bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Acts 24
Acts 24
Edo ((E Baibol Ẹdo) Version 1996)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
1
Ọ ghi rre usẹn, Ananias ne Ogie Ohẹn keghi viọ ediọn eso kevbe ulaya ọkpa ne a tie eni ẹnrẹn Tetulus ba egbe gha rrie Sisaria. Iran keghi mudia vbe odaro Fẹlis, iran na ba e Pọl ifi ẹzọ.
2
Iran keghi tie Tetulus ladian, ọ na suẹn gha gui rhu e Pọl, ọ wẹẹ: “Dọmọ o, Evbavba! Te egbe ghi rọkhọ ima hia nian rhunmwuda ogie ẹwaẹn ne u ya gbe aro ghe ima, ye vbe sẹ ọnii, afiwerriẹ ni bun kevbe ne ọ kere hia ọre u he ru ya gha dọlọ ẹvbo ima yi.
3
Ẹko ọna wa vuọn ima vbe ehe hia kevbe ẹghẹ hia, ma keghi vbe kakabọ kpọnmwẹ uẹn.
4
I ma ho ne I da a yi kpẹe gbe, vbene ọ rhirhi a gha ye hẹ, I rinmwian an ne u tohan ima danmwehọ e ne unu mwa.
5
Ma miẹn okpia na wẹ, uhunmwu isusu dan nọ. Ọ fian otighi fi avbe Ju egbe la uhunmwu otọ agbọn hia. Ọ keghi vbe re ọkaolotu otu ọkpa ne iran tie eni ẹnrẹn e nazarin.
6
Ọ ghi vbe ra mu awua la Ọgua Osa, ọre ima ghi na mu ẹn. [Te ima te ra bu ohiẹn ọnrẹn vbene Uhi ima khare,
7
sokpan Lisias ne ọkaokuo keghi rre, ọ na khiẹn ima obọ miẹn ima ẹre.
8
Lisias keghi vbe kha wẹ ne emwa ni ra gu ẹe gui bu ruẹ gha dee.] U gha nọ ẹre ọta, wẹ tobọ ruẹ gha la ẹmwẹ ne unu ẹnrẹn rẹn emwi ne ima gu ẹe gui ẹzọ ẹre.”
9
Avbe Ju hia keghi ye egbe ba ẹzọ na wẹ ẹmwata nọ.
10
Ne ọ khaemwisẹ keghi ya obọ gu e Pọl guan wẹ ne ọ guan. Pọl keghi kha wẹẹ: “Ẹko hia sẹ mwẹ ọyẹnmwẹ uan vbe I ra zẹ ne unu mwẹ ma ruẹn, rhunmwuda, I rẹnrẹn ighẹ ọ kpẹre ne u kegha re ne ọbuohiẹn vbe uhunmwu otọ na.
11
Zẹ vbene uwẹ gha sẹtin tobọ gualọ otọ ẹre miẹn, ọ ma he gberra ikpẹdẹ iweva ne I kpao gha rrie Jerusalẹm ne I ya ru ugamwẹ.
12
Avbe Ju ma miẹn vbe I gu ọmwaikọmwa muan ẹmwẹ vbe uwu Ọgua Osa ra ni vbe ruẹn ẹmwẹ ye ọmwarhọkpa ẹko vbe Ọgua ediọn ra eheikehe vbe ẹvbo ni.
13
Vberriọ iran i sẹtin zẹ ọre ugbaro a ma ruẹn ighẹ ifi ẹzọ ne iran ba mwẹ re na.
14
Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.
15
Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.
16
Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.
17
“Ọ ghi rre omwa ukpo eso ne I ghi kpa vbe Jerusalẹm rre, I keghi vbe dọlegbe gha khian ne I rhie igho eso gie emwa mwẹ, kevbe ne I vbe ya zọ ese.
18
Ẹghẹ ne I na gha ru emwi na ọre iran na miẹn mwẹ vbe uwu Ọgua Osa vbe I yo ulamwẹ akpehuan fo nẹ. Emwa ma gbe ẹbu ye he ne I ye, olighi rhọkpa i vbe rrọọ.
19
Sokpan avbe Ju eso ni ke ikinkin Esia rre keghi rre evba, iran ni ọre ọ te kee ne iran do tobọ iran gun mwẹ gui ma ruẹn deghẹ iran mwẹ ẹzọ ne iran gha gun mwẹ gui.
20
Ra khekherriọ wẹ ne iran na tama ruẹn ohiẹn ne iran miẹn bu gbe mwẹ ẹghẹ ne I na mudia vbe Iko.
21
Sokpan ama wẹ emwi ọkpa ne I ya gha go vbe I mudia ye odaro iran wẹẹ, ‘Emwi ni uwa gun mwẹ gui ba ẹre na ọrọre rhunmwuda ne I na yayi ighẹ emwa ni wulo hia, a gha dọlegbe huẹn iran kpaegbe.’ ”
22
Ẹghẹ nii ọre Fẹlis ne ọ mobọ rẹn emwi vbe ekpa odẹ nii na dobọ ẹzọ ni yi. Ọ tama iran wẹ, “Lisias ne ọkaokuo gha ghi rre, ọre i ghi na bu ohiẹn uwa.”
23
Ọ na tama ọmwa ne ọ rre asẹ ne a rhie Pọl nẹ dayi wẹ, ne iran ye gha rhie aro lele ẹe, sokpan ne avbe gi ẹe gha fanmwegbua ugbẹnso, kevbe ne a giẹ avbe esiọre gha viọ emwi ne ọ ho giẹe.
24
Ikpẹdẹ eso ghi gberra nẹ, Fẹlis kevbe Drusila ne amwẹ ọnrẹn keghi gba rre, ọ keghi gie ne a tie Pọl, ọ kegha danmwehọ ẹre vbe ọ ta ẹmwẹ iyayi Jesu Kristi.
25
Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”
26
Vbe uwu ẹre nii, rẹn keghi te vbe gha ro ighẹ Pọl gha rhie igho ne irẹn, rhunmwuda ọnii, ọ na gha tiẹre gu guan kugba kẹghẹrẹ.
27
Ukpo eva ghi gberra nẹ Pọsiọs ne ovbi e Fẹstọs keghi rhie ihe Fẹlis vbe ukpo e Ne ọ khaemwisẹ. Fẹlis keghi ho ne avbe Ju gha ta ẹmwẹ ọnrẹn ẹse, ọ na rhunmwuda ọnii sẹ Pọl rae ye ẹwẹdọ.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28