1 Chronicles 7

Chinese Bible TNV 2012 (Traditional) (客語聖經 – 現代臺灣客語譯本，新舊約全書客語聖經 – 漢字版)

← Chapter 6 Jump to: Chapter 8 →

1以薩迦有四個孻仔 — 陀拉、普瓦、雅述、伸崙。

2陀拉有六個孻仔 — 烏西、利法雅、耶勒、雅買、易伯散、示母利。佢等全部係陀拉宗族中个家族族長，係勇敢个戰士。在大衛王時代，佢等个後代有兩萬兩千六百人。

3烏西有一個孻仔伊斯拉希；伊斯拉希㧯厥四個孻仔 — 米迦勒、俄巴底亞、約珥、㧯伊示雅全部係家族个族長。

4佢等有盡多𡜵娘細姐㧯子女，所以佢等个後代有三萬六千做得相㓾个戰士。

5在以薩迦支族逐家个族譜總共登記八萬七千做得相㓾个戰士。

6便雅憫有三個孻仔 — 比拉、比結、耶疊。

7比拉有五個孻仔 — 以斯本、烏西、烏薛、耶利摩、以利。佢等全部係這宗族中个家族族長，也係勇敢个戰士。佢等个後代有兩萬兩千零三十四做得相㓾个戰士。

8比結有九個孻仔 — 細米拉、約阿施、以利以謝、以利約乃、暗利、耶利摩、亞比雅、亞拿突、亞拉篾。

9佢等个後代當中，照族譜所寫个，有兩萬零兩百做得相㓾个戰士。

10耶疊有一個孻仔比勒罕。比勒罕有七個孻仔 — 耶烏施、便雅憫、以忽、基拿拿、細坦、他施、亞希沙哈。

11佢等全部係這宗族中个家族族長，也係勇敢个戰士。佢等个後代有一萬七千兩百做得相㓾个戰士。

12書品㧯戶品也屬這支族。但有一個孻仔戶伸。

13拿弗他利有四個孻仔 — 雅薛、沽尼、耶色、沙龍。 (佢等全部係辟拉个後代。)

14瑪拿西个細姐 ( 亞蘭人) 為佢𫱔兩個孻仔 — 亞斯列㧯瑪吉。瑪吉𫱔基列。

15瑪吉為戶品㧯書品逐儕討一個𡜵娘。佢个老妹安到瑪迦。瑪吉个第二個孻仔係西羅非哈。西羅非哈只有幾個妹仔。

16瑪吉个𡜵娘瑪迦𫱔兩個孻仔；佢等將這兩個孻仔安到比利施㧯示利施。比利施有兩個孻仔 — 烏蘭㧯利金。

17烏蘭有一個孻仔安到比但。這兜全部係基列个後代；基列係瑪吉个孻仔，瑪拿西个孫仔。

18基列个老妹哈摩利吉有三個孻仔 — 伊施荷、亞比以謝、瑪拉。

19示米大有四個孻仔 — 亞現、示劍、利克希、阿尼安。

20以法蓮个後代照父系傳下來个有：書提拉、比列、他哈、以拉大、他哈、

21撒拔、書提拉。除了書提拉以外，以法蓮還有兩個孻仔 — 以謝㧯以利。佢兩儕因為去搶迦特人个頭牲，被人㓾死。

22佢等个阿爸以法蓮為佢等傷心盡久，佢个兄弟全部來安慰佢。

23後來佢又㧯佢个𡜵娘同房；厥𡜵娘就有身項，𫱔一個孻仔；以法蓮因為屋下識堵到災禍，就㧯這個孻仔安名比利亞。

24以法蓮有一個妹仔安到舍伊拉。舍伊拉起上伯‧和崙、下伯‧和崙㧯烏羨‧舍伊拉三座城。

25以法蓮另外有一個孻仔安到利法；利法个後代照父系傳下來个有：利悉、他拉、他罕、

26拉但、亞米忽、以利沙瑪、

27嫩、約書亞。

28佢等住个所在包含伯特利㧯附近个村莊，向東到拿蘭，向西到基色㧯附近个村莊，還有示劍㧯艾雅兩座城，㧯這兩座城附近个村莊。

29瑪拿西个後代控制伯‧善、他納、米吉多、多珥，㧯各城附近个村莊。以上全部係以色列个孻仔約瑟後代住个所在。

30下背係亞設个後代。亞設有四個孻仔 — 音拿、亦施瓦、亦施韋、比利亞，㧯一個妹仔西拉。

31比利亞有兩個孻仔 — 希別㧯瑪結。瑪結係比撒威城个開設人。

32希別有三個孻仔 — 雅弗勒、朔默、何坦，㧯一個妹仔書雅。

33雅弗勒也有三個孻仔 — 巴薩、賓哈、亞施法。

34厥老弟朔默有三個孻仔 — 羅迦、耶戶巴、亞蘭。

35厥老弟何坦有四個孻仔 — 瑣法、音拿、示利斯、亞抹。

36瑣法个後代有書亞、哈尼弗、書阿勒、比利、音拉、

37比悉、河得、珊瑪、施沙、益蘭、比拉。

38益帖个後代有耶孚尼、比斯巴、亞拉。

39烏拉个後代有亞拉、漢尼業、利寫。

40這兜全部係亞設个後代。佢等係家族个族長，勇敢个戰士，優秀个領袖。亞設个後代有兩萬六千做得相㓾个戰士。

← Chapter 6 Jump to: Chapter 8 →