Leviticus 12

Umbundu Bible (Embimbiliya - Bíblia Sagrada em Umbundu)

← Chapter 11 Jump to: Chapter 13 →

1Oco Yehova wa popia la Mose hati,

2Sapuila va Isareli, huti, Nda ukãi wa mina kuenje wa cita omõla ulume, oco nyoho yaco a vĩhĩsua oloneke epanduvali; ndeci oloneke vioku ipa okandimba haico o vĩhĩsua.

3Kuenje keteke liecelãla ositu yociyuvuluila comõlaco yi seviwa.

4Oco eye ukãi o kala ño losonde yaye yoku liyelisa akui atatu koloneke koloneke vitatu; ka ka lambe kocikuata ci kola, pamue oku iñila vocitumãlo ci kola, toke oloneke vioku liyelisa kuaye via tẽla.

5Puãi nda wa cita omõla ukãi, oco o vĩhĩsua olosemana vivali, ndomo muoku ipa okandimba haimo; kuenje o kala ño losonde yaye yoku liyelisa akui epandu koloneke koloneke epandu.

6Eci oloneke viaco viaye vioku liyelisa via tẽla, ci kale viomõla ulume, ci kale viomõla ukãi, oco ukãi o nena okameme kunyamo umosi ndocilumba coku pia elisi, kuenda ocivuvu conende pamue opomba ndocilumba cekandu. O ci nena kuvelo wombalaka yoku ñualehela la Yehova, o ceca kocitunda;

7kuenje ocitunda ci vi lumbila kovaso a Yehova ha cu likutilila oku tuvika; kuenje ukãi o yela kono yosonde yaye. Oco ocikandeleko cu o cita omõla ulume pamue ukãi.

8Nda eci ukãi a kuete ka ca sokele londando yokameme, o nyañula olopomba vivali pamue ivuvu vivali violonende, eyi yocilumba coku pia elisi, eyi yocilumba cekandu, oco ocitunda cu likutilila ha tuvika, kuenje o yela.

← Chapter 11 Jump to: Chapter 13 →