Ephesians 3

Xhosa 2024 (ITestamente Entsha)

← Chapter 2 Jump to: Chapter 4 →

1Ngenxa yoko mna Pawulos, mbanjwa kaYesu Kristu ngenxa yenu zintlanga,

2Ukuba nikuvile ulungiselelo lobabalo lukaThixo, endababalwa ngalo kuni;

3okokuba wandazisa imfihlelo leyo ngokotyhilelo; (njengoko ndibhale ngaphambili ngamafutshane),

4enothi ngoko, nakulesa, nibe nokuqiqa ukwazi kwam kwimfihlelo kaKristu;

5ababengathanga kuzimbi izizukulwana bayaziswe oonyana babantu, njengoko bayityhilelweyo ngoku abapostile bakhe abangcwele, nabaprofeti bakhe, ngaye uMoya;

6ukuze iintlanga zibe ziindlalifa kunye naye, zibe zimzimba mnye, zibe ngamadlelane ngedinga lakhe elikuKristu, ngazo iindaba ezilungileyo;

7endabamiselayo mna ngokwesipho sobabalo lukaThixo, endasibabalwa ngalo ngokusebenza kwamandla akhe.

8Mna lo ungoyena mncinanana kubo bonke abangcwele, ndababalwa ngolo lubabalo, lokuba ndishumayele phakathi kweentlanga iindaba ezilungileyo zobutyebi obungalandekiyo bukaKristu;

9ndibakhanyisele bonke abantu, bayibone into obuyiyo ubudlelane bemfihlelo ebifihliwe kwasemaphakadeni, ikuye uThixo owazidalayo zonke izinto ngoYesu Kristu;

10ukuze ngoku izilawuli namandla, kwezasezulwini iindawo, zaziswe ngalo ibandla ubulumko bukaThixo obuziintlobo ezininzi;

11ngokwengqibo yaphakade, awayenzayo ngoKristu Yesu, iNkosi yethu;

12Esikuye ke sinokungafihlisi, nokungeniswa kwethu sikholosile, ngokukholwa kuye;

13Kungoko ndicelayo ukuba ningethi amandla ziimbandezelo zam, ezingenxa yenu, zona ezi ziluzuko lwenu.

14Ngenxa yoko ndiguqa ngamadolo am kuye uYise weNkosi yethu uYesu Kristu;

15Ekuthiywe ngaye yonke imizalwane esemazulwini nesemhlabeni,

16ukuze aninike, ngokobutyebi bozuko lwakhe, ukomelezwa ngamandla ngaye uMoya wakhe, ngokusingisele emntwini ongaphakathi;

17ukuze uKristu ahlale ngokholo ezintliziyweni zenu; ukuze nina, nimiliselwe nisekelwe eluthandweni;

18ninako ke ukubuqiqa into obuyiyo ububanzi, nobude, nobunzulu, nokuphakama;

19kwanokulwazi uthando lukaKristu oluncamise ukwazi, ukuze niye nizala ngako konke ukuzala kukaThixo.

20Kuye ke onako ukwenza okungaphezu kweento zonke ngokugqithiseleyo kakhulu, ngaphezu kwesikucelayo nesinokukuqiqa, ngokokwamandla asebenzayo ngaphakathi kwethu;

21kuye malubekho uzuko ebandleni elikuKristu Yesu, kuse kuzo zonke izizukulwana zalo iphakade lasemaphakadeni. Amen.

← Chapter 2 Jump to: Chapter 4 →