Psalms 136

Umbundu Bible (Embimbiliya - Bíblia Sagrada em Umbundu)

← Chapter 135 Jump to: Chapter 137 →

1Panduli Yehova, momo uwa, momo ohenda yaye ka yi pui.

2Panduli Suku yolosuku, momo ohenda yaye ka yi pui.

3Panduli Ñala yoloñala, momo ohenda yaye ka yi pui.

4U o lingainga ovikomo vinene lika waye, momo ohenda yaye ka yi pui.

5U wa lulika ilu lolondunge viaye, momo ohenda yaye ka yi pui.

6U'wa yala ongongo kilu liovava, momo ohenda yaye ka yi pui.

7U wa lulika ovinyi vinene, momo ohenda yaye ka yi pui.

8Ekumbi ha li viala kutanya, momo ohenda yaye ka yi pui.

9Osãi lolombungululu ha vi viala kuteke, momo ohenda yaye ka yi pui.

10U wa kundula olonuñulu via va Egito, momo ohenda yaye ka yi pui.

11Wa tundisa Isareli pokati kavo, momo ohenda yaye ka yi pui,

12leka lia pama, lokuokuo kuoloha, momo ohenda yaye ka yi pui.

13U wa tepa pokati o Kalunga Kakusuka, momo ohenda yaye ka yi pui.

14Yu wa pitisa Isareli vokati kaco, momo ohenda yaye ka yi pui.

15Wa kupikila puãi Fareo lolohoka viaye vo Kalunga Kakusuka, momo ohenda yaye ka yi pui.

16U wa songuila omanu vaye vekalasoko, momo ohenda yaye ka yi pui.

17U wa kundula olosoma vinene, momo ohenda yaye ka yi pui.

18Wa ipa olosoma via kemala, momo ohenda yaye ka yi pui.

19Siyoni, Soma ya va Amori, momo ohenda yaye ka yi pui.

20La Oge, Soma ya Basiane, momo ohenda yaye ka yi pui.

21Wa eca ovisenge viavo ndocipiñalo, momo ohenda yaye ka yi pui.

22Oco ocipiñalo ca Isareli ukuenje waye, momo ohenda yaye ka yi pui.

23Wa tu ivaluka kukukui wetu, momo ohenda yaye ka yi pui.

24Wa tu popela kovanyali vetu, momo ohenda yaye ka yi pui.

25Ecaeca okulia ku vosi vakuetimba, momo ohenda yaye ka yi pui.

26Panduli Suku ukuailu, momo ohenda yaye ka yi pui.

← Chapter 135 Jump to: Chapter 137 →