bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Leviticus 27
Leviticus 27
Umbundu Bible (Embimbiliya - Bíblia Sagrada em Umbundu)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Yehova wa popia la Mose hati,
2
Sapuila va Isareli huti, Eci omunu a likuminya ohuminyo yi kola, ove o sokiyila Yehova oseo yomanu vaco.
3
Pokusokiya kuove ulume ukuanyamo akui avali toke kukuanyamo akuĩ epandu, oseo yove yi kala akui atãlo kolosiekele viopalata, vi lisoke lolosiekele vionembele.
4
Nda ukãi oco oseo yove yi kala akui atatu kolosiekele.
5
Oco tunde kukuanyamo atãlo toke kukuanyamo akui avali oseo yove yi kala, nda ulume akui avali kolosiekele, nda ukãi ekui kolosiekele.
6
Kuenje nda ukuasãi ombulu toke kukuanyamo atãlo oco oseo yove yi kala, nda ulume olosiekele vitãlo viopalata, nda ukãi oseo yove yi kala olosiekele vitatu viopalata.
7
Oco tunde kukuakui epandu kanyamo kua supa, nda ulume oseo yove yi kale ekui kolosiekele kolosiekele vitãlo, nda ukãi ekui kolosiekele.
8
Puãi nda omunu waño, ka kuete ndoseo yove, vo kape kovaso yocitunda, kuenje ocitunda cu sokiyila oseo yaye. Ndeci a tẽla omunu waco wa likuminya haico ocitunda cu sokiyila.
9
Kuenje nda ocinyama, cevi omanu va lumbila ku Yehova, viosi omunu a vi eca ku Yehova vi kola.
10
Ka ka ci pongolole, ka ka piñainyepo eci ciwa kueci cĩvi, pamue ceci cĩvi kueci ciwa. Nda o piñainya ocinyama locinyama, oco ocinyama caco la kapiñala kaco kavali kavio vi kola.
11
Kuenje nda ocinyama cevi vi vĩhĩsa, evi ka va vi lumbaila ku Yehova, o tumbika ocinyama caco kovaso ocitunda;
12
kuenje ocitunda ci ci sokiyila oseo, nda ciwa nda cĩvĩ, ndeci ove ucitunda o ci sokiya oco ci kala.
13
Nda puãi muẽle o ci yovola a vandekeko koseo yove onepa yatãlo.
14
Eci omunu a tumbika onjo yaye hã ha yi koli ku Yehova, oco ocitunda ci yi sokiyila oseo, nda yiwa nda yivi; ndeci ocitunda ci yi sokiyila haico yi kala.
15
Kuenje nda u wa yi tumbika o yovola onjo yaye o vandeka kolombongo vioseo yove onepa yaco yatãlo oco yi kala yaye.
16
Nda omunu o tumbika ku Yehova onepa yepia lia linga liaye muẽle, oseo yove yi linge ndokulima kuaco; apa pa kuliwa ohomeri yosevata ci soka akui atãlo kolosiekele.
17
Nda o tumbika epia liaye tunde kunyamo wonjolela, oco ci kala ndoseo yove.
18
Puãi nda o tumbika epia liaye kovaso yunyamo wonjolela, ocitunda cu tendela olombongo via soka lanyamo a kambako oku pitila kunyamo wonjolela, kuenje oseo yove yi tepuluka.
19
Kuenje nda u wa tumbika epia o yongola oku li yovola o vandeka kolombongo vioseo yove onepa yatãlo kuenje li linga liaye.
20
Nda ka yongola oku yovola epia liaco, pamue nda wa landisa epia komunu ukuavo, ka li yovuiwa vali.
21
Epia liaco puãi, eci lia panduluka kunyamo wonjolela, li kola ku Yehova ndepia lia lumbiwa ndocilumba coku lisinga; li linga liocitunda.
22
Kuenje nda o tumbika ku Yehova epia wa li landa, eli haliayeko muẽle,
23
oco ocitunda cu tendela eci ca soka loseo yove toke kunyamo wonjolela. Eteke liaco eye eca oseo yove, ci linga ndeci ci kola ku Yehova.
24
Vunyamo wonjolela epia liaco li tiukila ku wa landele laye, haeye u lia kala usenge waye muẽle.
25
Oloseo viove viosi vi kale olosiekele vionembele: akui avali olongera vi soka losiekele.
26
Puãi olonuñulu viovinyama ka ci tava oku vi tumbika omo olonuñulu viaco via Yehova ale, ci kale ongombe, ci kale omeme onuñulu yi tiama ku Yehova.
27
Nda ocinyama cevi vi vĩhĩsa, muẽle a ci yovole ndoseo yove, loku vandekako onepa yatãlo. Nda ka ci yovuiwa ci landisiwa ndoseo yove.
28
Haimo lumue kovina viosi omunu a kuete, ci kale omunu, ci kale ocinyama, ci kale epia liusenge waye, lacimue ca lumbiwa ndocilumba coku lisinga cokuti wa ci lumba ku Yehova loku lisinga, ci landisua pamue oku yovuiwa. Cosi ca lumbiwa loku lisinga ci kola cimue ku Yehova.
29
Lacimue ca lumbiwa loku lisinga, okuti ca lumbiwa lomanu loku lisinga, ci yovuiwa, ci ipaiwa muẽle.
30
Kuenje onepa yosi yekui yovapia yi tiama ku Yehova, nda ombuto yovapia, nda epako liuti, onepa yekui yi kola, Ya Yehova.
31
Nda omunu o yongola oku yovola cimue conepa yaye yekui, o vandekako onepa yaco yatãlo.
32
Onepa yosi yekui yolongombe leyi yolomeme pamue olohombo, viosi vi pita pita vemẽhi liohunya, onepa yavio yekui yi kola ya Yehova.
33
Ka ka pungule nda yiwa nda yĩvi; ka ka piñainye leci cikuavo; nda o piñainya oco muẽle leci ca piñalãpo kavali kavio vi kola. Ka ci yovuiwa.
34
Evi ovio ovihandeleko Yehova a sapuila Mose vomunda Sinai. Wa vi sapuila Mose okuti Mose o sapuila va Isareli.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27