Numbers 33

Amharic Dawro DFBE (ጌሻ ማጻፋ) No Year

← Chapter 32 Jump to: Chapter 34 →

1እስራኤላቱ ሙሴነ አሮን ካለና፥ ባረንቱ ጩጉዋን ጩጉዋን ግብጼፐ ከሴዳ ዎደ፥ ያቲደ ሀመቴድኖ።

2መና ጎዳይ አዛዝና፥ ኡንቱንቱ ባና ቡሳ ዶሜዳ ሳኣ ሙሴ ጻፌዳ፤ ኡንቱንቱ ቡሳ ማራይ ሀዋ።

3ኮይሮ አግናዉ ታማነ እቼሸን ጋላስ፥ ፓስጋ ቦንችያ ጋላሳፐ ካልያ ጋላስ ደንዲደ፥ ግብጼ አሳይ ኡባይ ጼልሽን፥ ያየናን ራምሳፐ ከሴድኖ።

4ሄ ዎደ ግብጼ አሳይ መና ጎዳይ ዎዳ ባረንቱ ባይራ ናናቱዋ ሞጊኖ። ሀዋዳን ኦደ፥ መና ጎዳይ ኡንቱንቱ ጾሳቱዋ ቦላ ፕርዳ አሄዳ።

5እስራኤላቱ ራምሳፐ ደንዲደ፥ ሱኮታ ግያ ሳኣን ዱንካኔድኖ።

6ሱኮታፐ ደንዲደ፥ መላ ቢታ ጼራን ደእያ ኤታማን ዱንካኔድኖ።

7ኤታማፐ ደንዲደ፥ ባኣል-ጻፎናፐ አዋይ ዶልያ ባጋና ደእያ ፕሃህሮታ ስሚደ፥ ምግዶላ ማታን ዱንካኔድኖ።

8ፕሃህሮታፐ ደንዲደ፥ ዞኦ አባ ፕኒደ፥ መላ ቢታ ቤድኖ። ኤታማ መላ ቢታን ሄዙ ጋላሳ ኦግያ ሀመቲደ፥ ማራን ዱንካኔድኖ።

9ማራፐ ደንዲደ፥ ታማነ ላኡ ፑልቶቱነ ላፑን ታሙ ዛምባቱ ደእያ ኤሊማ ቢደ፥ ያን ዱንካኔድኖ።

10ኤሊማፐ ደንዲደ፥ ዞኦ አባ ማታን ዱንካኔድኖ።

11ዞኦ አባ ላንቂያፐ ደንዲደ፥ ሲና መላ ቢታን ዱንካኔድኖ።

12ሲና መላ ቢታፐ ደንዲደ፥ ዶፍቃን ዱንካኔድኖ።

13ዶፍቃፐ ደንዲደ፥ አሉሻን ዱንካኔድኖ።

14አሉሻፐ ደንዲደ፥ ራፊድማን ዱንካኔድኖ። ያን አሳዉ ኡሻናዉ ሃይ ባዋ።

15ራፊድማፐ ደንዲደ፥ ሲና መላ ቢታን ዱንካኔድኖ።

16ሲና መላ ቢታፐ ደንዲደ፥ ክብሮት-ሀታባር (አሙዋ ዱፉዋ ግያ ሳን ዱንካኔድኖ)።

17ክብሮት-ሀታባር (አሙዋ ዱፉዋ) ግያ ሳፐ ደንዲደ፥ ሀጸሮታን ዱንካኔድኖ።

18ሀጸሮታፐ ደንዲደ፥ ሪትማን ዱንካኔድኖ።

19ሪትማፐ ደንዲደ፥ ርሞን-ፐሬዛን ዱንካኔድኖ።

20ርሞን-ፐሬዛፐ ደንዲደ፥ ሊብናን ዱንካኔድኖ።

21ሊብናፐ ደንዲደ፥ ሪሳን ዱንካኔድኖ።

22ሪሳፐ ደንዲደ፥ ቃሄላታን ዱንካኔድኖ።

23ቃሄላታፐ ደንዲደ፥ ሸፋራ ደርያን ዱንካኔድኖ።

24ሸፋራ ደርያፐ ደንዲደ፥ ሀራዳን ዱንካኔድኖ።

25ሀራዳፐ ደንዲደ፥ ማቅሄሎታን ዱንካኔድኖ።

26ማቅሄሎታፐ ደንዲደ፥ ታሃታን ዱንካኔድኖ።

27ታሃታፐ ደንዲደ፥ ታራን ዱንካኔድኖ።

28ታራፐ ደንዲደ፥ ሚትቃን ዱንካኔድኖ።

29ሚትቃፐ ደንዲደ፥ ሀሽሞናን ዱንካኔድኖ።

30ሀሽሞናፐ ደንዲደ፥ ሞሰሮታን ዱንካኔድኖ።

31ሞሰሮታፐ ደንዲደ፥ በነ-ያእቃናን ዱንካኔድኖ።

32በነ-ያእቃናፐ ደንዲደ፥ ሆር-ሀግድጋዳን ዱንካኔድኖ።

33ሆር-ሀግድጋዳፐ ደንዲደ፥ ዮጽባታን ዱንካኔድኖ።

34ዮጽባታፐ ደንዲደ፥ አብሮናን ዱንካኔድኖ።

35አብሮናፐ ደንዲደ፥ ኤጽዮን-ጋብራን ዱንካኔድኖ።

36ኤጽዮን-ጋብራፐ ደንዲደ፥ ጺና መላ ቢታን ደእያ ቃዴሳን ዱንካኔድኖ።

37ቃዴሳፐ ደንዲደ፥ ኤዶማ ቢታ ዛዋን ደእያ ሆራ ደርያን ዱንካኔድኖ።

38ቄሲ አሮን መና ጎዳይ አዛዝና፥ ሆራ ደርያ ሁጲያ ከሴዳ፤ እስራኤላቱ ግብጼ ጋድያፐ ከሴዳ ኦይታሙን ላይን፥ እቼሸን አግናን፥ አግናዉ ኮይሮ ጋላሳን ያን ሀይቄዳ።

39አሮን ሆራ ደርያ ሁጲያን ሀይቂያ ዎደ፥ አ ላይይ ጼታነ ላታማነ ሄዛ።

40ኔጌባ መላ ቢታን፥ ካናነን ደእያ አራዳ ግያሳ ካቲ እስራኤልያ አሳ ዩሳ ስሴዳ።

41እስራኤላቱ ሆራ ደርያፐ ደንዲደ፥ ጻልሞናን ዱንካኔድኖ።

42ጻልሞናፐ ደንዲደ፥ ፑኖናን ዱንካኔድኖ።

43ፑኖናፐ ደንዲደ፥ ኦቦታን ዱንካኔድኖ።

44ኦቦታፐ ደንዲደ፥ ሞኣባ ቢታ ዛዋን ደእያ እየ አባርማን ዱንካኔድኖ።

45እየ አባርማፐ ደንዲደ፥ ድቦና-ጋዳን ዱንካኔድኖ።

46ድቦና-ጋዳፐ ደንዲደ፥ አልሞና-ድብላታይማን ዱንካኔድኖ።

47አልሞና-ድብላታይማፐ ደንዲደ፥ ናቦ ደርያ ማታን አባርማ ደረቱዋን ዱንካኔድኖ።

48አባርማ ደረቱዋፐ ደንዲደ፥ ያርኮፐ ሄፍንና፥ ዮርዳኖሳ ሻፋ ማታን ደእያ ሞኣባ ደምባን ዱንካኔድኖ።

49ዮርዳኖሳ ሻፋ ማታን ደእያ ሞኣባ ደምባን፥ ቤት-ያሽሞታፐነ አቤል-ሺጽማ ግዱዋን ዱንካኔድኖ።

50እያርኮ ሄፍንና፥ ዮርዳኖሳ ሻፋ ማታን ደእያ ሞኣባ ደምባን መና ጎዳይ ሙሳ ሀዋዳን ያጌዳ፤

51“እስራኤላቱዋ ኔን ያጋ፤ ‘ዮርዳኖሳ ሻፋ ፕኒደ፥ ካናነ ቢታ ህንተ ገልያ ዎደ፥

52ሄ ጋድያን ደእያ አሳ ኡባ ህንተ ስንፐ የደርስተ፤ ሹቻፐ ማሰቴዳ ኡንቱንቱ ምስለቱዋ ኡባነ ሲልሲደ መዳ ኤቃቱዋ ኡባ ይስተ። ኡንቱንቱ ጎይንያ ቃ ሳኣ ኡባካ ላልተ።

53ታን ህንተንቶ ሄ ቢታ ላታዉ እሜዳ ድራዉ፥ ሄ ቢታ ላቲደ፥ አን ደእተ።

54ህንተ ዛርያን ዛርያን ሳማ ከሲደ፥ ቢታ ሻክተ። ፓይዱዋን ጮራትያ ዛረቶ ዳሮ ላታ እምተ፤ ፓይዱዋን ጉጽያ ዛረቶ ጉ ላታ እምተ። ሳማን ኡንቱንታ ጋኬዳ ሀቃዌነ ኡንቱንቱዋ ግዳናዋ። ቢታ ህንተ ማይዛ አዎቱዋ ዛርያን ዛርያን ግሽ አኪታ።

55“ ‘ሽን ሄ ጋድያን ደእያ አሳ ህንተ የደርሰናን አጎፐ፥ ህንተ አሼዳዋንቱ ህንተንቶ ህንተ አይፍያዉ ፕንጮ፥ ህንተ ምይያዉ አጉን ግዳና፤ ህንተ ደአና ጋድያን ኡንቱንቱ ህንተና ዋይሳና።

56ህንተ ኡንቱንታ የደርሰናን አጎፐ፥ ኡንቱንቱ ቦላ ታን ኦናዉ ቆፔዳዋ ህንተ ቦላ ኦና’ ያጋደ ኦዳ” ያጌዳ።

← Chapter 32 Jump to: Chapter 34 →