Jonah 3

Umbundu Bible (Embimbiliya - Bíblia Sagrada em Umbundu)

← Chapter 2 Jump to: Chapter 4 →

1Ondaka ya Yehova yeya ku Yona onjanja yavali, yiti,

2Votoka. Kuende kimbo linene lia Ninivei. Ka kunde ondaka nda ku sapuila.

3Oco Yona wa votoka, wa enda ko Ninivei ndomo Yehova a popia. Ninivei lia kala imbo linene calua, oku li enda oloneke vitatu.

4Yona wa fetika oku iñila vimbo, wa enda ca soka eteke. Kuenje wa vilikiya hati, Pa kambaño akui akuãla koloneke Ninivei li nyõleha.

5Oco va Ninivei va tava ku Suku. Va lihandeleka vati, Lomue ka ka lie. Vosi va wala ovikẽlẽi, tunde komanu vanene toke kuava va sule.

6Eci ondaka eyi ya pitila ku Soma ya Ninivei eye wa tunda kocalo caye, wa lula uwalo wusoma, wa wala ocikẽlẽi kuenje wa tumãla vetiko.

7Yu wa tumavo olomunga vielombe oku imba oluiya vo Ninivei, luti, Ca handeleka Soma lakulu ceci, okuti, Omanu ka va ka mãhe cimue, ndaño oku lia, ndaño oku nyua ovava. Lovinyama lolongombe lolomeme, laviovo, vi liwekeko oku lia loku nyua.

8Puãi omanu va wale ovikẽlẽi, va vilikiye ku Suku, vosi va pongoloke, omunu omunu a tunde kevĩho liaye lungangala waye.

9Helie o ci nda Yehova o litiulamo, o tunda konyeño yaye yalua ndokuti ka tu nyõlẽha vali?

10Eci Yehova a mõla ndomo va linga okuti va pongoloka kevĩho liavo oco wa litiulamo, ka lingile ndeci a sokiyile oku va yambula.

← Chapter 2 Jump to: Chapter 4 →