Jonah 3

Belarusian Bokun

← Chapter 2 Jump to: Chapter 4 →

1І было слова ГОСПАДА да Ёны другі раз, кажучы:

2«Устань, ідзі ў Нініву, горад вялікі, і абвяшчай супраць яго тое, што Я сказаў табе».

3І ўстаў Ёна, і пайшоў у Нініву паводле слова ГОСПАДА; а Нініва была вялікім горадам у Бога, на тры дні дарогі ў абход.

4І пачаў ён хадзіць па горадзе, колькі можна прайсьці за адзін дзень, і клікаў, і казаў: «Яшчэ сорак дзён, і Нініва будзе зруйнаваная».

5І паверылі Нініўцы Богу, і абвясьцілі пост, і адзеліся ў зрэбніцу, ад найбольшага з іх аж да найменшага з іх.

6Бо калі слова дайшло да валадара Нінівы, і ён устаў з пасаду свайго, і скінуў з сябе адзеньне сваё, і апрануўся ў зрэбніцу, і сядзеў у попеле.

7І было абвешчана, і сказана ў Нініве паводле загаду валадара і магнатаў ягоных, кажучы: «Няхай ані чалавек, ані быдла, ані валы, ані авечкі нічога не паспытаюць, няхай ані пасьвяцца, ані п’юць вады,

8але няхай апрануцца ў зрэбніцу чалавек і скаціна, і няхай клічуць голасна да Бога, і няхай кожны чалавек адвернецца ад злой дарогі сваёй і ад ліхадзейства, якое ў руках іхніх.

9Хто ведае, ці ня вернецца Бог і не пашкадуе, і не адверне палючы гнеў свой, каб мы не загінулі?»

10І ўбачыў Бог учынкі іхнія, што яны адвярнуліся ад злой дарогі сваёй, і пашкадаваў Бог пра ліха, пра якое сказаў, што ўчыніць ім, і не ўчыніў.

← Chapter 2 Jump to: Chapter 4 →