafe, le Yohane, le Alekandere, le botle ba losika loa moperiseti eo mogolu, ba phuthegela mo Yerusalem.

7Mi erile ba sina ba emisa ha gare, ba botsa, Lo rihile tiho e ka thata ehe, khotsa ka leina lehe?

8Eriha gona Petero o tlarioañ ka Moea oa Boitsepho, a ba raea, Lona balaori ba bathu, le bagolu ba Yeserela,

9Ha re botsisioa gompienu kaga tiho e e molemo e e rihecoeñ monona oa setlotsa, kaga se o horisicoeñ ka shona;

10A go itsioe ki lona lotle, le bathu botle ba Yeserela, ha e le le ka leina ya ga Yesu Keresete, oa Nasareta, eo lo mapotseñ, eo Morimo o mo cositseñ mo bashuiñ, monona eo o eme, o horile ha, ha pele ga lona, ka ena.

11Eo ki yeona leincue ye le nyaricoeñ ki lona baagi, ye le rihegileñ motheo oa khokhoco.

12Mi ga go na puluko mo go ope o sele, le gona a go na leina lepe le sele ha tlatse ga legorimo, ye le neiloeñ mo bathuñ, ye re cuanetseñ go bulukoa ka yeona.

13¶ Mi yana erile ba bona bopelukhale yoa ga Petero le Yohane, mi ba lemoga ha ba sa rutoe, e le le bathu hela, ba gakhamala; mi ba ba itse ha ba le ba na le Yesu.

14Mi ka ba bona monona eo o horisicoeñ a eme nabo, ba reteleloa go bua sepe kaga seuo.

15Mi ka ba sina go ba laola go coela ntle ga tseko, ba gakololana mo go bona,

16Ba re, Re tla rihañ le bathu ba? gone tiho ea khakhamaco e e itsegeñ e rihiloe ki bona, e bonaletse bona botle ba ba agañ mo Yerusalema, mi ga re kake ra latola.

17Mi a re ba bopeleñ thata, gore ba si bue le ope mo ineñ ye, gore seuo se si halarioe mo bathuñ.

18Mi ka ba sina go ba bitsa, ba ba laola gore ba si bue sepe, leha e le go ruta mo ineñ ya ga Yesu.

19Mi Petero le Yohane ba araba, ba ba raea, Lo atlole ha pele ga Morimo, ha e le tsiamo, go retsa Morimo, khotsa go lo retsa.

20Gone ga re kake ra khutla go bua ga lilo tse re ri bonyeñ, le tse re li utluileñ.

21Mi ka ba ba bopela gape, ba ba lesa ba ea, ka ba si ka ba bona sepe kaha ba ka ba betsañ ka gona, ka ntla ea bathu; gone botle ba galaletsa Morimo ka ntla ea se se rihahetseñ.

22Gone monona eo, cupo ea phorisho e e rihiloeñ mo go ena, bogolu yoa gague e le le bogolu go nyaga li forte.

23¶ Mi ka ba sina lesioa ba ea kua shomoñ ya bona, mi ba bulela cotle tse baperiseti ba bagolu, le bagolu ba li buileñ nabo.

24Mi ba, ka ba utlua tseuo ba tlatlosetsa Morimo koru tsa bona ba boñue hela yoa pelu, ba re, Morena, uena u Morimo o o rihileñ legorimo, le lehatse, le leoatle, le lilo cotle tse ri mo go cona;

25O o buileñ ka molomo oa ga Davide kala ea gago, Bahaitene ba le ba nelañ botsenoa, mi bathu ba gakologeloañ lilo tsa boithamako?

26Likhosi tsa lehatse li tsa ema, mi balaori ba phuthega mogo go emalana le Yehova, le go emalana le Keresete oa gague.

27Gone amarure Herode le Ponta Pilato, le bona bahaitene, le bathu ba Yeserela ba phuthegela mogo go emalana le Yesu Ñuana oa Boitsepho oa gago, eo u mo tloritseñ,

28Go riha cotle tse atla sa gago le khakololo ea gago e li laotseñ pele go rihala.

29Mi yana Morena leba lipopo tsa bona; mi naea batlañka ba gago go bua huku ya gago ka thanolo.

30Ka go ntsa atla sa gago go horisa; gore licupo, le likhakhamaco li rihale ka leina ya ga Yesu, Ñuana oa Boitsepho oa gago.

31¶ Mi ka ba sina rapela, helo ha ba phuthegetseñ gona ga tsikiñoa; mi ba tlarioa botle ka Moea oa Boitsepho; mi ba bua huku ya Morimo ka thanolo.

32Mi bontsi yoa bona ba ba rumelañ bo le yoa na pelu ñue hela, le moea o moñue hela, mi le gona go si ope eo o reñ lilo tse o nañ naco ki tsa gague, gone ba le ba na bañue hela mo liloñ tsa bona.

33Mi baapostoloi ba shupa ga cogo ea Yesu Morena ka thata e kholu; mi tsegohaco e kholu e le le go bona botle.

34Gone gole go si na ope oa bona eo o tlokañ; gone botle ba ba le ba na le masimo khotsa matlu, ba a bapatsa, ba lere lireko tsa lilo tse ri baparicoeñ,

35Mi ba li baea ha naoñ tsa baapostoloi; mi kabelo ea riheloa moñue le moñue kaha o tlokañ ka gona.

36Mi Yose eo o okelerioañ ki baapostoloi leina ya Barenaba, (ye e leñ, Moroa khomoco, mo phetoleloñ), Moleva, oa lehatse ya Kupero,

37Ka a na le tsimo a e bapatsa, a lere lireko, a li baea ha naoñ tsa baapostoloi.

← Chapter 3 Jump to: Chapter 5 →