1 Chronicles 24

Tsonga Xitsonga (Bibele) 1929

← Chapter 23 Jump to: Chapter 25 →

1Hi yona mitlawa ya vana va Aroni. Vana va xinuna va Aroni: Nadabu na Abihu, Eliyazara na Itamara.

2Nadabu na Abihu va rhangela tata wa vona hi ku fa, va nga siyangi vana va xinuna; kutani Eliyazara na Itamara va va vaprista.

3Kutani Davhida, na Sadoki, wa vatukulu va Eliyazara, na Ahimeleke, wa vatukulu va Itamara, a va avela emitirhweni ya vona, hi ku tswariwa ka vona.

4Va kuma leswaku vana va Eliyazara a va ri ni tihosana ta tindlu ku tlurisa vana va Itamara, kutani va va avanyisa sweswo: vana va Eliyazara a va ri ni tihosana ta 16 ta tindlu ta vatata wa vona, ni vana va Itamara a va ri ni tihosana ta 8 ta tindlu ta vatata wa vona.

5Va va avanyisa hi vuhlolotwana van'wana ni van'wana, hikuva a ti ri tihosana ta vukwetsimelo ni tihosana ta Xikwembu exikarhi ka vana va Eliyazara ni ka vana va Itamara.

6Xemaya, n'wana Netanele, mutsari, wa nyimba ya Levhi, a va tala emahlweni ka hosi ni tindhuna ni le mahlweni ka Sadoki muprista, na Ahimeleke, n'wana Abiyatara, ni le mahlweni ka tihosana ta tindlu ta vaprista ni ta Valevhi. Va hlawula hi vuhlolotwana yindlu yin'we yi va ya Eliyazara, yin'wana yi va ya Itamara.

7Vuhlolotwana byo sungula byi hlawula Yoyaribi; bya vumbirhi, Yedaya;

8bya vunharhu, Harimi; bya vumune, Seyorimi;

9bya vuntlhanu, Malikiya; bya 6, Miyamini;

10bya 7, Hakosi, bya 8, Abiya;

11bya 9, Yexuwa; bya 10, Xekaniya;

12bya 11, Eliyaxibi; bya 12, Yakimi;

13bya 13, Hupa; bya 14, Yexebeyabu;

14bya 15, Biliga bya 16, Imere;

15bya 17, Heziri; bya 18, Hapisesi;

16bya 19, Petahiya; bya 20, Yehezekeli;

17bya 21, Yakini; bya 22, Gamuli;

18bya 23, Delaya; bya 24, Maaziya.

19Hi kona ku longoloka ka vona entirhweni wa vona, ku nghena endlwini ya Yehovha, hilaha Aroni, tata wa vona, a va leriseke hakona, hilaha Yehovha, Xikwembu xa Israele, a n'wi byeleke hakona.

20Loko va ri lava seleke va vana va Levhi, hi ta vona lava: Va vana va Amirama, Xubaele; va vana va Xubaele, Yehedeya.

21Va Rehabiya, va vana va Rehabiya, hosana Yixiya;

22va Yisihara, Xelomoto; va vana va Xelomoto, Yahata;

23ni vana va Hebroni; Yeriya, Amariya, wa vumbirhi, Yahaziele, wa vunharhu, Yekameyamu, wa vumune.

24Vana va Uziele: Mika; va vana va Mikiya, Xamiri;

25Makwa Mika, Yixiya; va vana va Yixiya, Zakariya.

26Vana va Merari: Maheli na Muxi, ni vana va Yaaziya, n'wanakwe.

27Vana va Merari, va Yaaziya, n'wanakwe: Xohamu na Zakuru, na Ibri.

28Va Maheli, Eliyazara, la nga riki na vana va xinuna.

29Va Kixi, vana va Kixi Yerahamiele.

30Ni vana va Muxi. Maheli, Edere na Yerimoto. Hi vona vana va xinuna va Valevhi, hi tindlu ta vatata wa vona.

31Na vona, kukotisa vamakwavo, vana va Aroni va hlawuriwa hi vuhlolotwana emahlweni ka hosi Davhida, na Sadoki, na Ahimeleke, ni tihosana ta tindlu ta vaprista ni ta Valevhi, tihosana ta tindlu ta vatata wa vona ti hlawuriwa kukotisa vamakwavo lavatsongo.

← Chapter 23 Jump to: Chapter 25 →