bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chinese
/
Chinese TTVH 2021 (現代台語譯本漢字版)
/
1 Kings 20
1 Kings 20
Chinese TTVH 2021 (現代台語譯本漢字版)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
1
敘利亞 王 便‧哈達 召集伊的全軍，有三十二個王及伊去，有馬，有戰車，上去圍攻 撒馬利亞 。
2
閣派使者入城去見 以色列 王 亞哈 ，對伊講：「 便‧哈達 按呢講：
3
『你的金銀攏著交互我，你許個某及子兒上媠的嘛攏是我的。』」
4
以色列 王應講：「我的主，我的王，照你的話，我及我所有的攏是你的。」
5
使者閣來講：「 便‧哈達 按呢講：『我已經有派人去給你講，愛你將你的金、銀、某、子兒，攏交互我。
6
明仔載此個時，我欲閣派我的人臣來你遮，抄你及你的人臣的厝，所有你合意的，𪜶攏欲提去。』」
7
以色列 王召集國內的長老，對𪜶講：「恁看，此個人刁持尋縫欲害我；伊有派人來我遮，欲愛我的某、子兒，及金銀，我攏無拒絕。」
8
長老及眾人民攏給王講：「聽伊，嘛毋通答應伊。」
9
所以王給 便‧哈達 的使者講：「恁給我的主我的王講：『你頭一遍派人對你的僕人要求的我會互你；毋拘此遍的要求我做𣍐到。』」使者就倒去回復。
10
便‧哈達 閣派人來，講：「 撒馬利亞 的土粉，若有夠互隨我的人逐個搣一把，願神明加倍責罰我。」
11
以色列 王應講：「恁給伊講：『抵仔穿戰甲的，毋通親像褪戰甲的誇口。』」
12
便‧哈達 及許個王佇布棚內飲酒，聽著諸個話，就給伊的人臣講：「排陣進攻！」𪜶就排陣攻城。
13
有一個先知來見 以色列 王 亞哈 ，講：「上主按呢講：『你有看著此大陣人無？看咧，今仔日我欲將𪜶交佇你的手，你就知我是上主。』」
14
亞哈 講：「欲派什麼人？」 伊應講：「上主按呢講：『用諸個省長的少年軍兵。』」 亞哈 講：「什麼人欲導頭進攻？」 伊應講：「就是你。」
15
亞哈 就點算省長的少年軍兵，有兩百三十二名；後來伊閣點算 以色列 的軍兵，共七千名。
16
日中晝，𪜶就出戰。 便‧哈達 及許個來幫贊伊的三十二個王，佇布棚內飲酒醉。
17
許個省長的少年軍兵做頭出去。 便‧哈達 派人去探查，𪜶回復講：「有人對 撒馬利亞 出來。」
18
伊講：「不管是出來欲講和，抑是欲交戰，攏給𪜶活活掠起來。」
19
許個省長的少年軍兵出城，軍兵隨𪜶；
20
逐個人刣死伊的對敵。 敘利亞 人逃走， 以色列 人趇𪜶。 敘利亞 王 便‧哈達 騎馬，及許個馬兵逃走。
21
以色列 王出城，攻擊許個戰車及戰馬，刣死真多 敘利亞 人。
22
彼個先知來見 以色列 王，對伊講：「你著加強軍力，欲做什麼著好好計劃；明年春天， 敘利亞 王會閣來攻擊你。」
23
敘利亞 王的人臣對伊講：「 以色列 人的上帝是山神，所以𪜶刣贏咱；毋拘若佇平原及𪜶交戰，咱一定會刣贏。
24
請你按呢做；解除許個王的職務，派省長代替𪜶。
25
閣照你損失的數目招募一隊軍兵，戰馬補戰馬，戰車補戰車。咱佇平原及𪜶交戰，穩當贏。」王就聽𪜶的建議去做。
26
隔年春天， 便‧哈達 點算 敘利亞 人，上去 亞弗 ，欲及 以色列 人交戰。
27
以色列 人嘛召集軍兵，準備軍糧，出去欲及𪜶交戰，佇𪜶的對面紮營。 以色列 人親像兩隊小群的山羊仔；毋拘 敘利亞 人遍滿地面。
28
有一個上帝重用的人來見 以色列 王，講：「上主按呢講：『因為 敘利亞 人講上主是山神，毋是平原的神，所以我欲將此大陣的人攏交佇你的手；恁就知我是上主。』」
29
以色列 人及 敘利亞 人相對紮營七日；到第七日，雙旁軍兵交戰。佇彼一日， 以色列 人刣死 敘利亞 人步兵十萬。
30
其他的軍兵逃走入去 亞弗 城；彼個城的城牆倒，硩死所賰的兩萬七千人。 便‧哈達 走入城，匿佇一間厝的密房。
31
伊的人臣給伊講：「阮聽講 以色列 家的王攏真仁慈；求你允准阮腰縖麻布，頷頸套索，出去投降 以色列 王；豈採伊會留你的性命。」
32
𪜶就腰縖麻布，頷頸套索，去見 以色列 王，講：「你的僕人 便‧哈達 講：『求你留我的性命。』」 亞哈 講：「伊猶活啲噢？伊是我的兄弟。」
33
許個人斟酌聽伊的口氣，連鞭順伊的話尾講：「是， 便‧哈達 是你的兄弟。」 亞哈 講：「恁去導伊來。」 便‧哈達 出來見王，王就請伊坐王的車。
34
便‧哈達 對 亞哈 講：「我的老父對你的老父搶來的城，我攏欲還你；閣你通佇 大馬士革 設商場，親像我的老父佇 撒馬利亞 設的仝款。」 亞哈 講：「我照此個約放你倒去。」 亞哈 就及伊定條約，放伊倒去。
35
有一個人，是先知的學生，奉上主的話給伊的同伴講：「拍我！」彼個人毋肯給伊拍。
36
伊就給伊的同伴講：「因為你毋聽上主的話，你一下離開我，會互獅咬死。」彼個人一下離開，果然抵著獅，互獅咬死。
37
伊閣抵著一個人，給伊講：「拍我！」彼個人就給伊拍，拍到著傷。
38
先知就將頭巾蓋到目睭，改裝，佇路裡聽候王。
39
王對遐經過的時，伊大聲對王講：「你的僕人出戰的時，有一個人掠一個俘虜來交我，講：『你著顧守此個人；伊若走去，你的性命著替伊的性命；若無，你著交出三十四公斤的銀。』
40
你的僕人無閒此項彼項的時，彼個俘虜續走去。」 以色列 王給伊講：「你的話已經給家己判罪啊。」
41
伊趕緊將蓋目睭的頭巾提掉； 以色列 王就認出伊是一個先知。
42
伊給王講：「上主按呢講：『因為你將我決定欲毀滅的人放互去，所以你的性命著替伊的性命，你的人民著替伊的人民受毀滅。』」
43
以色列 王就鬱卒無歡喜，倒去 撒馬利亞 伊的王宮。
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22