bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
2 Corinthians 11
2 Corinthians 11
Umbundu Bible (Embimbiliya - Bíblia Sagrada em Umbundu)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
Ndingi ohenda oku yevelela kokoveke kange! Avoyo, ndingi ohenda oku njevelela.
2
Momo ndu kueteli ukuelume, ukuelume waco wa soka lukuelume wa Suku, momo ndo lili ale ku veyene umuamue, okuti ndo weci ku Kristu ndoku eca ufeko wosombolua ku veyaye.
3
Puãi ñuete ohele yokuti, ndeci onyoha ya yonja Heva letutu liayo, haico ovitima viene vi pambukavo koku vumba Kristu lesunguluko kuenda lonjelo.
4
Momo nda kuiya umue o kunda Yesu yiñi, okuti u etu tua kunda heyeko, pamue nda vu tambula Espiritu liñi, okuti eli wa tambuli halioko, pamue nda vu tava ondaka yiwa yiñi, okuti eyi wa taveli hayoko, vu tava ño lonjanga.
5
Ame nda soka siti, Si sule okuti ovapostolo vana va kemala va mbelapo.
6
Ndaño si kuete uloño woku kunda, haimo kondaka yukũlĩhiso si sule. Eci, tua ci lekisa kokuene pokati kovina viosi, atatãhãi lakamue.
7
Ame hẽ, nda linga ekandu omo nda likapa kutito okuti ene vu kemalisua, momo ndo kundili ondaka yiwa ya Suku ocali?
8
Nda punda akongelo akuavo oku tambula kokuavo ofeto okuti ndu kuatisi.
9
Leci nda kala lene kuenje nda suka, sia sakalaisaile umue okuti o nekula, momo vakuetu va tunda ko Makedonia va ñuatisa ndeci nda suka. Oco nda yuvula oku vu sakalaisa, kuenje oco ndingainga.
10
Ocili ca Kristu ci kasi vokati kange, kuenje locili caco mopia siti, Okulipanda kulo kuange siu ku uhila volofeka via Akaia.
11
Momo nye? Momo siu soli nga? Suku ombangi.
12
Kuenje ndeci ñasi loku linga, haico ndingainga. Ndi ci lingila oku lekisa uhembi wava va lipanda okuti vupange wavo va kuama onjila yetu.
13
Momo omanu ndovo ovapostolo vesanda, haivo olondingupange vie yuka elimbi, kuenje va liluvikiya ndovapostolo va Kristu.
14
Eci ka ci komohisa, momo ndaño Satana o liluvikiya ndungelo wocinyi.
15
Oco, nda oloñuatisi viaye vi liluvikiya ndoloñuatisi viesunga, ka ci komohisa. Efulilo liavo li soka lovilinga viavo.
16
Mopia vali siti, Lomue ka ka sime hati, Paulu eveke. Puãi ndaño vu ci sima, haimo nambuli ño ndeveke okuti lamevo ndi lipanda naito.
17
Eci ñasi loku popia ha Ñalako wa ci nyiha, puãi ñasi loku popia ndeveke loku kolela oku lipanda.
18
Omo va lua va lipandela ovina vi tiama komuenyo ulo lamevo ndi lipanda.
19
Omo vuvakualondunge, oco vu yevelela ciwa aveke!
20
Momo u tavi ño nda umue u lingisi apika, pamue u pundi, pamue u kuati, pamue u litambeli, pamue u patuli kocipala.
21
Mopia losõi siti, Evi nda ka tua vi tẽlele, omo tua pekengua enene! Ocili, mopia ndeveke, puãi cosi omunu a lipanda laco lamevo ndi lipanda laco.
22
Ovo hẽ, va Heveru? Lamevo ndu Heveru, Ovo hẽ, va Isareli? Lamevo ndu Isareli. Ovo hẽ, ombuto ya Avirahama? Lamevo ndimbuto ya Avirahama.
23
Ovo hẽ, oloñuatisi via Kristu? Mopia ndeyui, ame nda piãla koku kuatisa Kristu. Kovopange nda piãla, kotulelia nda piãla, katipulo ka ci tendiwa, kolofa olonjanja via lua.
24
Nda tipuiwa la va Yudea olonjanja vitãlo, okuti okutẽla akui akuãla kolosikote pakamba yimue.
25
Olonjanja vitatu nda tipuiwa lolohava. Onjanja yimosi nda sosuiwa lovawe. Olonjanja vitatu nda kala vonaviyu ya nyõleha. Uteke umue lutanya waco, nda pungoka ño kilu liovava.
26
Nda endaenda ovongende alua. Poku yoka olondui nda kala kala lohele. Olonjanja nda yokokela ovingumba. Olonjanja va Yudea va yongola oku ndinga cĩvi, olonjanja vakualofeka. Kuosi nda pita nda enda enda lohẽle, ci kale vovaimbo, ci kale vakalasoko, ci kale vokalunga. Vakuetu vokocipala olonjanja va seteka oku ndinga cĩvi.
27
Kupange wosi nda linga nda talavaya lekavo kuenda ekaha. Nda kala kala lonjala lenyona, omo nda kamba kamba okulia. Olonjanja ndandiwa omo sia kaile leci ndi lisikilila.
28
Kilu liovina viaco viosi, eteke keteke kuli oku sakalala levi vi tiama kakongelo osi.
29
Helie wa pekengua okuti ame sia pekenguelevo? Helie wa konjuiwa okuti ame sia ci temelele?
30
Nda ca sesamela ame oku lipanda, ndi lipandela evi vi lekisa okupekengua kuange.
31
Suku Isia ya Ñala Yesu ukuesumũlũho ka li pui, eye wa kũlĩha okuti si kembi.
32
Vo Damasko, epalanga liosoma Aretasi wa kapa olondavululi kolombundi vimbo lia Damasko okuti o ñuata.
33
Puãi vakuetu va ndowisila vohumba ponjanela yocimbaka, yu nda puluka kovaka aye.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13