Psalms 15

Amharic 2000 (የአማርኛ መጽሐፍ ቅዱስ (ሰማንያ አሃዱ))

← Chapter 14 Jump to: Chapter 16 →

1አቤቱ፥ በአንተ ታምኛለሁና ጠብቀኝ።

2እግዚአብሔርን አልሁት፥ “አንተ ጌታዬ ነህ፤ በጎነቴን አትሻትምና።

3ፈቃድህ ሁሉ በምድር ባሉት ቅዱሳን ላይ ተገለጠ።

4ደዌያቸው በዛ፤ ከዚያም በኋላ ተፋጠኑ፤ በደም ማኅበራቸው አልተባበርም። ስማቸውንም በአፌ አልጠራም።

5እግዚአብሔር የርስቴ ዕድል ፋንታና ጽዋዬ ነው፥ ርስቴን የምትመልስ አንተ ነህ።

6ይይዙኝ ዘንድ ገመድ ጣሉብኝ፥ ርስቴ ግን ተያዘልኝ።”

7እንዳስተውል ያደረገኝን እግዚአብሔርን አመሰግነዋለሁ፤ ደግሞም በሌሊት ኵላሊቶች ይገሥጹኛል።

8ሁልጊዜ እግዚአብሔርን በፊቴ አየዋለሁ፤ እንዳልታወክ በቀኜ ነውና።

9ስለዚህ ልቤን ደስ አለው፥ ምላሴም ሐሤት አደረገ፤ ሥጋዬ ደግሞ በተስፋው ያድራል፤

10ነፍሴን በሲኦል አትተዋትምና፥ ጻድቅህንም መበስበስን ያይ ዘንድ አትተወውም።

11የሕይወትን መንገድ አሳየኸኝ፤ ከፊትህ ጋር ደስታን አጠገብኸኝ፥ በቀኝህም የዘለዓለም ፍስሓ አለ።

← Chapter 14 Jump to: Chapter 16 →