Isaiah 4

Tsonga Xitsonga (Bibele) 1929

← Chapter 3 Jump to: Chapter 5 →

1Kutani hi siku rero vavasati va ntlhanu na vambirhi va ta tikhomelela eka nuna un'we va ta ku eka yena: Hi ta dya vuswa bya hina, hi ta ambala tinguvu ta hina, ntsena hi rhandza ku thyiwa hi vito ra wena, susa ku soriwa ka hina.

2Hi siku rero hluke ra Yehovha ri ta endla xibombiso ni ku kwetsima ka lava poneke Vaisraele, kutani mihandzu ya misava yi ta vangamisa ni ku bombisa vona.

3Kutani un'wana ni un'wana wa lava siyiweke eSiyoni, ni lava seleke eYerusalema, va ta vuriwa vakwetsimi, va nga hinkwavo lava tsariweke ebukwini ya lava hanyaka eYerusalema.

4Kutakuloko Hosi yi hlantswile thyaka ra vanhwana va Siyoni, kutani a susile ngati leyi nga exikarhi ka Yerusalema, hi moya wa ku avanyisa ni moya wa ku lovisa,

5kavaloko empfhukeni hinkwawo wa ntshava ya Siyoni, ni le henhla ka nhlengeletano ya yena, Yehovha u ta humelerisa papa ni musi ninhlekanhi, hi ku vangama ka malangavi ya ndzilo nivusiku.

6Hikuva xisirhelo xi ta funengeta ku vangama hinkwako; kutani ku ta va ni ntsonga lowu sirhelelaka ku hisa ka dyambu ninhlekanhi ni xichavelo ni xisirhelo eka xidzedze ni mpfula.

← Chapter 3 Jump to: Chapter 5 →