Zechariah 10

Umbundu Bible (Embimbiliya - Bíblia Sagrada em Umbundu)

← Chapter 9 Jump to: Chapter 11 →

1Lombi ombela ku Yehova kotembo yomandavela. Yehova eye ukuakusovola alende ombela, haeye ecaeca ombela komanu vaye okuti omunu omunu o kala lovikũla vepia liaye.

2Momo oviteka vi popia esanda. Vakuakutãha va kemba ño. Vakualonjoi va lombolola olonjoi viesanda kuenje va lembeleka lesanda. Oco omanu va tuñayala ño-o ndolomeme, va sakalala omo ka va kuete ungombo.

3Onyeño yange ya wengukila ovangombo kuenje njambula asongui. Momo Yehova Ukualohoka o tata ocunda caye okuti epata lia Yuda, o va lingisa ndokavalu kaye ka pama kovita.

4Kokuavo ku tunda ewe lievindi. Kokuavo ku tunda ongunji. Ohonji yovita layovo yi tunda kokuavo. Kuenje kokuavo ku tunda olombiali viosi.

5Va linga ndasualali vovita. Va kosela ovanyãli vavo vonata yovolokololo. Va yaka omo Yehova o kala lavo. Kuenje va kutisa osõi ava va endela kotuvalu.

6Ñolisa epata lia Yuda. Mopela epata lia Yosefe. Ndi va tungisa vali momo ndi va kuatela ohenda. Va kala vali, hutiño sia la va takumũla. Momo ame Yehova, ame Suku yavo, kuenje ame ndi va yeva.

7Kuenda va Efarimi va linga ndasualali vakuotoi. Itima viavo vi sanjuka ndava va nyua ovinyu. Omãla vavo va ci mõla kuenje va sanjuka. Ovitima viavo vi sanjukila Yehova.

8Ndi va kovonga loku vongolola momo nda va yovola. Kuenje va lova vali ndeci va lovele ale.

9Ndaño nda va sandula pokati kolofeka haimo volofeka vi kasi kupãla omo va njivalukila, haimo va tunga lomãla vavo kuenje va tiuka.

10Ndi vopa kofeka ye Egito loku va nena kofeka yavo. Ndi vopavo vofeka ya Asuria. Ndi va nena kofeka ya Gileada lovofeka ya Levanone toke ka ku sangiwa vali ocitumãlo ci va tẽla.

11Va pita vokalunga ke Egito, lakimba okalunga a tepiwa. Lalondo olui Nilu a takata. Epela lia va Asuria li liweka, kuenda uviali we Egito wimũha.

12Ame ndi va kolisa longusu ya Yehova kuenje va endela vulamba wonduko yaye. Oco ca popia Yehova.

← Chapter 9 Jump to: Chapter 11 →