Ezra 5

Zande

← Chapter 4 Jump to: Chapter 6 →

1Agu anebi nangia Agai, na Zekaraya wiri Ido, ki gumba pai wa nebi fu agu aYudo nadu Yuda yo na Yerusarema yo. I agumba pai fu yo ti rimo gu Mbori nga ga Y isaraere ko du ku ri yo

2Zerubabera ki guari nangia wiri Saratiere, na Yesua wiri Yozadaka, i ki tona bungia ga Mbori bambu berewe nadu Yerusarema yo. Ga Mbori anebi ki du na yo, ki niunda yo.

3Ti gu rago re Tatenai ki ye fuo yo, nangia baira abazogo ku mbiti di no, na Setara-bozenai, na akura yo, i ki gumba pai fu yo wa gere, ki ya, “Da naidi he fu roni oni dua gi bambu re, ki nyasi ngapa a?”

4I ki gumba pai fu yo wa gere, niya, “Rimo agu aboro nadua gi bambu re nga ada?”

5Ono bangiri gayo Mbori adu koyo du ga aYudo abaakumba ni, ka i aza nga yo i mbu he ya, daho pa ha ka da ni ku barangba Darayawesa, karagapai ki ye ni keke he tipa ha.

6Gere nga kpia gu waraga Tatenai nangia baira abazogo ku mbiti di no akedi he fu Darayawesa nangia bakindo, ko na Setarabozenai, na akurako nangia aAfarusateko nadu ku mbiti di no.

7I ki kedi waraga fu ko, nga gu nadu ni keke he wa gere, niya. “Kinaku zereda du fu Darayawesa nga bakindo.

8Bakindo ini he ya, ani aye ku ringara Yuda no, kono du ga bakere Mbori bambu ni, nga gu i nadua ha na kikindigi ambia, i moi ngua ti ngapaha; gi sunge re nandu ku mbata yo ni ngará nimoi pai beyo.

9Ani ki sana agu abaakumba re, ki ya fu yo wẽ, ‘Da naidi he fu roni oni dua gi bambu re, ki nyasi ngapa?’

10Ani asana yo tipa rimoyo a, ka yugo ho foro, ka ke rimo agu akumba nga gayo abarumbatayo.

11I ki karaga pai fu rani wa gere, ki ya, ‘Ani nga ga Mbori amoyambu nga ga ngbangbaturũ ko na ga kpotosende a. Ani nabungia gi bambu re nga gu i adua ha mbata du ho tipa dungu agarã ku sa yo, nga gu gu bakere bakindo aYisaraere adua ha ki nyasi he.

12Ono fuo ho abarani azingisi Mbori nga ga ngbangbaturũ ko ko zingi: Ko ki fu yo ku be Nebukadenesara nangia bakindo aBabero, boro Kasoda, nangia gu ko nagbarasi gi bambu re, ki ga na aboro ku Babera yo.

13Ono ti gu bambata gará nangia ga Kurese bakindo aBabero, Kurese afu ndika i bungia gi bambu Mbori re berewe.

14Agu aúsunge du ni dahabu na ni feda a, nga ga ga Mbori bambu, nga gu Nebukadenesara arogo ho rogo gu yekaru naadu Yerusarema yo, ki ga na ni ku rogo gu yekaru naadu Babera yo, Kurese akusi agi ahe re yekaru yo Babera yo. I ki fu he fu gu ko rimoko angia Sesebasara nangia gu ko ko asa ko ni baira abazogo.

15Ko ki ya fu ko, “Mo rogo agi aúsunge re, mo ndu na ni ki moi ne ku rogo gu yekaru du Yerusarema yo, i bungia ga Mbori bambu ku baha berewe.”

16Gi Sesebasara re ki ye, ki moi mburu ga Mbori bambu nadu Yerusarema yo. Tona ti gu rago re ki da ku awere i nadua ha, ono si ata nyasa nga te.’

17Awere, ka si ngba ti bakindo, i gbata pai rogo ga baidndo bambu iga kikiipaahe tie du Babera yo, si ngia si adu wo, ya Kurese nangia bakindo afu ndika tipa bungia gi bambu Mbori re berewe ku Yerusarema no. Bakindo ki kedi pai fu rani a wa si angba ti ko.”

← Chapter 4 Jump to: Chapter 6 →