Song of Solomon 6

Tsonga Xitsonga (Bibele) 1929

← Chapter 5 Jump to: Chapter 7 →

1Murhandziwa wa wena u ye kwihi, Wena lowo saseka exikarhi ka vavasati? Munghana wa wena u kongome kwihi? Hi ta n'wi lava na wena.

2Murhandziwa wa mina u fambile ensin'wini ya yena, Etindzimeni ta mirhi ya risuna, Leswaku a dyisa ntlhambi wa yena emasikwini, a kha makhon'wa.

3Ndzi wa murhandziwa wanga, ni murhandziwa wanga i wa mina: U dyisa ntlhambi wa yena exikarhi ka makhon'wa.

4U sasekile, murhandziwa wanga, ku fana na Tirisa, U sasekile kukotisa Yerusalema, Kambe wa chavisa ku fana ni mavandla lama tameleke mijeko.

5Tlherisa mahlo ya wena, hikuva ma ndzi hlurile; Misisi ya wena yi kotisa ntlhambi wa timbuti lowu vonakaka etintshaveni ta Giliyadi.

6Meno ya wena ma fana ni ntlhambi wa tinyimpfu Leti pfaka eku hlantswiweni; Hinkwato ka tona ti veleke mahahla, A ku na yin'we exikarhi ka tona leyi nga nyumba.

7Tinhlaya ta wena ti fana ni xiphemu xa girenada, Ehansi ka xisirhelo xa wena.

8Ku ni makosikazi ya makume ya ntlhanu na rin'we, Ni vavasati lavatsongo va makume ya ntlhanu na manharhu, ni vanhwanyana lava nga riki na ku hlayiwa.

9Un'we ntsena wa vona i tuva ra mina muhetiseki wanga; I n'wana la nga swakwe eka mana wa yena, I muhlawuriwa wa loyi a n'wi velekeke. Vanhwanyana loko va n'wi vona, va n'wi vula la katekeke; Makosikazi ni vavasati va vurisa sweswo, va n'wi dzunisa.

10I mani loyi a humelelaka kukotisa vurhonga. La sasekeke kukotisa n'weti, la tengeke kukotisa dyambu, Kambe a chavisa kukotisa mavandla lama tameleke mijeko xana?

11Ndzi ngirimele entangeni wa mikanyi, Ku ya vona rihlaza ra nkova, Ku ya languta vhinya loko kumbe yi hlukile, Ni mirhi ya magirenada, loko kumbe yi balekile swiluva?

12Hambi ndzi nga swi tivi, ku navela ka mina Ku ndzi yisile eka tigolonyi ta tiko ranga ra mafundza.

← Chapter 5 Jump to: Chapter 7 →

Recommended Reading

Commentary Song of Solomon Commentaries → Devotional Song of Solomon Devotional Guide → Get This Bible Bibele Study Bible →