2 Chronicles 3

Amharic Dawro DFBE (ጌሻ ማጻፋ) No Year

← Chapter 2 Jump to: Chapter 4 →

1ሶሎሞነ አዉ ዳዊተ መና ጎዳ ጌሻ ጎል ኬጸታና ሳኣ ሞርያ ግያ ደርያን የሩሳላመን ጊግስ ዎዳ። ሄ ሳአይ መና ጎዳይ ዳዊታዉ ባረና በሴዳ፥ ያቡስያ ኦርና ኡዱማ።

2ሶሎሞነ ባረ ካተቴዳ ኦይደን ላይን፥ ላኤን አግናን፥ ላኤን ጋላሳን ጌሻ ጎልያ ኬጻናዉ ዶሜዳ።

3ሶሎሞነ ጾሳ ጌሻ ጎልያ ኬጻናዉ ባሴዳ ባሱዋ ጌሳይ ኡሱፑን ታሙ ዋ፤ ጎምፓይ ላታሙ ዋ።

4ጌሻ ጎልያ ገልያ ሳኣን ደእያ ባራንዳ ጎምፓይ ጌሻ ጎልያ ጎምፓካ ኬሻ ላታሙ ዋ፤ ጌሳይ ላታሙ ዋ። አ ግዱዋ ጌሻ ዎርቃን ሼሼዳ። 3:4 ላታሙ ዋ: እብራዌ እት ጼታነ ላታሙ ዋ ጌ።

5ዉይገ አዳራሽያ ጽድያ ጻላላን ልቅ ካሜዳ፤ ሙሩታ ዎርቃን ሼሼዳ፤ ያቲደ ዛምባ ምስልያንነ ሳንሳላታን አሌቂሴዳ።

6ጌሻ ጎልያ አልኦ ሹቻን አሌቂሴ፤ እ አሌቂሴዳ ዎርቃይ ፓርዋይማ ጋድያፐ ዬዳ ዎርቃ።

7ማረቱዋ፥ ግምበቱዋ፥ ቆስለንነ ፐንገቱዋ ዎርቃን ሼሼዳ፤ ቃይ ጎዳ ቦላ ክሩበቱዋ ምስልያ ማሴዳ።

8ሶሎሞነ ኡባፐ አያ ጌሻ ሳኣ ኬጼዳ። ሄ ሳኣ ጌሳይ ጌሻ ጎልያ ጎምፓዳን ላታሙ ዋ፤ ጎምፓይ ላታሙ ዋ። ሄ ሳኣ ጎዳ ላታሙ ሻአ ኪሎ ግራመ ጻልታ ዎርቃን ሼሼዳ።

9ኡንቱንቱ ጎኤቴዳ ምስማሪ እቼሹ ጼታነ ላፑን ታሙ ግራመ ዎርቃፐ መቴዳ። ፖቅያን ደእያ ክፍለቱዋካ ዎርቃን ሼሼዳ።

10ሶሎሞነ ኡባፐ አያ ጌሻ ሳኣን ላኡ ክሩበቱዋ ምስለቱዋ ማስ ጊግሲደ፥ ዎርቃን ሼሼዳ።

11ሄ ክሩበቱዋ ቀፊ ምጨቴዳ፥ ላታሙ ዋ፤ ኮይሮ ክሩብያዉ ኮይሮ ቀፊ እቼሹ ዋ ግዲደ፥ ጌሻ ጎልያ ጎዳ ቦቼ፤ ላኤን ቀፊካ እቼሹ ዋ ግዲደ፥ ሀራ ክሩብያ ቀፍያ ቦቼ።

12ላኤን ክሩብያዉ ኮይሮ ቀፊ እቼሹ ዋ ግዲደ፥ ጌሻ ጎልያ ጎዳ ቦቼ፤ ላኤን ቀፊካ እቼሹ ዋ ግዲደ፥ ኮይሮ ክሩብያ ቀፍያ ቦቼ።

13ሀ ላኡ ክሩበቱዋ ቀፊ ምጨቴዳ፥ ላታሙ ዋ ግዴዳ፤ ኡንቱንቱ ባረንቱ ዴሙዋ ጌሻ ሳኣኮ ዛሪደ፥ ባረንቱ ገድያን ኤቄድኖ።

14ሶሎሞነ ሳሉዋ ማላትያ ማዩዋፐ፥ ኦቻ ቴራ ማላትያ ማዩዋፐ፥ ዞኦ ማዩዋፐነ ሱፍያ ቃጭናፐ ዳደቴዳ ማዩዋፐ ጋርዱዋ ኦደ፥ አ ቦላ ክሩበቱዋ ምስለቱዋ መዳ።

15ሶሎሞነ ጌሻ ጎልያ ስንን እቱዋ እቱዋ ጌሳይ ሀታማነ እቼሹ ዋ አዱቂያ ላኡ ቱሳቱዋ መሴዳ፥ ኡንቱንቱ ሁጲያን እቼሹ ዋ ጉምቡዋ ዎዳ።

16ቃይ ሳንሳላታ ግትያዳን መሴዳ፥ ቱሳቱዋ ሁጲያን ዎዳ፤ ያቲደ ሮማነ ጌተትያ ቴራ ምስለቱዋ ጼታቱዋ መሴዳ፥ ሳንሳላታ ቦላ ዎዳ።

17ቱሳቱዋፐ እቱዋ ጌሻ ጎልያ ስንን ኡሸቻ ባጋና፥ ላኤንዋ ቃይ ሀድርሳ ባጋና ኤሴዳ። ኡሸቻ ባጋና ደእያ ቱሳ ያኪና ሱንዳ፤ ሀድርሳ ባጋና ደእያ ቱሳ ቦኤዛ ሱንዳ።

← Chapter 2 Jump to: Chapter 4 →