bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Psalms 119
Psalms 119
Umbundu Bible (Embimbiliya - Bíblia Sagrada em Umbundu)
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
1
Ava va endela vonjila ya suñama, okuti vonjila yovihandeleko via Yehova, ovo va sumũlũha.
2
Ava va linga ovisila viaye, loku u vanjiliya lutima wavo wosi,
3
haivo ka va lingi evĩho, puãi va endela volonjila viaye, ovo va sumũlũha.
4
Wa tu handeleka okuti ovihandeleko viove tu vi linga lombili.
5
Ndi livela ca lua okuti olonjila viange vi loña koku linga ovisila viove.
6
Momo, si kutiwa osõi, nda ndi sumbila ovihandeleko viove viosi.
7
Hu pandula lutima wa sunguluka eci ndi lilongisa olonimbu viove viesunga,
8
ha si lingi ovisila viove. Ku ka njanduluke.
9
Ukuenje o tẽla ndati oku tata onjila yaye okuti yi yela? O ci tẽla poku lilava ndeci ca popia ondaka yove.
10
Nda ku sandiliya lutima wosi. Ku ka tave okuti mambuka vonjila yovihandeleko viove.
11
Nda soleka ondaka yove vutima okuti siu ku sinila.
12
A Yehova, ove wa sesamela esivayo. Ndongise ovisila viove.
13
Lomela wange ndi sapula ovihõlo viosi viomela wove.
14
Nda yolela onjila yovisila viove ndoku yolela ukuasi wosi.
15
Sokolola alungulo ove. Sumbila olonjila viove.
16
Sanjukila ovisila viove. Si ivalako ondaka yove.
17
Linga ciwa ukuenje wove, okuti ñala lomuenyo kuenje mokola kondaka yove.
18
Patulula ovaso ange okuti ndimbuka ovikomo viovihandeleko viove.
19
Kilu lieve ndukombe. Ku ka mbundisile ovihandeleko viove.
20
Utima wange u teka longeva yovihõlo viove oloneke viosi.
21
Ove o lemela vakuemande, ava va siñaliwa, haivo va tunda kovihandeleko viove.
22
Njupe efuki liavo lepembe, momo nda linga ovisila viove.
23
Ndaño olosoma vi tumãla loku numbila ahãla, haimo ukuenje wove o sokolola ovisila viove.
24
Ovisila viove ovio esanju liange, haivio olondunguli viange.
25
Utima wange wa petamela posi. Numbulule ndondaka yove.
26
Eci nda lombolola olonjila viange ove wa nambulula. Ndongise ovisila viove.
27
Ndomboluile alungulo ove ndomo a kasi, kuenje sokolola ovikomo viove.
28
Utima wange wa yenguluka lesumuo. Ñolise ndondaka yove.
29
Mambuise vonjila yoku kemba. Ndinge ohenda oku ndongisa ovihandeleko viove.
30
Nda nola onjila yocili. Nda likapela oku tẽlisa ovihõlo viove.
31
Nda lamelela ovisila viove. A Yehova, ku ka tave okuti ñutisua osõi.
32
Ndupukila vonjila yovihandeleko viove eci o yanjisa uvanga wange.
33
A Yehova, njimbe onumbi yoku linga ovisila viove kuenje ngendelamo toke kefulilo.
34
Nyihe olondunge oco mokole kovihandeleko viove, loku vi tata lutima wosi.
35
Ngendise vonjila yovihandeleko viove, momo nda vi sanjukila.
36
Tiamisa utima wange kovisila viove, kocipululu hakoko.
37
Tiula ovaso ange, ka a ka talukile evi viesanda. Nyihe omuenyo volonjila viove.
38
Tẽlisa ohuminyo wa likuminya lukuenje wove, haiyo yi tiama kuava va ku sumbila.
39
Tiula efuki li njokokisa, momo ovihõlo viove ovio viwa.
40
Ocili, nda livela alungulo ove. Nyihe omuenyo omo o kasi lesunga.
41
Ocisola cove ka ci pui ciye kokuange, a Yehova, eyovo liove laliovo, ndohuminyo yove.
42
Momo, nda viya, ñala leci nambulula laco ava va fukĩlisa, omo ñolela ondaka yove.
43
Ondaka yocili ku ka yi upe vomela wange, momo elavoko liange li kasi kovihõlo viove.
44
Mokoyola kovihandeleko viove oloneke ka vi pui.
45
Ngendaenda ndeci manga, momo nda tekela kalungulo ove.
46
Ndombololavo kolosoma ovisila viove kuenje si kutisua osõi,
47
momo sole ovihandeleko viove, kuenje ndi vi sanjukila.
48
Sole muẽle ovihandeleko viove loku vi sumbila. Sinyanyeha ovisila viove.
49
Ivaluka ondaka wa popia lukuenje wove, momo ya ñokela oku lavoka.
50
Elembeleko liange kotembo yohali, lieli, Ohuminyo yove yi nyiha omuenyo.
51
Vakuakulituna va njola epembe, ame puãi, si pambuka kocihandeleko cove.
52
Eci njivaluka ovihõlo viove vionahulu, ndembelekiwa, a Yehova.
53
Onyeño ya tokota yi ñuete omo olondingaĩvi via yanduluka ondaka yove.
54
Ovisila viove ovio ovisungo viange vonjo yungende wange.
55
A Yehova, njivaluka onduko yove pokati kuteke. Mokola kovihandeleko viove.
56
Esumũlũho ñasi lalio lieli, okuti, Ndukuakupokola kalungulo ove.
57
Yehova onepa yange. Nda likuminya siti, Mokola kolondaka viove.
58
Nda ku livondela lutima wange wosi, siti, Ñuatise. Ndinge ohenda ndeci wa likuminya.
59
Eci sokolola olonjila viange, niamisa olomai viange kovisila viove.
60
Njayulako, si tutuvala oku pokola kovihandeleko viove.
61
Ndaño ovikolo violondingaĩvi vi ñuta haimo si ivala ovihandeleko viove.
62
Vokati kuteke masuka oku ku sivaya, omo ovihõlo viove viesunga.
63
Ndikamba lia vosi va ku sumba, lava va pokola kalungulo ove.
64
Kilu lieve, a Yehova, kue yuka ocisola cove ka ci pui. Ndongise ovisila viove.
65
A Yehova, wa linga ciwa lukuenje wove, ndeci ca tukula ondaka yove.
66
Ndongise olondunge viocili lukũlihĩso, momo ñolela ovihandeleko viove.
67
Osimbu sia longiwile nda tuñayala, cilo puãi mokola kondaka yove.
68
Ove uwa, o lingainga ciwa. Ndongise ovisila viove.
69
Vakuakulituna va mbihisa luhembi, ame puãi, mokola kalungulo ove lutima wange wosi.
70
Ovitima viavo via neta ndulela, ame puãi, sanjukila ovihandeleko viove.
71
Ciwa omo nda tala ohali okuti ndi lilongisa ovisila viove.
72
Ovihandeleko viomela wove via mbelelapo, okuti olohũlũkai viulu lopalata vi sule.
73
Ovaka ove a ndulika, hao a ñolisa. Nyihe olondunge hã si lilongisa ovihandeleko viove.
74
Ava va ku sumbila, eci va mõla, va yolela, momo Kondaka yove, oko nda lavokaila.
75
A Yehova, nda kũlĩha okuti olonimbu viove via sunguluka. Ndi civo okuti wa ndonga locili.
76
Ocisola cove ka ci pui ci ndembeleke ndondaka wa popia lukuenje wove.
77
Ohenda yove yi mitile hã si kala lomuenyo momo ovihandeleko viove ovio esanju liange.
78
Vakuakulituna va kutiwe osõi, momo va njula luhembi, ame puãi, sokolola alungulo ove.
79
Ava va ku sumbila va tiame kokuange, okuti va kũlĩha ovisila viove.
80
Utima wange u sunguluke lovisila viove, oco si ka kutiwe osõi.
81
Utima wange u kasi longeva yeyovo liove. Ndavoka okuti ondaka yove yi lingiwa.
82
Ovaso ange a vuvala loku lavekela ohuminyo yove. Mula siti, Eteke lipi o ndembeleka?
83
Nda likonya ndocipa covinyu vowisi, haimo lumue si ivalako ovisila viove.
84
Viñami hẽ, oloneke viukuenje wove? Eteke lipi o tetuluila ava va suvalisa?
85
Vakuepela va fẽlẽla akueve, haivo ka va pokola kovihandeleko viove.
86
Ovihandeleko viove viosi viocili muẽle. Ovo va nalaisa ohali luhembi. Ngohele.
87
Va kamba naito oku nyõla kilu lieve, ame puãi, sia yandulukile alungulo ove.
88
Omo o kasi locisola ka ci pui oco popela omuenyo wange okuti mokola kolondaka viomela wove.
89
A Yehova, ondaka yove yi tumãla hũ vovailu.
90
Ocili cove ci kala kovitumbulukila viosi. Ove wa kolisa ongongo, kuenje yi kasi.
91
Londaka yove lopo yi tai toke etali, momo ovina viosi vi ku vumba.
92
Ovihandeleko viove nda ka via kaile esanju liange, nda nda nyõlẽha lohali yange.
93
Lalimue eteke njivalako alungulo ove, momo wa mindula lao.
94
Ndu wove. Mopele. Momo nda vanjiliya alungulo ove.
95
Olondingaĩvi vi ndavekela ha vi nyõli, ame puãi, sokolola ovisila viove.
96
Nda mõla esulilo liohuloñoloha kuosi, ocihandeleko cove puãi ca yanja cimue.
97
Sole simue ovihandeleko viove. Ndukuaku vi sokolola ño-o eteke liosi.
98
Ovihandeleko viove via muisa olondunge via piala, evi vioyanyali vange vi sule, momo ñasi lavio oloneke viosi.
99
Uvanga ñasi lawo wa piãla, u wovalongisi vange vosi u sule, momo ndukuakusokolola ovisila viove.
100
Vimue ka via lombolokele kovakulu, ame via ndomboloka, momo mokola kalungulo ove.
101
Olomai viange ndi vi tiula kolonjila viosi vĩvi hã si lingi ondaka yove.
102
Si pambuka kovihõlo viove, momo ove wa ndongisa.
103
Olondaka viove vi sõsa cimue kelimi liange, vomela yange owiki u sule.
104
Kalungulo ove oko njupopa olondunge, oco olonjila viosi viuhembi ndi vi nyale.
105
Ondaka yove oyo ovela yolomai viange, haiyo ocinyi cokonjila yange.
106
Nda lisinga kuenje nda ci kolisa, cokuti ndingainga ovihõlo viove viesunga.
107
Nda talisua cimue ohali. Nyihe omuenyo, a Yehova, ndeci wa likuminya londaka yove.
108
Tambula ovilumba viange viesivayo, a Yehova. Ndongise ovihõlo viove.
109
Oloneke viosi omuenyo wange ndu kuete peka, puãi si ivalako ovihandeleko viove.
110
Olondingaĩvi via nela onjanjo, puãi sia lueyele alungulo ove.
111
Ovisila viove nda vi tambula ndocipiñalo ka ci pui. Ovio onjolela yutima wange.
112
Nda kapa utima woku lingainga ovisila viove, tunde opo toke ka ku ci.
113
Vakuavitima-vivali ndi va nyale, ovihandeleko viove puãi, ndi vi sole.
114
Ove wuciwundilo cange, haive wumbindikiyo yange. Ndavoka okuti ondaka yove yi lingiwa.
115
Nundi, ene alondingaĩvi, oco ndinge ovihandeleko via Suku yange.
116
Njakele ndohuminyo yove oco ñale lomuenyo. Si ka kutisue osõi osimbu ñasi lelavoko.
117
Ñolise, oco ñoke, kuenje sumbila ovisila viove oloneke viosi.
118
O sepuisa vosi va lueya ovisila viove. Ahãla avo osi olivova ño.
119
Ove winasi olondingaĩvi viokilu lieve ndovaña, oco sole ovisila viove.
120
Etimba liange li ku lulumila lusumba, kuenje njokokela olonimbu viove.
121
Nda linga eci ca sunguluka haico cocili. Kuka sie lava va ñeleketa.
122
Likapa uvangi wukuenje wove. Vakuepela ka va ka nalise ohali.
123
Ovaso ange a vuvala loku lavekela eyovo liove lokulingiwa kuohuminyo yove yesunga.
124
Linga lukuenje wove ndocisola cove ka ci pui. Ndongise ovisila viove.
125
Ndukuenje wove. Nyihe olondunge ovisila viove ha vi ndomboloka.
126
Yilo oyo otembo ya Yehova yoku linga, momo va tomba ovihandeleko viove.
127
Oco sole ovihandeleko viove, ulu u sule, ndaño ulu wa fina.
128
Oco nda soka siti, Alungulo ove kovina viosi esunga. Olonjila viosi viuhembi ndi vi nyale.
129
Ovihandeleko viove vi komohaisa, oco utima wange u pokola kokuavio.
130
Elomboluilo liolondaka viove li eca ocinyi, kuenje li loñoluisa olonjambawa.
131
Ngasama omela kuenje ndaka omo nda livela ovihandeleko viove.
132
Pongolokela kokuange, ndinge ohenda, ndeci o lingainga lava va sole onduko yove.
133
Kolisa okuenda kuolomai viange ndeci wa likuminya. Ku ka tave ekandu oku mbiala.
134
Njovole kundiandia womanu, hã si pokola kalungulo ove.
135
Tuisila ukuenje wove ocipala cove. Ndongise ovisila viove.
136
Andunde ovava a sukumuha vovaso ange, momo omanu ka va pokola kovihandeleko viove.
137
Ove wukuesunga, a Yehova, lolonimbu viove via sunguluka.
138
Wa eca ovihandeleko viove lesunga kuenda locili cosi.
139
Ombili yange ya ndia, momo ovanyali vange va ivalako olondaka viove.
140
Olohuminyo viove via nyikiwa ocili, kuenje ukuenje wove o vi sole.
141
Ndutito, nda tombiwa, haimo si ivalako alungulo ove.
142
Esunga liove olio esunga ka li pui, lovihandeleko viove viocili.
143
Ohali lolongembia vi ñuete, puãi ovihandeleko viove ovio esanju liange.
144
Ovisila viove viesunga ka li pui. Nyihe olondunge oco ñale lomuenyo.
145
Mbilikiya lutima wange wosi. Nambulule, a Yehova. Mokola kovisila viove.
146
Mbilikiya kokuove, mopele, hã si pokola kovisila viove.
147
Ndi limelẽha ociteketeke oku vilikiya okuti o ñuatisa. Nda lavoka ondaka yove.
148
Osimbu okulendela kuteke ka kueyile, ovaso ange a lavulula okuti sokolola ondaka yove.
149
Omo o kasi locisola ka ci pui, yeva ondaka yange. A Yehova, omo o kasi lesunga, tumbulula omuenyo wange.
150
Ava va tiamela kevĩho va ñokela. Va kasi kupãla lovihandeleko viove.
151
Ove puãi o kasi ocipepi, a Yehova. Ovihandeleko viove viosi viocili.
152
Nda limbuka ale osimbu okuti ovisila viove wa vi sovuila oku kala ño-o hũ.
153
Kũlĩhisa ongongo yange, mopele, momo si ivalako ovihandeleko viove.
154
Sombele ondaka yange, njovuise. Nyihe omuenyo ndeci wa likuminya.
155
Eyovo li kasi ocipãla lolondingaĩvi omo ka va vanjiliya ovisila viove.
156
Ohenda yove, a Yehova, ya lua. Nyihe omuenyo, omo o kasi lesunga.
157
Ovanyali, lava va nalisa ohali, va lua Ame puãi, sia pambukile kovisila viove.
158
Nda vanja vakuevĩho kuenje ca mbala, momo ka va pokuile kondaka yove.
159
Kũlĩhisa ndomo sole alungulo ove. A Yehova, omo o kasi locisola ka ci pui tumbulula omuenyo wange.
160
Ohongele yolondaka viove, oyo ocili. Ovihõlo viove viosi viesunga. Ocihõlo locihõlo cenda hũ, ka ci pui.
161
Olosoma vi nalisa ño ohali olivova, utima wange puãi, u sumbila olondaka viove.
162
Njolaela ondaka yove ndu wa alula ovikuata via lua.
163
Uhembi ndu suvuka, ndu nyale, ovihandeleko viove puãi, ndi vi sole.
164
Ovihõlo viove viesunga, oco hu sivayaila olonjanja epanduvali keteke liongongo.
165
Ava va sole ovihandeleko viove va kasi lombembua ya lua. Ka kuli eci ci tẽla oku va londuisa.
166
Nda imba ovaso eyovo liove, a Yehova. Mokola kovihandeleko viove.
167
Utima wange wa pokola kovihandeleko viove. Ndi vi sole cimue.
168
Nda pokola kalungulo ove lovihandeleko viove, momo olonjila viange viosi vi kasi kovaso ove.
169
Evilikiyo liange li pitile kokuove, a Yehova. Muise olondunge ndeci wa likuminya.
170
Okulikutilila kuange ku pitile kokuove. Mopele ndomo wa likuminya.
171
Omela yange yi ku sivaya momo wa ndongisa ovisila viove.
172
Elimi liange li imbila ondaka yove ovisungo, momo ovihandeleko viove viosi viesunga muẽle.
173
Eka liove li ngohele lombili, momo nda nõla alungulo ove.
174
Nda livela eyovo liove, a Yehova. Ovihandeleko viove ovio esanju liange.
175
Numalise lomuenyo okuti hu sivaya. Ovihõlo viove vi ngohele.
176
Nda tungayala ndomeme ya nyelela. Sandiliya ukuenje wove, momo si ivalako ovihandeleko viove.
← Chapter 118
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 67
Chapter 68
Chapter 69
Chapter 70
Chapter 71
Chapter 72
Chapter 73
Chapter 74
Chapter 75
Chapter 76
Chapter 77
Chapter 78
Chapter 79
Chapter 80
Chapter 81
Chapter 82
Chapter 83
Chapter 84
Chapter 85
Chapter 86
Chapter 87
Chapter 88
Chapter 89
Chapter 90
Chapter 91
Chapter 92
Chapter 93
Chapter 94
Chapter 95
Chapter 96
Chapter 97
Chapter 98
Chapter 99
Chapter 100
Chapter 101
Chapter 102
Chapter 103
Chapter 104
Chapter 105
Chapter 106
Chapter 107
Chapter 108
Chapter 109
Chapter 110
Chapter 111
Chapter 112
Chapter 113
Chapter 114
Chapter 115
Chapter 116
Chapter 117
Chapter 118
Chapter 119
Chapter 120
Chapter 121
Chapter 122
Chapter 123
Chapter 124
Chapter 125
Chapter 126
Chapter 127
Chapter 128
Chapter 129
Chapter 130
Chapter 131
Chapter 132
Chapter 133
Chapter 134
Chapter 135
Chapter 136
Chapter 137
Chapter 138
Chapter 139
Chapter 140
Chapter 141
Chapter 142
Chapter 143
Chapter 144
Chapter 145
Chapter 146
Chapter 147
Chapter 148
Chapter 149
Chapter 150
Chapter 120 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150