bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Acts 26
Acts 26
Edo ((E Baibol Ẹdo) Version 1996)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 27 →
1
Agripa keghi tama e Pọl wẹ, “A rhie ẹghẹ nuẹn nian ne u ya zẹ ne unu uẹn.” Pọl keghi nien obọ ladian ọ na suẹn gha zẹ ene unu ẹnrẹn, wẹẹ:
2
“Agripa ne Ọba, Uhunmwu ne ọ maa ọre I tie egbe mwẹ re ẹrẹna vbe a miẹn wẹ te imẹ ra zẹ ne unu mwẹ ma ruẹn vbekpa ẹzọ hia ne avbe Ju gun mwẹ gui.
3
Emwi ne ọ mobọ ye ọna gha re ẹmwata ọrọre wẹ, wẹ rẹn vbekpa uyinmwẹ kevbe ilele avbe Ju ẹsẹse. Rhunmwuda ọnii, I mobọ rinmwian ne u gbe ẹkun sẹ otọ danmwehọ mwẹ.
4
“Avbe Ju hia rẹn vbene I ru emwi hẹ ke ẹghẹ ọvbokhan mwẹ gha dee. Iran rẹnrẹn, wẹ ke omuhẹn gha dee, ẹvbo mwẹ kevbe Jerusalẹm ọre I ye.
5
Iran wa rẹn, deghẹ iran ho ne iran sẹ osẹe, wẹ ke omuhẹn gha dee otu ne ọ mu ẹmwẹ ugamwẹ mwa yan uhunmwu sẹ, ne a tie ẹre Farisi, ọre I ye.
6
Wanwanna nian, emwi ne a ba mwẹ ifi ẹzọ ba ọrọre wẹ rhunmwuda mẹ rhie ekhọe ye emwi ne Osanobua ve avbe erha mwa odede re.
7
Nene emwi ne a ve ne ẹwae iweva ọghe emwa ima rhie aro yi ighẹ ogha sẹ iran obọ vbe uwu ne iran na ga Osanobua asọn kevbe avan. Emwi ne a rhie aro ye odẹ gha khẹ na, Umogun, ọre avbe Ju gun mwẹ gui baa.
8
Vbe ọ zẹ yi ne uwa ne Ju ma na sẹtin yayi ighẹ Osanobua huẹn avbe orinmwi kpaegbe?
9
“Mẹ tobọ mwẹ kegha ro wẹ, ọ kere ne I ru emwi hia ne ẹtin mwẹ gha sẹ ya gu Jesu ne ovbi Nazarẹt gha khọn.
10
Emwi ne I ru vbe Jerusalẹm ọre ọnii khin. I keghi rhie ebe asẹ vbe obọ avbe igie ohẹn, I na munọ ni bun vbe uwu emwa Osanobua ku ẹwẹdọ, a ghẹ ghi vbe bu ohiẹn uwu gbe iran, mẹ ghi nien obọ ighẹ I mwẹ obọ vbọ.
11
Ẹghẹ ni bun ọre I ya gha rri iran oya vbe uwu Ọgua ediọn, I na gha hia ne I ruẹ e ne iran siẹn iyayi iran, ohu iran mu mwẹ sẹrriọ wẹ, I na gha mu va ye isi ya gha lọghọ iran vbe odọ.
12
“Ọna ọre I rhunmwuda ẹre gha rrie Damaskọs vbe I ghi miẹn avbe igie ohẹn ebe asẹ nẹ.
13
Ọ ghi rre ẹghẹ ogiavan vbe ehe ne I na khian vbe odẹ nii Umogun, I keghi bẹghe uwanmwẹ ọkpa ne awanwan rẹn wegbe sẹ ọghe owẹn, ọ keghi ke odukhunmwu lẹga mwẹ kevbe iran ne ima gba khian.
14
Ma hia keghi dele gbe otọ, I keghi họn urhu ọkpa vbe ọ zẹ ẹvbo avbe Hibru gun mwẹ guan wẹẹ, ‘Sọl, Sọl vbe ọ zẹ ne u na zẹ mwẹ owẹ, Iwinna ne ọ gha hie ruẹ aro nọ ighẹ ogigban ne u so ẹre igiawẹ na.’
15
Mẹ keghi nọ rẹn wẹẹ, ‘Gha nọ yi Nọyaẹnmwa?’ Nọyaẹnmwa keghi wanniẹn tama mwẹ wẹẹ, ‘Mẹ ne Jesu ne u zẹ ọre owẹ nọ.
16
Sokpan kpaegbe ne u ya owẹ ruẹ mudia. Te I rhie egbe ma ruẹn ne I miẹn ehe na rhie ruẹ ya ru ọguọmwadia mwẹ. U ghi ya gha tama emwa ọvbehe emwi ne aro ruẹ sẹe vbe egbe mwẹ ẹrẹna, kevbe avbe ọvbehe ni bun ne I gha he viọ ma ruẹn.
17
I gha miẹn ruẹn fan vbe obọ iran ne ivbi izrẹl kevbe iran ne ẹ i re Ju ne I khian giọ bu.
18
U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’
19
“Erriọ nọ o, Ọba Agripa, I ma fieghe uhunmwu ye ẹmwẹ umian ne ọ ke ẹrinmwi rre ne I miẹn na.
20
I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.
21
Ọna ọ siẹe ne avbe Ju na de obọ mu mwẹ vbe uwu Ọgua Osa, iran te ra gbe mwẹ uan.
22
Sokpan Osanobua ọre ọ mudia mẹ do sẹ ẹdẹnẹrẹ na, ne I na ye zẹ ene unu mwẹ ma emwa hia, ọkpọlọ kevbe ọkanmwa. Emwi ne I tae ọrọre emwi ne avbe akhasẹ kevbe Mosis tae ighẹ ọ gha sunu.
23
Wẹ rẹ e Mẹzaia gha rri oya, ọ ghi vbe do gha re ọmwa ne okaro ne a gha huẹn kpaegbe vbe idin, ne ọ do ta ẹmwẹ uwanmwẹ imiẹnfan ma avbe Ju kevbe iran ne ẹ i re Ju.”
24
Ugbẹn vbe Pọl ghi zẹ ene unu ẹnrẹn vbe nian, Fẹstọs keghi wa van okan mu ẹn wẹ, “Te u mwẹmwẹ Pọl, Ebe ne u ruẹ gbe ọre ọ ra si emwẹmwẹ ye uẹ egbe na.”
25
E Pọl keghi wanniẹn wẹ, “I i zẹdẹ mwẹmwẹ Evbavba, ẹmwata ne uhunmwu ẹmwẹ ọre I ta.
26
Agripa ne ọba, emwi ne ọ ya mwẹ gu uẹ guan saisai na ọrọre rhunmwuda ighẹ u rẹn otọ emwa na hia, mẹ yayi ighẹ aro ruẹ da emwi na hia ọkpọkpa rhunmwuda ọkpa ne a do ru ẹ i rre avbe emwi na hia.
27
Agripa ne Ọba, deghẹ wẹ ya ẹmwẹ ne avbe akhasẹ tae yi, I rẹnrẹn ighẹ u yaeyi!”
28
Agripa keghi tama Pọl wẹ, “Vbe ovbi ẹghẹ kherhe na, wẹ yayi ighẹ u gha sẹtin ya mwẹ do ya Kristi yi ra?”
29
E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”
30
Ẹghẹ nii ọre ọba kevbe Bẹnis ne Ne ọ khaemwisẹ kevbe avbe emwa nekpa hia ghi na kpaegbe.
31
Iran ghi khian nẹ, iran kegha tae wẹ, “Okpia na ma ru emwi rhọkpa ne a gha gbe ẹe rua ra ne a muẹn ye eghan baa.”
32
Agripa keghi tama Fẹstọs wẹẹ, “A gha te fan oko na fua akpawẹ ọ ma tọn ẹzọ ẹre mu gha rrie ọghe Nọgbaisi.”
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28