2 Timothy 2

Zande

← Chapter 1 Jump to: Chapter 3 →

1Were mo tigamo, wire, mo nyakasi tiro rogo gu undahe du rogo Kristo Yesu yo.

2Agu apai mo agi ngbare na dagba dungu adezire a re, mo fú kina ha fu kangara aboro, ka rengbe na yugo pai fu akura yo a.

3Mo hí pai ahi gbe tigamo, wa ga Kristo Yesu wene banzengere.

4A nga banzengere navoda tini na pa gi unga re ho du ni ni ti ngba vura wa sa te; ni ngba bangiri gu ni nasia ni ni du ni banzengere.

5Si ngia boro asadi ka susa ti mbaro, i afu nga kpakpari fu ni te, kina gu ka ni asadi he sangba rugute yo.

6Gu babandaati namanga sunge he ni ka du ni bambata ni ka dia zuzuhe.

7Mo bérẽ pa gu pai gumba mi; bambiko Gbia afu rugatinapai foro rogo apai yo du.

8Mo tíngidi pa Yesu Kristo, ngbatunga Dawidi, nazingi be kpio, ku sangba gi wene pangbanga yo;

9rogo ho mi nahi pai ahi gbe sa azogbo wa bamangi gbegberẽpai. Ono i avoda nga ga Mbori pai te.

10Were mi naru nyanyaki fu apai dunduko tipa siasia yo, i bi bata tigayo rogo Kristo Yesu yo a na nyenye taarimo.

11Rengo nga gi pai re; Bambiko ka ani kpi na ko, ani adú ni ungarani a na ko;

12ka ani ru fu pai, ani azóga rago a na ko; ka ani oro rimoko, ko aóra rimorani a;

13ka ani zanga idapase, ko anyé ni kangara ko ― ka ko oro nga rimoko tigako te.

14Mo tíngidi agi apai fu yo re, nirugu yo ku bangiri Gbia, ya ka i ti nga kangu dagba yo yo mbiko afugo ya. Si asonosa nga pai te fu agu yo nagia ha.

15Mo ké na mbakada pa tiro bangiri Mbori, ko idi pa ro wa gu mangisunge adu nga na zee ya, niyugu ga rengo pai nzunzu.

16Ono mo né kungba fura bau; bambiko si andu ki susi sa zangasinombori.

17Pa agu aboro re arita he wa kere oro. Umenaio na Fireto du dagba yo;

18nga agu akumba naingi ti rengo, niya zingabekpio aima susa, ki niba ga agu yo idapase ku sa yo.

19Ono gu nyanyaki mburupai nga ga Mbori naru kindi, ni gi dezire re nga, “Gbia ini agu yo nga gako yo,” “Agu yo nayamba rimo Gbia i gúari pati ingapai dunduko.”

20Were rogo bakere bambu a nga aũsunge ni kina dahabu na feda sa te, ono ga ngua na pere a; gu sa irisa, kura ha sa irisa te.

21Ka boro girisi tini be agi apai re tie, ni adu ni úsunge sa irisa, ni ziazia ni, rengbe na ga bairani sunge, ni mbakadimbakadi tini sa wene mangaapai dũ.

22Mo óro be ga paranga gbegberẽ nyemuahe, ki peke fuo rurupai, idapase, nyemuse na zereda na agu yo nayamba rimo Gbia rogo gigiri ngbaduse yo.

23Ono mumungo sakapai nazanga inahe mo né he, niini ya si nakusa kpata.

24Ka ga Gbia moyambu tá nga kpata ya, ono ni du ni bayee ni fu aboro du, rengbe na yugo pai, ni hipai,

25ni rugu agu yo nati kangu ni zera; si ngia Mbori afú saberã fu yo sa ina rengo.

26I ki batasi tiyo be ga bakitingbanga gbina, wa du yo ni zizi yo be ko ni gako amoyambu ka manga agu apai ko akpi nyemu he.

← Chapter 1 Jump to: Chapter 3 →

Recommended Reading

Commentary 2 Timothy Commentaries → Devotional 2 Timothy Devotional Guide → Get This Bible Zande Study Bible →