bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Ecclesiastes 10
Ecclesiastes 10
Edo ((E Baibol Ẹdo) Version 1996)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
1
Ikian ni wulo sẹtin ya ọgọ ori ne ọ winhin khian ne ọ ghi wia, erriọ vbe nọ emwi ukọnmwẹ kherhe sẹtin mu ogie ẹwaẹn nọkhua rhia.
2
Vbene a yii ẹe wa nọ ne ọmwa ne ọ wan gha ru emwi ne ọ kere, ke ne ọmwa ne ọ kọẹn gha ru emwi ne ọ ma gba.
3
Te ukọnmwẹ ọnrẹn wa vbe rhie egbe maa avbe ekhẹn ne ọ sẹ odẹ miẹn, rẹn ghi gie emwa hia wa rẹn wẹ akpa rẹn khin.
4
Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.
5
Uyinmwẹ ne ọ ma dia ne I vbe miẹn vbe agbọn na ọ re ọna khin, emwi ne ọ ma gba ne iran ni khaemwisẹ si.
6
A ghi rhie avbe ọzuọ ye ukpo ọdakha vbene a na sẹ avbe emwa esi rae.
7
I miẹn vbe avbe eviẹn hin ẹsin vbe ne ọdafẹn na ya owẹ mama otọ khian vbe eviẹn ọmwa.
8
U gha tọn uvun, wẹ ọ ra de yọ, u gha kpahiẹ la ekẹn gberra, ẹyẹn gha ho ruẹ ẹmwẹ.
9
U gha winna vbe uvun ne a na guọghọ okuta, okuta gha kuan ruẹn egbe. U gha sọ erhan, u ghi vbe miẹn ikuanegbe vbe ehe ne u na ru ẹe.
10
Adeghẹ ughanmwa ruẹn gbin, ighe u ma lọ ẹe, te u ghi ra miẹn ẹsọn sayọ vbe u a gha ya ẹe winna. A mwamwa iwinna ururo ye otọ khẹ ọ dee, ọ re ọ maa sẹẹ.
11
A rẹn vbene a ya ta ẹyẹn ohun hẹ ighi mwẹ esa, a deghẹ u gie ẹyẹn nii ka ho ruẹ ẹmwẹ nẹ.
12
Ẹmwẹ ne unu umẹwaẹn, ọ re ọ si ọghọ ne ọ rre ọre egbe, sokpan ẹmwẹ ne unu ọzuọ, ọ re ọ gbe ẹre uhunmwu.
13
Ẹmwẹ oya ọre ọ ya suẹn, ọ ghi ya emwẹmwẹ mu ẹẹn yotọ.
14
Ọzuọ ghi gha talọ khian kpẹrẹ. Ọmwa ne ọ rẹn emwi ne ọ ghi ra sunu irrọ, ọmwa rhọkpa i vbe sẹtin tama ọmwa emwi ne ọ ghi ra sunu vbe ọmwa a wu nẹ.
15
Ọmwa ne ọ kọn sẹrriọ wẹ ọ ma rẹn odẹ ne a la yo owa, ọ re ọ ye iwinna gbe egbe ẹre ua.
16
Ẹvbo nii la ẹmwẹ, a dẹghe igbama ọrọre ne ọ khaemwisẹ yan rẹn, kevbe wẹ avbe ọkaolotu ni rrọ gha wa gha ye asọn hia rri evbare eghọ.
17
Sokpan, uwa ọ re ẹvbo nii ye adeghẹ iran mwẹ ọba ne ọ tobọ ẹre ta vbene irẹn gha ru emwi hẹ kevbe avbe ọkaolotu ni rri evbare ye ẹghẹ, Emwa ni mu egbe iran yọghọ kevbe ne ẹ i da ayọn gbe egbe.
18
Adeghẹ ọmwa mitan an, ighe ọma sẹtin dọlọ ẹrhunrhun owa ẹre yi, owa ni ghi gha gin, ọ ghi de.
19
Te evbare eghọ ye ọyẹnmwẹ sẹ ọmwa, erriọ ọ re ayọn vbe ya aro ọmwa maa vbe uhunmwu, sokpan ne obọ ruẹ gha sẹtin gba i rrọ adeghẹ igho i rrọọ.
20
Ghẹ gbodan ghe ọba, ọ gha khọn rẹn ne ọ gha re vbe ẹkhokho, ghẹ gbodan ghe ọmwa ne ọ fe, ọ gha khọn rẹn ne ọ gha re vbe ẹkhokho ughugha ruẹ nọ. Ahianmwẹ sẹtin rhie ẹmwẹ nii kpao, ọ ghi ya tama iran ẹmwẹ ne u tae.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
All chapters:
1
2
3
4
5
6
7
8
9
10
11
12