1 John 1

Zande

Jump to: Chapter 2 →

1Gu naenge, gu gi ani, gu bi ani ni bangirani, gu ngana ani, berani ki zadi he, si tipa Pai nga ga unga.

2I ki yugu unga ani ki bi he, ki du ni adezirehe, ki pe pa unga fu roni, nga nyenye unga, gu nadu na Ba, i ki yugu he fu rani.

3Gu bi ani ki gi he, si ani ape pa ha fu roni a, oni zi ngbanya a na ani. Ii, gaani ngbanya du na Mbori nga Ba, na Wiriko nga Yesu Kristo.

4Ani nake agi apai re gaani ngbarago moi pai.

5Gi nga gu pai ani agi ngbako re, ki pe pa ha fu roni, ya Mbori nga imarago, bitimo rogo ko yo wa sa te.

6Ka ani ya ngbanya dagba rani na ko, ki nita kina rogo bitimo, ani gumba zire, ani amanga nga rengo te.

7Ono ka ani ata rogo imarago, wa du ko rogo imarago, ngbanya du adu dagba rani, kure Yesu nga Wiriko ki nigirisi rani ti ingapai dũ.

8Ka ani ya ingapai ti rani te, ani nangi tirani, rengo du nga ti rani te.

9Ka ani kusi gaani ingaapai, ko nga irarengo, du na rurupai, ko vu rani avu ti gaani ingaapai, ki girisi rani agirisa be irairaapai dũ.

10Ka ani ya ani ainga nga pai te, ani sa ko ni irazire, ka gako pai dũ nga ti rani a ya.

Jump to: Chapter 2 →

Recommended Reading

Commentary 1 John Commentaries → Devotional 1 John Devotional Guide → Get This Bible Zande Study Bible →