Job 35

Amharic Dawro DFBE (ጌሻ ማጻፋ) No Year

← Chapter 34 Jump to: Chapter 36 →

1ኤልሁ ቃይካ ሀዋዳን ያጌዳ፤

2“ኢዮባ፥ ኔን፥ ‘ታን ጾሳ ስንን ጽሉዋ’ ግያዌ ልኬ?

3ቃይ፥ ‘ታን ናጋራ ኦፐ፥ ኔና አይ ቆሀይታ? ናጋራ ኦናን አጎፐ፥ ታን ጎኤትያዌ አዬ?’ ያጋደ ኔን ጾሳ ኦቻዳ።

4ታን ነዉነ ኔናና ነ ላገቶ ዛሩዋ ሃሳያና።

5“ቁ ጋደ ሳሎቱዋ ጼላ፤ ኔፐ ቦላና ደእያ ሻረቱዋካ አነ አኬካደ በአ።

6ኔን ናጋራ ኦፐ፥ ሄዌ ጾሳ አይነ ቆሄና። ነ ባይዙ ዳሮፐካ፥ ኔን ጾሳ አይነ ኦካ።

7ጽሉዋ ግዶፐ፥ አዉ ኔን አያ እማይ? ዎይ ነ ኩሽያፐ እ አያ አካኔ?

8ኔን ናጋራ ኦፐ፥ ነ ማላ አሳ ቆሃሳ፤ ቃይ ጽሎፐካ፥ አሳ ጎኣሳ።

9“ኡቁናይ ዳሮፐ አሳይ ዋሴ፤ ዎልቃማቱዋ ኩሽያፐ ከስ አካናዉ አሉዋ ጼጌ።

10ሽን ኦንነ፥ ‘ጾሳይ፥ ታና መዳዌ፥ ቃማን ማዛሙርያ እሜዳዌ፥ ሳኣ ዶአቱዋፐ አደ፥ ኑና ታማርስያዌነ ሳሉዋ ካፎቱዋፐ አዳ ኤራንቻ ኑና ኦያዌ ሀቃን ደኢ?’ ያገና።

12ኢታ አሳቱ ዋሲኖ፤ ሽን ጾሳይ ኡንቱንቱ ኦቶሩዋ ጋሱዋን፥ ኡንቱንቶ አለና።

13ሀዳ ዋሱዋ ጾሳይ ቱሙዋፐ ስሰና፤ ኡባ ዳንዳይያ ጾሳይ ሄዋ ሀይዘና።

14“ኢዮባ፥ ኔን፥ ‘ታን ጾሳ በአናዉ ዳንዳይከ፤ ታ ሞቱ አ ስንን ደኤ፤ ታን አ ናጋይ’ ያጋሳ። ያትና፥ ነዉ እ ዛሩዋ እማናዉ፥ ነ ጋሱ አይ ኬሻ ጉጻንዴሻ!

15ጾሳይ አሳ ሙረናባነ ናጋራካ ሸነኮ ጊደ አግ አግያዋ ጋደ ቆፓይ?

16ሄዋ ግዶፐ፥ ኔን ነ ዶና ጮ መላ ዶያሳ፤ ኤራይ ባይና ሃሳያ ዳርሳሳ” ያጌዳ።

← Chapter 34 Jump to: Chapter 36 →