Numbers 1

Amharic Dawro DFBE (ጌሻ ማጻፋ) No Year

Jump to: Chapter 2 →

1ሲና መላ ቢታ፥ መና ጎዳ ዱንካንያ ግዶን፥ እስራኤልያ አሳይ ግብጼ ጋድያፐ ከሴዳ ላኤን ላይን፥ ላኤን አግናን፥ ሄ አግናዉ ኮይሮ ጋላሳን፥ መና ጎዳይ ሙሳ ሀዋዳን ያጌዳ፤

2“እስራኤልያ አሳ ኡባ ኡንቱንቱ ያራን ያራንነ ጎልያን ጎልያን ፓይዳደ፥ አቱማ አሳ ኡንቱንቱ ሱንን ሱንን ጻፋ።

3ኔንነ አሮን የለቶደፐ ላታሙ ላይነ ሄዋፐ ቦላና ደእያ እስራኤላቱዋ፥ ኦላ ባናዉ ዳንዳይያዋንታ ኡባቱዋ፥ ኡንቱንቱ ጭታን ጭታን ፓይድተ።

4ዛርያፐ ዛርያፐ እት እት አሳይ ባረ ጎልያ አሳዉ ካፑዋ ግዲደ፥ ህንተና ማዶ።

5ህንተና ማዳና አሳቱ ሱንይ ሀዋፐ ካሊደ ደእያዋ: ዛርያ ጎልያ አሳ ካፑዋ ሮቤላ ሻደኡራ ናኣ ኤሊጹራ፥

6ስሞና ጹሪሻዳያ ናኣ ሻሉምኤላ፥

7ይሁዳ አምናዳባ ናኣ ናአሶና፥

8ይሳኮራ ጹኣራ ናኣ ናታንኤላ፥

9ዛብሎና ሄሎና ናኣ ኤልኣባ፥

10ዮሴፎ ናናፐ ኤፍሬማ አምሁዳ ናኣ ኤልሻማአ፥ ምናሰ ፓዳጹራ ናኣ ጋማልኤላ፥

11ቢንያማ ጊድኦና ናኣ አብዳና፥

12ዳና አምሻዳያ ናኣ አህኤዘራ፥

13አሴራ ኦክራና ናኣ ፓግኤላ፥

14ጋዳ ዳኡኤላ ናኣ ኤልያሳፋ፥

15ንፍታሌማ ኤናና ናኣ አህራአ፤

16ሀ አሳቱ ባረንቱ አዎቱዋ ጎልያ አሳቱዋፐ ካለናዉ፥ ዶረቴዳዋንታ፤ ኡንቱንቱ እስራኤልያ ያራቶ ካፓቱዋ” ያጌዳ።

17ሙሴነ አሮን ሱንይ ጼሰቴዳ ሀ አሳቱዋ አፌድኖ።

18ላኤን አግናን ኮይሮ ጋላስ ኩመን ማባራ ጼሲደ፥ እትፐ ሺሼድኖ። አሳይ ባረ ያራን ያራንነ ባረ ጎልያን ጎልያን ኦዲደ፥ የለቶደፐ ላታሙ ላይነ ሄዋፐ ቦላና ደእያ አቱማ አሳቱዋ ኡባ ሱንይ ኡባና ጻፈቴዳ።

19መና ጎዳይ አ አዛዜዳዋዳን፥ ሙሴ ኡንቱንታ ሲና መላ ቢታን ፓይዴዳ።

20ኦላዉ ባናዉ ዳንዳይያ አቱማ አሳቱ ኡባይ፥ ላታሙ ላይነ ሄዋፐ ቦላና ደእያዋንቱ ፓይደቲደ፥ ሁጲያን ሁጲያን ጻፈቴድኖ። ኡንቱንቱ ባረንቱ ያራን ያራንነ ባረንቱ ጎልያን ጎልያን ሻከቲደ፥ ሀዋፐ ካሊደ ደእያ ፓይዱዋን ማዝጎበቴድኖ። ዛርያ ኦላንቻቱዋ ፓይዱዋ፤ ሮቤላ (እስራኤልያ ናኣ ባይራ) 46,500

22ስሞና 59,300፤

24ጋዳ 45,650፤

26ይሁዳ 74,600፤

28ይሳኮራ 54,400፤

30ዛብሎና 57,400፤

32ዮሴፎ ናኣ ኤፍሬማ 40,500፤

34ዮሴፎ ናኣ ምናሳ 32,200፤

36ቢንያማ 35,400፤

38ዳና 62,700፤

40አሴራ 41,500፤

42ንፍታሌማ 53,400፤

44ሙሴ፥ አሮንነ ታማነ ላኡ እስራኤልያ ዛራቱ ካፓቱ ፓይዴዳ አሳይ ሀዋ።

45ኦላዉ ባናዉ ዳንዳይያ አቱማ አሳቱ ኡባይ ላታሙ ላይነ ሄዋፐ ቦላና ደእያዋንቱ ባረንቱ አዉዋ ጎልያን ጎልያን ፓይደቴድኖ።

46ሄዋንቱ ኡባና 603,550.

47ሽን ሌዊያ ዛራቱ ሀ ፓይደቴዳ አሳና ፓይደትበይክኖ።

48አያዉ ጎፐ፥ መና ጎዳይ ሙሳ ሀዋዳን ያጌዳ፤

49“ሌዊያ ዛራቱዋ ፓይዶፓ፤ ኡንቱንታ አቴዳ እስራኤላቱዋ ፓይዱዋን የጎፓ።

50ሌዋቱዋ ጾሳ ዱንካንያ ቦላንነ አ ግዶን ደእያ ሚሻቱዋ ኡባ ቦላን ካፑዋ ኦደ ሱን። ኡንቱንቱ ሄ ዱንካንያነ አ ግዶን ደእያ ሚሻቱዋ ቶክኖ፤ ኡንቱንቱ አ ግዶን ኦኖነ አ ዩሹዋን ዱንካንኖ።

51ጾሳ ዱንካኒ ሾደትያ ዎደ ሌዋቱ ሾድኖ፤ ጾሳ ዱንካኒ ኤቂያ ዎደካ ሌዋቱ ኤስኖ። ኡንቱንቱፐ ሀራይ ኦንነ አኮ ሺቆፐ፥ ሀይቆ።

52እስራኤልያ አሳቱ ኡባይ ባረንቱ አርማን አርማንነ ባረንቱ ጭታን ጭታን ሻከቲደ፥ ባረንቱ ዱንካንያ ዱንካንኖ።

53ሽን ጾሳ ሀንቁ እስራኤልያ ማባራ ቦላ ዎና ማላ፥ ሌዋቱ ጾሳ ማርካተ ዱንካንያ ዩሹዋን ባረንቱ ዱንካንያ ዱንካንኖ፤ ሌዋቱ ጾሳ ዱንካንያን አዎትኖ” ያጌዳ።

54እስራኤላቱ ሀዋ ኡባ መና ጎዳይ ሙሳ አዛዜዳዋዳን ኦድኖ።

Jump to: Chapter 2 →