Hosea 3

Tsonga Xitsonga (Bibele) 1929

← Chapter 2 Jump to: Chapter 4 →

1Kutani Yehovha a ku eka mina: “Engeta u ya u rhandza nsati wa vuoswi la rhandziwaka hi xigangu xa yena hi laha Yehovha a rhandzaka vana va Israele, hambi vona va hundzukela eka swikwembu swin'wana, va va va rhandza swidzumba swa mihandzu ya vhinya.”

2Kwalaho ndzi tilavela yena hi tixikele ta 15 ta silivhere, ni mpimo wa homere yin'we na leteki ya barley.

3Kutani ndzi ku eka yena: “Hi masiku lamanyingi u ndzi tshamela, u nga tshuki u oswana, u nga tshuki u hlangana ni wanuna; na mina ndzi ta endlisa sweswo na wena.”

4Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

5Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

← Chapter 2 Jump to: Chapter 4 →