Joshua 19

Chinese Bible TNV 2012 (Traditional) (客語聖經 – 現代臺灣客語譯本，新舊約全書客語聖經 – 漢字版)

← Chapter 18 Jump to: Chapter 20 →

1第二籤係分配給西緬支族該兜家族个土地。佢等个土地有兜透到猶大支族境內；

2有別是巴 (抑係安到示巴 )、摩拉大、

3哈薩‧書亞、巴拉、以森、

4伊利多拉、比土力、何珥瑪、

5洗革拉、伯‧瑪加博、哈薩‧蘇撒、

6伯‧利巴勿㧯沙魯險，總共十三座城，㧯附近个村莊。

7另外還有亞因、利門、以帖、亞珊四座城，㧯附近个村莊。

8這兜城鎮周圍所有个村莊，一直到南片个巴拉‧比珥 (就係拉瑪 )，全部包含在內。以上个土地係西緬支族該兜家族所分到个產業。

9因為猶大支族分配到个土地比所需要个較多，其中一部份就分給西緬支族。

10第三籤係分配給西布倫支族該兜家族个土地。佢等个土地透到撒立。

11西片个地界對撒立向西到瑪拉拉，接到大巴設㧯約念東片个河壩。

12東片个地界對撒立向東到吉斯綠‧他泊个邊界，再到大比拉，又上到雅非亞，

13對該位向東到迦特‧希弗㧯以特‧加汛，轉向臨門个尼亞。

14北片个地界對該位轉向哈拿頓，一直到伊弗他‧伊勒山壢。

15佢等个土地又包含加他、拿哈拉、伸崙、以大拉、伯利恆，總共十二座城，㧯附近个村莊。

16這兜城鎮㧯村莊全部係西布倫支族該兜家族所分到个產業。

17第四籤係分配給以薩迦支族該兜家族个土地。

18佢等个土地包含耶斯列、基蘇律、書念、

19哈弗連、示按、亞拿哈拉、

20拉璧、基善、亞別、

21利篾、隱‧干寧、隱‧哈大、㧯伯‧帕薛。

22佢等个地界透到他泊、沙哈洗瑪、伯‧示麥，一直到約旦河，總共十六座城，㧯附近个村莊。

23這兜城鎮㧯村莊全部係以薩迦支族該兜家族所分到个產業。

24第五籤係分配給亞設支族該兜家族个土地。

25佢等个土地包含黑甲、哈利、比田、押煞、

26亞拉米勒、亞末、㧯米沙勒。西片个地界透到迦密㧯希曷‧立納，

27轉向東片到伯‧大袞，接細步綸㧯伊弗他‧伊勒山壢，到北片个伯‧以墨㧯尼業，再向北到迦步勒、

28義伯崙、利合、哈們、加拿，一直到西頓大城。

29對這位轉向拉瑪，到堅固城泰爾，然後轉向何薩，一直到地中海。佢等个土地包含瑪黑拉、亞革悉、

30烏瑪、亞弗、利合，總共二十二座城，㧯附近个村莊。

31這兜城鎮㧯村莊全部係亞設支族該兜家族所分到个產業。

32第六籤係分配給拿弗他利支族該兜家族个土地。

33佢等个地界對希利弗到撒拿音个橡樹該位，又到亞大米‧尼吉㧯雅比聶，透到拉共，一直到約旦河。

34地界對這位轉向西片，到亞斯納‧他泊，又到戶割，南到西布倫，西到亞設，東到約旦河。

35堅固城有西丁、側耳、哈末、拉甲、基尼烈、

36亞大瑪、拉瑪、夏瑣、

37基低斯、以得來、隱‧夏瑣、

38以利穩、密大‧伊勒、和璉、伯‧亞納㧯伯‧示麥，總共十九座城，㧯附近个村莊。

39這兜城鎮㧯村莊全部係拿弗他利支族該兜家族所分到个產業。

40第七籤係分配給但支族該兜家族个土地。

41佢等个土地包含瑣拉、以實陶、伊珥‧示麥、

42沙拉賓、亞雅崙、伊提拉、

43以倫、亭拿、以革倫、

44伊利提基、基比頓、巴拉、

45伊胡得、比尼‧比拉、迦特‧臨門、

46美‧耶昆、拉昆、㧯約帕對面个土地。

47但支族个人失掉土地个時，佢等去打利善，將它攻下，㓾掉該位个人，佔領該城。佢等住在該位，用佢等祖先但个名，將利善个名改做但。

48這兜城鎮㧯村莊全部係但支族該兜家族所分到个產業。

49以色列人民將土地分好以後，佢等給嫩个孻仔約書亞一垤地，做佢个產業。

50佢等遵照上主个命令，將約書亞要求个城給佢，就係以法蓮山區个亭拿‧西拉。約書亞修建該城，住在該位。

51祭司以利亞撒、嫩个孻仔約書亞，㧯以色列各支族、各家族該兜領袖在示羅，在上主聖帳篷个門口抽籤，求問上主，分配以上這兜土地。恁樣，佢等完成分配土地个工作。

← Chapter 18 Jump to: Chapter 20 →