Jonah 3

Chinese Bible TNV 2012 (Traditional) (客語聖經 – 現代臺灣客語譯本，新舊約全書客語聖經 – 漢字版)

← Chapter 2 Jump to: Chapter 4 →

1上主第二擺向約拿講話。

2佢講：「你去尼尼微該座大城，向該位个人宣佈𠊎吩咐你講个話。」

3約拿服從上主个命令，就去尼尼微。該係一座盡大个城，需要三日个時間正捩得透。

4約拿入城，行一日个路程，佢宣佈講：「再過四十日，尼尼微城就會受毀滅！」

5尼尼微城个人信上帝个話。所以佢等決定愛禁食；城肚所有个人，無論大細全部著麻衫表示悔改。

6尼尼微王一聽到這消息，就離開寶座，脫下王袍，著麻衫，坐在火灰當中。

7佢向尼尼微人發出通告，講：「這係王㧯佢个大臣公佈个命令：人、㧯頭牲、牛羊，全部不准食，也不准啉。

8人㧯頭牲全部愛著麻布。逐儕一定愛迫切向上帝祈禱，也愛離開壞行為，毋好做暴力个事。

9可能上帝會改變佢个心意，無繼續發譴，𠊎等就毋會滅亡！」

10上帝看到佢等所做个一切，看到佢等離開壞行為，佢就改變心意，無將佢以前宣佈个災難降給佢等。

← Chapter 2 Jump to: Chapter 4 →