Matthew 17

Urdu ERV 2007 (Has Missing Verses, Cant be found on Bible.com)

← Chapter 16 Jump to: Chapter 18 →

1چھ دن کے بعد یسوع ، پطرس ، یعقوب اور اسکے بھا ئی یوحنا کو ساتھ لیکر ایک اونچے پہاڑ پر چلے گئے ۔ جہاں انکے سوا کو ئی دوسرا نہ تھا ۔

2ان شاگردوں کی نظروں کے سامنے ہی وہ مختلف شکلیں بدلنے لگا ۔ انکا چہرہ سورج کی طرح روشن ہوا ۔ اور اسکی پوشاک نور کی مانند سفید ہو گئی ۔

3اس کے علا وہ انہوں نے دیکھا کہ اسکے ساتھ دو آدمی باتیں کرے ہو ئے کھڑے تھے ۔ وہی موسٰی اور ایلیاہ تھے ۔

4پطرس نے یسوع سے کہا، “ اے ہمارے خداوند ! یہ اچھا ہے کہ ہم یہاں ہیں تم چاہو تو تمہارے لئے تین خیمے نصب کروں گا ۔ ایک تمہارے لئے ایک موسٰی کے لئے اور ایک ایلیاہ کے لئے ۔”

5پطرس ابھی باتیں کر ہی رہا تھا کہ ایک تابناک بادل انکے اوپر سایہ فگن ہو گیا ,اور اس بادل میں سے ایک آواز سنائی دی، “ یہی میرا چہیتا بیٹا ہے ۔ میں اس سے بہت خوش ہوں اور اسکے فرماں بردار بنو۔”

6یسوع کے ساتھ موجود شاگرد وں کو یہ آواز سنائی دی ۔ وہ بہت زیادہ خوف زدہ ہو کر منھ کے بل زمین پر گر گئے ۔

7تب یسوع شاگردوں کے پاس آکر انکو چھوا اور کہا ،” گھبراؤ مت اٹھو ۔ “

8جب وہ اپنی آنکھیں کھول کر دیکھے تو وہاں پر یسوع کے سوا کوئی اور نہیں تھا ۔

9جب وہ پہاڑ سے نیچے اتر رہے تھے تو یسوع نے اپنے شاگردوں کو حکم دیا، “ جب تک ابن آدم مرکر دوبارہ جی نہ اٹھے اس وقت تک تم پہاڑ پر جن مناطر کو دیکھا ہے وہ کسی سے نہ کہنا ۔ “

10شاگردوں نے یسوع سے پو چھا ،” مسیح کے آنے سے پہلے ایلیاہ کو آنا چاہئے ایسی بات معلّمین شریعت کیوں کہتے ہیں ؟”

11اس پر یسوع نے جواب دیا، “ جو ایلیاہ کے آ نے کی بات کہتے ہیں صحیح ہے حقیقت یہ ہے کہ وہ آئیگا اور تمام مسائل کو حل کریگا ۔

12لیکن میں تم سے کہتا ہوں ایلیاہ تو آچکا ہے ۔ لیکن لوگ اسے جان نہ سکے کہ وہ کون ہے ؟اور لوگوں نے جیسا چاہا اس کے ساتھ کیا اسی طرح ابن آدم بھی انکے ہاتھوں تکلیف اٹھا ئیگا۔ “

13تب شاگرد سمجھ گئے کہ اس نے ان سے یوحنا بپتسمہ دینے والے کی بابت کہا ہے ۔ (مرقس ۹:۱۴-۲۹؛ لوقا ۹:۳۷-۴۳)

14یسوع اور اسکے شاگرد لوگوں کے پاس لوٹ کر واپس آئے ۔ ایک آدمی یسوع کے پاس آیا اور گھٹنے ٹیک کر کہا ، “

15اے خدا وند ! میرے بیٹے پر رحم کر کیوں کہ وہ مرگی کی بیماری سے بہت تکلیف میں ہے ۔ وہ کبھی آ گ میں اور کبھی پا نی میں گر جاتا ہے ۔

16میں اپنے بیٹے کو تیرے شاگردوں کے پاس لا یا ۔ لیکن ان میں سے کو ئی بھی اسکو شفاء نہ دے سکے ۔”

17یسوع نے ان سے کہا، “ اے کم ایمان اور کج رو نسل مزید کتنا عرصہ مجھے تمہارے ساتھ رہنا ہوگا ؟ اور کتنی مدّت تک میں تمہیں برداشت کروں ؟ اس بچّے کو یہاں لاؤ۔”

18یسوع نے بچّے میں پائی جانے والی بد روح کو ڈانٹ دیا تو وہ اس سے دور ہو گئی ۔ اور اسی لمحہ لڑکا شفا یاب ہوا۔

19تب شاگرد یسوع کے پاس آکر کہنے لگے کہ، “ ہم ہزار کو شش کے باوجود اس بد روح کو لڑ کے سے دور کیوں نہیں کر سکے ؟

20تب یسوع نے انکو جواب دیا، “ تمہارا کم ایمان ہی اصل وجہ ہے ۔ میں تم سے سچ کہتا ہوں کہ اگر تم میں رائی کے دانے کے برابر ایمان ہو تا اور تم اس پہاڑکو کہتے کہ تو اپنی جگہ سے ہل جا تو وہ ضرور ہل جاتا ۔ اور تمہارے لئے کو ئی کام نا ممکن نہ ہوتا ۔” 21 (مرقس ۹:۳۰-۳۲؛ لوقا ۹:۴۳-۴۵)

22ایک مرتبہ گلیل میں سب شاگرد یکجا ہو ئے ۔ یسوع نے اپنے شاگردوں سے کہا، “ ابن آدم کو لوگوں کے حوالے کیا جائیگا ۔

23آدمی ابن آدم کو قتل کر دیں گے ۔ لیکن وہ مرنے کے تیسرے دن پھر دوبارہ زندہ ہو کر آئیگا ۔ “

24یسوع اور اسکے شاگرد کفر نحوم میں آئے ۔ چند یہودی پطرس کے پاس آئے وہ کلیسا کے محصول وصول کنندہ تھے ۔ انہوں نے پوچھا، “ کیا تمہارا آقا کلیسا کے لئے محصول نہیں ادا کریگا ۔”

25پطرس نے جواب دیا، “ ہاں وہ ادا کریگا ۔” تب پطرس گھر میں گیا جہاں یسوع مقیم تھے ۔ وہ اس بات کو بتانے سے پہلے ہی یسوع نے اس سے کہا، “ اس دنیا کے بادشاہ لوگوں سے مختلف قسم کے محصول وصول کرتے ہیں ۔ لیکن محصول ادا کرنے والے کون لوگ ہوں گے ؟ کیا بادشاہ کے بچے ہونگے یا دوسرے لوگ؟ تم کیا سمجھتے ہو شمعون ؟۔”

26پطرس نے جواب دیا، “ صرف دوسرے ہی لوگ لگان کو ادا کریں گے” یسوع نے پطرس سے کہا، “ اگر ایسی ہی بات ہے تو بادشاہ کے بچّوں کو لگان دینے کی ضرورت نہیں ۔

← Chapter 16 Jump to: Chapter 18 →