2 Timothy 4

Zande

← Chapter 3 Jump to:

1Mi naruga ro ku bangiri Mbori, na Kristo Yesu a, nga gu ko nikasapa ngbanga unga aboro na kangba aboro a, na mbiko pa yugo ko tiko na gako ngbi;

2mo nitungusi pai; mo ké na ni, ho du ragoho ni na ho adu nga ragoho ni ya, mo yúgu gopai, ki nirugu yo, nizungadi yo, ni gbanga hipai na yugopai dunduko.

3Bambiko ragoho nikada ho i ka aida nga pa ziazia yugopai ni ya; ono wa du tuyo ni kperengekperenge he i adungura abayugupai tigayo ku sangba gayo nyemuhe yo.

4I asá tuyo ti rengo, ki nidege tuyo sa kungba gumbagumba apai.

5Ono mo dú na rugatise rogo apai dunduko, ki nihi pai ahi gbe, mo mángi sunge batungusipai, mo dígisi ga mangaapai.

6Bambiko i nikatumo na mi awere, rago gi gate da.

7Mi so gu vura nga wene he, mi digisi gi sunge, mi ka kuti idapase;

8si du moi yo kpakpari rurupai ti ni fere, nga gu Gbia nga ruru basapungbanga ka fu he fere ni gu rago re; fu kina re sa te, ono fu agu yo dunduko nakpi nyemu yugo ko tiko.

9Mo ípisi tiro ka ye kono du mi ni mbembedi.

10Bambiko Dema aguari pati re, nikpi nyemu gi zegino re, ki nindu ku Tesaronika yo, Kuresekene ku Garatia yo, Tito ku Darumatia yo.

11Kina Ruka du na mi. Mo di Marako ki ye na ko, bambiko ko rengbe na unda re na gi sunge.

12Ono mi akedi Tukiko ku Efesa yo.

13Gu gbanga roko mi ahe he Turoa yo be Karupo mo yé na ni ho mo ka ye ni, na akitabu, na kpewaraga susi.

14Aresanduro, batamarã atara amangi re ni gbegberẽpai gbe. Gbia afú mosoro fu ko rengbe na gako mangapai.

15Mo bánda tiro be ko a; bambiko ko azadi pa ti kangu gaani apai gbe.

16Rago gi bambata sapangbanga a nga boro sa nadu fere te, i aguari pati re dunduko. Ka i gédi nga ha kuti yo ya.

17Ono Gbia naru pati re ki nyakasi re; ya mi taki pande tungusapai sirisiri, aGendiria gi he dunduko. I abatasi re be ngba bahũ.

18Gbia akusa re be gbegberẽ mangapai dũ, ki batasi re sa gako ngbi du ngbangbaturũ yo: taarimo dú fu ko nye anye kindi. Amina.

19Mi sanango Puriseka na Akuira, na ga Onesiforo aborokporo.

20Eraseto anye Korinda yo, ono mi ahe Turofimo Mireto yo na kaza.

21Mo ípisi tiro ka ye mbata fu na Rina a Kuraudia, na awirina dunduko, rago zere. Euburo sanango ro, na Pudendo,

22Gbia dú na tororo. Undahe dú foro.

← Chapter 3 Jump to:

Recommended Reading

Commentary 2 Timothy Commentaries → Devotional 2 Timothy Devotional Guide → Get This Bible Zande Study Bible →