Proverbs 14

Amharic Gamo (ጋሞ ማጻፋ)

← Chapter 13 Jump to: Chapter 15 →

1ኣ ኤራቴ ዲዛ ማጫሳያ ባ ኬ ኬጻዉስ፤ ኤያያ ጊዲኮ ባ ኬ ባ ኩሼን ላላዉስ።

2ሱሬ ሄሜቲዛ ኣሲ ጎዳስ ያዬስ፤ ጌላ ኦጌ ሄሜቲዛይ ጊዲኮ ኢዛ ካስ።

3ኤያ ሃሳያይ ኢዛ ዞኮስ ጋቱማ ኤሄስ፤ ኣ ኤራንቻታ ኢንጻርሳይ ጊዲኮ ኢስታ ናጌስ።

4ቦራይ ባይንዳሶን ጎታራይ ሜላ ዴስ፤ ጊዶ ኣቲን ኔስ ቦራታ ዎልቃን ዳሮ ካ ቤቴስ።

5ኣማኔቲዛ ማርካይ ኡባቶ ቱማ ማርካቴስ፤ ዎርዶ ማርካይ ጊዲኮ ዎርዶ ማርካቴስ።

6ቂልጪዛይ ኣ ኤራቴ ኮይኮካ ዴሜና፤ ኣኬካይ ዲዛ ኣሲ ዋዬቶንታ ኤራቴ ዴሜስ።

7ኤያ ኣሳፔ ሃካ፤ ኣይስ ጊኮ ኔኒ ኢዛ ሃሳያፔ ኤራቴ ዴማካ።

8ኣኬካንቻ ኣሳስ ኣ ኤራቴ ባ ኦጌ ናጎ፤ ኤያታ ኤያቴ ጊዲኮ ኢስታ ጪሜስ።

9ኤያቲ ናጋራ ኦዲ ሞታናይሳ ኣጊዲ ቂልጬቴስ፤ ሱሬ ኣሳታፔ ጊዲኮ ሎኦ ቆፋይ ቤቴስ።

10ኢሶይ ኢሶይ ባ ዎዚናን ዲዛ ጬጬ ኤሬስ፤ ኢዛ ኡፋይሳ ኦኒካ ኢዛራ ኮጼና።

11ኢታታ ኬይ ላሌታና፤ ሱሬታ ኬይ ጊዲኮ ሚኒ ዴኣና።

12ኣሳስ ሊኬ ሚሳቲዛ ኦጌይ ዴስ፤ ዉርሴን ጊዲኮ ሃይቆስ ጋስ።

13ሚቻንካ ዎዚናይ ሜቂ ኤሬስ፤ ሙዞቴን ኡፋይሲ ፖሌታና ዳንዳዬስ።

14ባ ዎዚና ጺሎቴፌ ሃሲዛይቲ ባ ኦሶ ዋጋ ኤካና፤ ሎኦ ኣሲካ ባ ሎኦ ኦሶ ዋጋ ኤካና።

15ኤያ ኣሲ ኡባ ሚሽ ኣማኔስ፤ ጪንጫይ ጊዲኮ ኣኬኪዲ ታንጌስ።

16ኣ ኤራንቻይ ጎዳስ ያዬሲኔ ሳቲ ታንጌስ፤ ኢታፔካ ሃኬስ፤ ኤያይ ጊዲኮ ዉዳይ ባይንዳ ቢቻሬስ።

17ኤሌ ሃንቄቲዛ ኣሲ ኤያ ኦሶ ኦስ፤ ዮኦ ቃቺዛ ኣሲ ዶሴቴና።

18ዎዚና ፓጬቲ ኤያቴ ላታና፤ ኣኬካንቻቲ ጊዲኮ ኤራቴ ካላቻ ማላ ጎጻና።

19ኢታቲ ሎኦታ ሲንን ጉልባታና፤ ናጋራንቻቲ ጺሎታ ፔንጌን ሆካና።

20ማንቆታ ኢስታ ላጌቲካ ኢጼቴስ፤ ዱሬታስ ጊዲኮ ዳሮ ላጌቲ ዴቴስ።

21ባ ሾሮ ካዛ ኣሲ ናጋራ ኦስ፤ ጊዶ ኣቲን ማንቆ ማዲዛይ ኣንጄቲዳይሳ።

22ኢታ ሃልቺዛይቲ ሱሬ ኦጌፔ ካሬ ኬዜቴስ ዴቴኔ? ሎኦ ቆፒዛይቲ ጊዲኮ ሲቆኔ ኣማኔቴ ኤሄቴስ።

23ሚኒ ኦሶን ኡባን ዎይ ዴስ፤ ሃዳ ዮኦይ ጊዲኮ ማንቂሴስ።

24ኣ ኤራንቻታስ ኢስታ ዱሬቴ ኢስታስ ካላቻ፤ ኤያታ ኤያቴ ጊዲኮ ጮ ሃዳ።

25ቱሙ ማርካይ ሼምፖ ኣሼስ፤ ዎርዶ ማርካይ ጊዲኮ ባሌስ።

26ጎዳስ ያዪዛ ኣሳስ ሚኖ ሚጻይ ዴስ፤ ኢዛ ናይታስካ ባቃቲ ኣቲዛ ሶሆይ ዴስ።

27ጎዳስ ያሺ ዴኦ ፑልቶ፤ ሃይቆ ዎጺማዴፔ ኣስ ኣሼስ።

28ዴሬ ጮራቴይ ካዎስ ቦንቾ፤ ዴሬ ጉቴ ካዎስ ባሽ ጊዴስ።

29ዳንዳያንቻ ኣሳስ ጊታ ኣኬካይ ዴስ፤ ኤሌ ሃንቄቲዛ ኣሲ ጊዲኮ ባ ኤያቴ ቆንጪሴስ።

30ዎፑ ጊዳ ዎዚናይ ቦላስ ፓያቴ ኢሜስ፤ ቃናቴይ ጊዲኮ ሜቄ ጊዶን ጌሊዳ ዎይዛዚሬ ማላ።

31ማንቆታ ናቂዛ ኣሲ ኢስታ ሜዳይሳ ጫዬስ፤ ሜቶታንቻታስ ቃቲዛ ጊዲኮ ጾሳ ቦንቼስ።

32ኢታቲ ባንታ ኢታ ኦሶን ኩንዳና፤ ጊዶ ኣቲን ጺሎቲ ሃይቆ ዎዴካ ባቃቲ ኣቲዛሶይ ዴስ።

33ኣኬካንቻ ኣሳ ዎዚናን ኣ ኤራቴ ኩሚዴስ፤ ጊዶ ኣቲን ኤያቲ ኣ ኤራቴ ጊሻስ ኣይኮካ ኤሬቴና።

34ጺሎቴ ካዎቴ ቁ ቁ ኦስ፤ ጊዶ ኣቲን ናጋራይ ኣይ ኣሲካ ካዉሼስ።

35ኣ ኤራቴ ዲዛ ኣይሌይ ካዎ ኡፋይሴስ፤ ጊዶ ኣቲን ዬላቺዛ ኣይሌይ ባ ቦላ ሃንቆ ኤሄስ።

← Chapter 13 Jump to: Chapter 15 →