1 John 2

Zande

← Chapter 1 Jump to: Chapter 3 →

1Gi rukutu agude, mi nake agi apai fu roni re, oni ka inga pai. Ka boro ingi pai, Azarõ be rani yo du Mbori ni nga Ba nga Yesu Kristo, nga ruru boro.

2Ko nga motumo gaani ingaapai; tipa gaani sa te, tipa zegino a dunduko.

3Ka ani ka kuti gako rugute si ka ani ini ti ni ya ani ini ko

4Gu ni ka ya. “Mi ini ko,” ka ni aka nga kuti gako rugute ya, irazire nga ni, rengo du nga ti ni te.

5Ono gu ni ka kuti gako pai, ga Mbori nyemuse ti ni nzunzu ni rengo. Si ani ini ti ni ya ari rogo ko yo.

6Gu ni ka ya ni nye rogo ko yo ni ka ata ni tini, a wa ko anata tigako.

7Abadiangba, vovo rugute mi ake fu roni te, kina gu kuru he nadu be roni ho pai aenge ni: kuru rugute nga gu pai oni agi.

8Berewe, vovo rugute ke mi fu roni, nga gu pai dũ ni rengo kpotoko yo ki du kpotoroni yo; bambiko bitimo nasusa asusa, ndikidi imarago aima diga nihasi rago.

9Gu ni ka aya, ni rogo imarago, nisogo wirinani, ni nidu kina rogo bitimo ku awere.

10Gu ni ka nyemu wirinani du ti ni ni nye anye rogo imarago, nzingiri pai dũ nga kpotoni yo te.

11Ono gu ni ka asoga wirinani ni du rogo bitimo, ki ta rogo bitimo, ni aina nga ho ni andu ku ho ni te, bambiko bitimo nivurasi bangirini.

12Mi nake pai fu roni, gi rukutu agude, bambiko i vu roni ti gaoni ingaapai mbiko rimoko.

13Mi nake pai fu roni, aba, bambiko oni ini gu ko nadu ho mbata rago nikaenga. Mi nake pai fu roni, aparanga, bambiko oni di be gbegberẽ ko. Mi ke pai fu roni, rukutu agude, bambiko oni ini Mbori nga Ba.

14Mi ke pai fu roni, aba, bambiko oni ini gu ko nadu ho mbata rago nikaenga. Mi ke pai fu roni, aparanga, bambiko oni nyanyaki, ga Mbori pai nye kpotoroni yo, oni ki di be gbegberẽ ko.

15Ka nyemu zegino du nga ti roni ya, na agu ahe du zegino. Ka nyemu zegino du ti boro, ga Mbori nga Ba nyemuse du nga ti ni te.

16Bambiko agu ahe dunduko du zegino, gu nyemuhe nga ga borose, na gu nyemuhe nga ga bangirise, na gu úmosangi enda nga ga unga, adu nga ni ga Mbori nga Ba ya, du ni kina ga zegino.

17Zegino napaya apaya, na gaha nyemuhe: ono gu ni ka amanga gu pai Mbori akpi nyemu he ni nye anye kindi.

18Rukutu agude, yangara saa du, wa oni agi he ya vurakristo naye, kina awere dungu avurakristo kuru, si ini ani ti ni ya yangara saa du.

19I aguari aguari pati rani, ono i adu nga ni gaani yo te; bambiko ka i adu ni gaani yo, ka i anye anye na ani. Ono i aguari aguari, i yugu he ya wo du yo ni gaani yo dunduko te.

20Ziazia ko mbedi roni, oni ki ini ahe dunduko.

21Mi ake nga pai fu roni bambiko wa oni aina nga rengo ya te, kina bambiko oni ini he, na bambiko zire ho sa nga ga rengo te.

22Da nga irazire fuo kina gu ni nati kangu ya Yesu nga Kristo te? Gi ni nga vurakristo re, nga gu ni nati kangu Mbori nga Ba na Wiriko.

23Gu ni nati kangu Wiri ni adu nga Ba ti ni ya: gu ni ka kusi pa Wiri ni ka Ba du ti ni a.

24Oni tigaoni, gu pai nye anye kpotoroni yo oni agi ho pai aenge ni. Ka gu pai nye kpotoroni yo oni agi ho pai aenge ni, oni anye anye a rogo Wiri yo na rogo Ba yo.

25Gi nga gu kidohe ko akido rani tipa ha re, nga nyenye unga.

26Ke mi agi apai fu roni re tipa agu yo nakpi nyemu ingisa roni.

27Oni tigaoni, gu mbeda roni ko ambedi roni na ni si nye kpotoroni yo, ka zingo boro amanga nga roni ni yugu pai fu roni ya; ono wa gako mbeda nayugo pa ahe dunduko fu roni, du ni rengo, adu nga ni zire ya, wa si yugu he fu roni, kina wo nyé oni rogo ko yo.

28Were, gi rukutu agude, oni nyé rogo ko yo. Ho ko ka yugo tiko ni, ani adú zukazuka, ka zee amánga nga rani barangba ko rago ye ko ya.

29Ka oni ini ya ko du ni ruru ko, oni ini ya agu yo namanga rurupai a, gako vungu du.

← Chapter 1 Jump to: Chapter 3 →