bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tsonga
/
Tsonga Xitsonga (Bibele) 1929
/
Matthew 15
Matthew 15
Tsonga Xitsonga (Bibele) 1929
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
1
Kutani vatsari ni Vafarisi va ta eka Yesu, va huma eYerusalema, va ku eka yena:
2
“Vadyondzisiwa va wena va tlulela yini mikhuva ya vakhale? Hikuva va dya vuswa va nga hlambanga.”
3
A va hlamula, a ku: “N'wina mi tlulela yini nawu wa Xikwembu hi mikhuva leyi mi yi endlaka?
4
Hikuva Xikwembu xi lerisile, xi te: ‘Chava tata wa wena ni mana wa wena’; kambe xi te: ‘La rhukanaka tata wa yena, hambi mana wa yena a a dlayiwe.’
5
Kasi n'wina mi ku: ‘La nge eka tata wa yena kumbe eka mana wa yena: Leswi ndzi nga ku pfunaka ha swona, ndzi avele Xikwembu, a nga ha ri na nandzu; kunene a nga ha faneli ku chava tata wa yena ni mana wa yena.’
6
Kutani mi hundzurile nawu wa Xikwembu swahava hi mikhuva leyi mi yi endlaka.
7
Vakanganyisi, Esaya u mi bvumbhele swinene loko a te:
8
‘Tiko leri ra ndzi chava hi milomu ya rona: kambe timbilu ta vona ti le kule na mina ngopfu.
9
Va ndzi khinsamela swahava loko va dyondzisa tidyondzo, leyi nga milawu ya vanhu ntsena.’ ”
10
Sweswo Yesu a vitana ntshungu, a ku eka vona: “Yingiselani, mi twisisa:
11
Leswi nghenaka enon'wini, a hi swona leswi bihisaka munhu, kambe leswi humaka enon'wini, hi swona leswi bihisaka munhu.”
12
Sweswi, vadyondzisiwa va yena va n'wi tshinelela, va ku eka yena: “Xana wa swi tiva leswaku Vafarisi va khunguvanyekile loko va yingisa ku vulavula ka wena xana?”
13
Kambe a hlamula, a ku eka vona: “Ximudyana xin'wana ni xin'wana lexi nga simekiwiki hi Tatana wa le tilweni, xi ta tsuvuriwa.
14
Va tshikeni, i vo fa mahlo lava fambisaka vo fa mahlo. Lowo fa mahlo loko a fambisa lowo fa mahlokulobye va ta wela ekheleni havambirhi.”
15
Petro a angula, a ku eka yena: “Hi hlamusele xifaniso lexiyani.”
16
Kambe Yesu a ku: “Xana ma ha pfumala ku anakanya na n'wina-ke?
17
Xana a mi twisisi leswaku hinkwaswo leswi nghenaka enon'wini, swi ya ekhwirini swi kondza swi ya cukumetiwa enhoveni.
18
Kambe leswi humaka enon'wini swi pfa hi le mbilwini; hi swona leswi bihisaka munhu.
19
Hikuva miehleketo leyo biha, ni ku dlayana, ni timholovo, ni vuoswi, ni vukhamba, ni ku hembelana, ni ku sandzana swi huma embilwini,
20
hi swona leswi bihisaka munhu, kambe loko ku ri ku dya hi mavoko lama nga hlambiwangiki, a hi xilo lexi bihisaka munhu.”
21
Yesu a suka kwalaho, a ya etikweni ra Tiri na Sidoni.
22
Kutani ku humelela wansati wa Kanana la humeke ematlhelweni walawo, a huwelela, a ku: “Ndzi twele vusiwana, Hosi, n'wana Davhida, n'wana wa mina wa wanhwanyana u vabya ngopfu hi mademona.”
23
Kambe Yesu a nga n'wi hlamulanga nchumu. Kutani vadyondzisiwa va yena va n'wi tshinelela, va n'wi khongela va ku: “N'wi tlherise, hikuva u huwelela, a ri karhi a hi landza.”
24
Yena a hlamula, a ku: “A ndzi rhumiwanga eka munhu, loko ku nga ri ka tinyimpfu ta yindlu ya Israele leti loveke.”
25
Lowa nsati a n'wi tshinelela a khinsama, a ku eka yena: “Hosi, ndzi pfune!”
26
A n'wi hlamula, a ku: “A hi swona ku tekela vana vuswa, ku byi hoxela timbyana.”
27
Kambe lo wansati a ku: “Ina, Hosi, kambe na tona timbyana ti rholela mahlanhla lama waka etafuleni ra vini va tona.”
28
Yesu a hlamula, a ku eka yena: “Wansati, ku pfumela ka wena kukulu! A ku endliwe eka wena hilaha u rhandzaka hakona.” Kutani n'wana wa yena a hanya hi nkarhi wolowo.
29
Yesu, loko a suka kwalaho, a tshinelela lwandle ra Galeliya: kuteloko a tlhandlukile entshaveni, a ya tshamisa kona.
30
Mitshungu leyo tala yi ta eka yena, va neha lavo khwita, ni swilema, ni lavo fa mahlo, ni timbheveve ni van'wana lavo tala, va va veka emilengeni ya Yesu, kutani a va hanyisa.
31
Mitshungu yi hlamala loko va vona lavo fa xifuva va vulavula, ni swilema swi hanyisiwa, ni lavo khwita va famba, ni lavo fa mahlo va vona; kutani va dzunisa Xikwembu xa Israele.
32
Kutani Yesu a vitana vadyondzisiwa va yena, a ku eka vona: “Ndzi twela ntshungu lowu vusiwana, hikuva va tshamile na mina masiku manharhu, va nga ri na leswi va swi dyaka; kutani ndza tsandzeka ku va tlherisa va ri ni ndlala, leswaku kumbe va nga karhala endleleni.”
33
Vadyondzisiwa va ku eka yena: “Xana laha mananga hi nga swi kuma kwihi swakudya leswi ringanaka ku xurhisa ntshungu lowonghasi xana?”
34
Yesu a ku eka vona: “Mi ni swinkwa swingani-ke?” Va ku: “Ntlhanu na swimbirhi, ni tinhlampfinyana ti nga ri tingani.”
35
Hikwalaho a lerisa mitshungu leswaku yi tshama ehansi.
36
Kuteloko a teke swinkwa swa ntlhanu na swimbirhi ni tinhlampfi, a khensa, a phema, a nyika vadyondzisiwa va yena vona va ta avela mitshungu.
37
Kutani hinkwavo va dya va xurha, va ko va rholela mahlanhla lama nga sala, swirhundzu swa ntlhanu na swimbirhi swi tala.
38
Lava nga dya a va ri vavanuna va madzana ya mune wa makume, loko ku nga hlayiwi vavasati ni vana.
39
Kuteloko Yesu a tlherisile mitshungu, a nghena ebyatsweni, a ya etikweni ra Magadala.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28