1 Chronicles 25

Tsonga Xitsonga (Bibele) 1929

← Chapter 24 Jump to: Chapter 26 →

1Davhida ni tindhuna ta nyimpi va hlawulela ntirho vana va Asafa ni va Hemani, ni va Yedutuni lava yimbelelaka, va tipfuna hi tiharipa, ni magubu, ni swiphambati. Hi wona ntsengo wa lava vekeriweke ntirho lowu:

2Va vana va Asafa: Zakuru, na Yosefa, na Netaniya, na Asarela; vana va Asafa, va fambisiwa hi Asafa, la tshamaka a profeta hi ku lerisa ka hosi.

3Va ka Yedutuni, vana va Yedutuni: Gedaliya, na Seri, na Yexaya, na Haxabiya, na Matitiya, na Ximeyi, ntlhanu na un'we va fambisiwa hi Yedutuni, tata wa vona la nga profeta hi haripa, ku dzunisa ni ku twarisa Yehovha.

4Va ka Hemani, vana va Hemani: Bukiya, Mataniya, Uziele, Xebuwele, Yerimoto, Hananiya, Hanani, Eliyata, Gidaliti Rhomamiti-Ezere, Yoxibekaxa, Maloti, Hotiri, Mahaziyoto.

5Hinkwavo lava a va ri vana va xinuna va Hemani, muvoni wa hosi, hilaha Xikwembu xi nga vula leswaku xi ta tlakusa rimhondzo ra Hemani. Xikwembu xi nyika Hemani vana va xinuna va khume na mune, ni vana va xisati vanharhu.

6Hinkwavo lava a va ri ehansi ka tata wa vona ku yimbelela endlwini ya Yehovha; a va ri ni swiphambati ni magubu, ni tiharipa, swi ri swa ntirho wa yindlu ya Xikwembu. Asafa, na Yedutuni, na Hemani, a va lerisiwa hi hosi.

7Ntsengo wa vona, loko ku hlayiwa vamakwavo lava tivaka tinsimu ta Yehovha, hinkwavo lava tivaka ku yimbelela, a va ri 288.

8Va hlawuleriwa ntirho wa vona hi vuhlolotwana, lavantshwa kukotisa lava khale, vadyondzisi ni vadyondzisiwa.

9Vuhlolotwana byo sungula a byi ri bya Asafa, byi hlawula Yosefa; bya vumbirhi Gedaliya, yena ni vamakwavo, ni vana va yena, a va ri 12;

10bya vunharhu, Zakuru, vana va yena ni vamakwavo, 12;

11bya vumune, Izri, vana va yena ni vamakwavo, 12;

12bya vuntlhanu, Netaniya, vana va yena ni vamakwavo, 12;

13bya ntlhanu na byin'we, Bukiya, vana va yena ni vamakwavo, 12;

14bya ntlhanu na byimbirhi: Yexarela, vana va yena ni vamakwavo, 12;

15bya ntlhanu na byinharhu, Yexaya, vana va yena ni vamakwavo, 12;

16bya ntlhanu na mune, Mataniya, vana va yena ni vamakwavo, 12;

17bya khume, Ximeyi, vana va yena ni vamakwavo 12;

18bya khume na byin'we, Asarele, vana va yena ni vamakwavo 12;

19bya khume na byimbirhi Haxabiya, vana va yena ni vamakwavo, 12;

20bya 13, Xubaele, vana va yena ni vamakwavo, 12;

21bya 14, Matitiya, vana va yena ni vamakwavo, 12;

22bya 15, Yeremoto, vana va yena ni vamakwavo, 12;

23bya 16, Hananiya, vana va yena ni vamakwavo, 12;

24bya 17, Yoxibekaxa, vana va yena ni vamakwavo, 12;

25bya 18, Hanani, vana va yena ni vamakwavo, 12;

26bya 19, Maloti, vana va yena ni vamakwavo, 12;

27bya 20, Eliyata, vana va yena ni vamakwavo, 12;

28bya 21, Hotiri, vana va yena ni vamakwavo, 12;

29bya 22, Gidaliti, vana va yena ni vamakwavo 12;

30bya 13, Mahaziyoto, vana va yena ni vamakwavo, 12;

31bya 24, Rhomamiti-Ezere, vana va yena ni vamakwavo, 12.

← Chapter 24 Jump to: Chapter 26 →