2 Thessalonians 3

Umbundu Bible (Embimbiliya - Bíblia Sagrada em Umbundu)

← Chapter 2 Jump to:

1Oku sulila, a vamanji, tu pinga okuti vu tu likutilila okuti ondaka ya Ñala yi endelela loku mola ulamba ndeci yo mola pokati kene.

2Likutililivo okuti tu popelua komanu vãvi, haivo va vĩha, momo havosiko va kuete ekolelo.

3Puãi Ñala wa kolelua, eye u kolisi kuenje u silameli kukuevĩho.

4Kuenje tua kolela Ñala okuti vu kasi ale loku linga ovina tuo sapuili, kuenje vu vi lingainga.

5Ñala a songuile ovitima viene kocisola ca Suku kuenda kepandi lia Kristu.

6Kaliye, a vamanji, tu vu handeleka vonduko ya Ñala Yesu Kristu okuti, vu litepa la vakuetu vosi va kasi lowesi, kuenda ka va kasi lovihandeleko va tambula kokuetu.

7Momo ene muẽle vu ci ndeci co sungulukili oku tu setukula, momo ka tua kaile lowesi pokati kene.

8Ndaño ombolo yomue ka tua lile ocali, puãi lupange lekavo tua talavaya uteke lutanya okuti ka tu kala ndocilemo ku umue pokati kene.

9Hamomoko okuti ka tu kuete omoko yaco, puãi oku wihi oseteko okuti vu tu setukula.

10Momo, eci tua kala lene tuo handelekeli eci, tuti, Umue nda ka yongola oku linga upange ka ka lie.

11Momo tua yeva vamue pokati kene okuti va kasi ño, lupange lakamue, ka va talavaya puãi va linga vakualombonde.

12Kaliye ava va linga ndomo tu va handeleka loku va lunguila vu Ñala Yesu Kristu okuti va linga upange loku omboka, ha va li ombolo yavo muẽle.

13Ene, a vamanji, ko ka kavi oku linga ciwa.

14Nda omunu umue ka tava kondaka yetu yukanda ulo, u limbuki, ko ka linali laye, oco osõi yu kute.

15Ko ka soki hoti, unyali, u lunguli puãi nda manjene.

16Kaliye, Ñala yombembua eye muẽle o wihi ombembua olonjanja viosi lovina viosi. Ñala a kale lene vosi.

17Ame ndi Paulu, soneha epasulo eli leka liange muẽle. Olio ondimbukiso yange yovikanda viosi ndomo soneha.

18Ocali ca Ñala yetu Yesu Kristu ci kale lene vosi.

← Chapter 2 Jump to: