1 Chronicles 9

Chinese Bible TNV 2012 (Traditional) (客語聖經 – 現代臺灣客語譯本，新舊約全書客語聖經 – 漢字版)

← Chapter 8 Jump to: Chapter 10 →

1所有以色列人全部照家譜登記在《以色列列王史》底背。猶大人因為犯罪受責罰，被人捉去巴比倫。

2最先倒轉自家个城市、住在自家土地个有以色列平民、祭司、利未人，㧯聖殿个工人。

3猶大、便雅憫、以法蓮，㧯瑪拿西支族个人住在耶路撒冷。

4猶大支族有六百九十個家族住在耶路撒冷。猶大个孻仔法勒斯个後代中有烏太做佢等个領袖。烏太係亞米忽个孻仔，暗利个孫仔；佢个祖先還有音利㧯巴尼。猶大个孻仔示羅个後代中有亞帥雅做佢等个領袖。亞帥雅係這家族个族長。猶大个孻仔謝拉个後代中有耶烏利做佢等个領袖。

7住在耶路撒冷个便雅憫族人个名記在下背：撒路係米書蘭个孻仔，何達威雅个孫仔，哈西努个曾孫。伊比尼雅係耶羅罕个孻仔。以拉係烏西个孻仔，米基利个孫仔。米書蘭係示法提雅个孻仔，流珥个孫仔，伊比尼雅个曾孫。

9便雅憫支族有九百五十六個家族住在耶路撒冷。以上所記个人全部係家族个族長。

10下背係住在耶路撒冷个祭司：耶大雅、耶何雅立、雅斤、聖殿總管亞撒利雅 ( 希勒家个孻仔 — 佢个祖先有米書蘭、撒督、米拉約、亞希突 )、亞大雅 ( 耶羅罕个孻仔 — 佢个祖先有巴施戶珥、瑪基雅 )、瑪賽 ( 亞第業个孻仔 — 佢个祖先有雅希細拉、米書蘭、米實利密、音麥 )。

13做家族族長个祭司共有一千七百六十儕；佢等全部盡會處理上帝聖殿个事務。

14下背係住在耶路撒冷个利未人：示瑪雅 ( 哈述个孻仔 — 佢个祖先有押利甘、哈沙比雅，屬米拉利宗族)、拔巴甲、黑勒施、迦拉、瑪探雅 ( 米迦个孻仔 — 佢个祖先有細基利、亞薩 )、俄巴底 ( 示瑪雅个孻仔 — 佢个祖先有迦拉、耶杜頓 )、比利家 ( 亞撒个孻仔，以利加拿个孫仔；佢住在尼陀法城个所在)。

17住在耶路撒冷个聖殿守衛記在下背：沙龍、亞谷、達們、亞希幔。沙龍係佢等个領袖。

18佢等這宗族个人在該期間常常安營在王門東片入口做守衛；佢等以前係利未營掌門个人。

19以比雅撒个孫仔，可利个孻仔沙龍，㧯佢个可拉族該兜兄弟，負責守衛聖帳篷个入口；佢等个祖先負責守衛上主个聖帳篷。

20以利亞撒个孻仔非尼哈識做過佢等个隊長。上主㧯佢共下。

21米施利米雅个孻仔撒迦利雅也係上主聖帳篷入口个守衛。

22總共有兩百十二儕被人選來看守入口个門。佢等係照自家所住个村莊登記在族譜底背。大衛㧯先見撒母耳將這責任交給佢等。

23佢等㧯佢等个後代繼續守衛上主聖殿个門 — 就係聖帳篷个門。

24有東門、西門、南門、北門，逐隻門有一個守衛長。

25這兜守衛㧯住在佢等村莊肚个親戚互相幫助，輪流守衛，七日輪一擺。

26四個守衛長全部係利未人，負最大个責任。佢等也負責掌上帝聖殿肚个房間㧯倉庫。

27佢等住在上帝聖殿周圍；因為佢等負責掌聖殿，逐日朝晨愛開聖殿个門。

28有兜利未人負責掌禮拜用个用品。逐擺用這兜用品个時，拿出去，放轉來，佢等全部愛點清楚。

29還有个利未人保管聖殿个其他東西㧯麵粉、酒、橄欖油、香、香料。

30總係負責合香料个工作係祭司个事。

31利未人可拉宗族沙龍个長子瑪他提雅負責準備愛焙个祭物。

32哥轄宗族个人負責準備逐擺安息日聖殿所需要个供餅。

33有兜利未家族个人負責聖殿个音樂。這兜家族个族長住在聖殿堘个房間；佢等毋使做其他工作，因為佢等日夜全部愛做音樂个事奉。

34以上所記个人，照族譜，全部係利未各家族个族長；佢等全部住在耶路撒冷。

35耶利開設基遍城，住在該位。佢个𡜵娘安到瑪迦；

36佢个長子安到亞伯頓。佢其他个孻仔係蘇珥、基士、巴力、尼珥、拿答、

37基多、亞希約、撒迦利雅、米基羅。

38米基羅係示米暗个阿爸。佢等个後代住在耶路撒冷，離佢等本宗族个其他家族無幾遠。

39尼珥𫱔基士；基士𫱔掃羅。掃羅有四個孻仔 — 約拿單、麥基‧舒亞、亞比拿達、伊施‧巴力。

40約拿單𫱔米力‧巴力；米力‧巴力𫱔米迦。

41米迦有四個孻仔 — 比敦、米勒、他利亞、亞哈斯。

42亞哈斯𫱔雅拉。雅拉有三個孻仔 — 亞拉篾、亞斯瑪威、心利。心利𫱔摩撒；

43摩撒𫱔比尼亞；比尼亞𫱔拉法；拉法𫱔以利亞薩；以利亞薩𫱔亞悉。

44亞悉有六個孻仔 — 亞斯利干、波基路、以實瑪利、示亞利雅、俄巴底雅、哈難。

← Chapter 8 Jump to: Chapter 10 →