Esther 10

Chinese TTVR (現代台語譯本羅馬字版)

← Chapter 9 Jump to:

1A-hap-sûi-ló͘ -ông tùi kok-lāi kap iân-hái it-tài ê jîn-bîn siu sè-kim.

2I ēng koân-pèng lêng-le̍k só͘ chòe ê sū, í-ki̍p thê-poa̍t Boa̍t-tí-kái ê keng-kè, lóng kì-chài tī Bí-tí-a kap Pho-su ê Lia̍t-ông-sú.

3In-ūi Iû-thài -lâng Boa̍t-tí-kái chòe A-hap-sûi-ló͘ -ông ê cháiⁿ-siòng, tī Iû-thài -lâng ê tiong-kan chòe siōng tōa, tit-tio̍h i tông-pau ê chun-kèng, ūi-tio̍h i ê tông-pau cheng-chhú hok-lī, hō͘ in ê kiáⁿ-kiáⁿ-sun-sun tit-tio̍h hēng-hok.

← Chapter 9 Jump to: