bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Ecclesiastes 8
Ecclesiastes 8
Edo ((E Baibol Ẹdo) Version 1996)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
1
Ọmwa ne ọ wan okpa ọ re ọ rẹn emwi ne a mobọ ya emwi kha. Ẹwaẹn ọ re ọ ya ẹe mu ẹẹn mu ẹẹn ogiẹ, ọ ghi vbe gia ho aro ẹre ne sukusuku bẹkun.
2
Gha ru vbene ọba khare, ghẹ vbe tua ve Osanobua emwi.
3
Ọba wa sẹtin ru emwi ne ọ khọn rẹn, rhunmwuda ọnii, kpao hin ehe ne ọ ye rre. Ghẹ mudia ye ehe ne ẹbe ye vberriọ.
4
Asẹ ọ re ọba ya ru emwi, a i vbe miẹn ne ọ nọ rẹn wẹ vbe u a ru na.
5
U gha ni zẹ vbene ọ khare, emwi rhọkpa i ru uẹ, ọmwa ne ọ wan rẹn ẹghẹ ne ọ kere kevbe vbene ọ gha ru ẹe hẹ.
6
Ẹghẹ ne ọ kere ne a ya ru ẹe kevbe odẹ ne ọ kere ne a ru emwi hia la rrọ, sokpan emwi kherhe ọ re ima rẹnrẹn.
7
Ọkpa vbe uwu ima ne ọ rẹn emwi ne ọ gha sunu i rrọ, a i vbe miẹn ne ọ gha ta ẹe ma ima.
8
Ọmwa okpa ne ọ gha sẹtin wẹ rẹn i wu, ẹ i rrọ, ra ne ọ si ẹdẹ uwu ẹre ke odaro. Okuo ne ima i sẹtin lẹ fe ọ re ọnii khin. Ero ne ọ ya ban ọmwa la i rrọ.
9
Ẹghẹ ne I na gha roro ẹmwẹ emwi ne a ru vbe agbọn na, ọ re I na miẹn emwi na hia; agbọn na ne emwa eso na wa mwẹ ẹtin, emwa ọvbehe ghi gha sẹ usẹ lele iran.
10
Vbe ẹmwata, mẹ miẹn emwa dan ne a re ye idin iran, a ghẹ ghi gha vbe ke itẹ dee, emwa ghi vbe gha tian iran vbe ẹvbo okpa nii ne iran na ru avbe emwi dan hia. Ọna i zẹdẹ maa.
11
Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.
12
Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.
13
Sokpan ẹ i ra dunna ne ọmwa dan. Te ẹdagbọn iran ye vbe aghọnghọn, te iran ra wulo ye isẹrre, rhunmwuda iran i họn ẹmwẹ ne Osanobua.”
14
Ẹmwẹ oya ọ re ọna wa khin. Wẹ ghe emwi ne ọ sunu vbe agbọn na, ugbẹnso, emwa esi ghi ya uhunmwu hẹ oya ne ọ khẹke ọmwa dan, emwa dan, ghi ya rri ere ne ọ khẹke ọmwa esi, I wẹ ọna i maa.
15
Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.
16
Ẹghẹikẹghẹ ne I ya ho ne I gha wan, kevbe ne I vbe rẹn emwi ne ọ khian vbe agbọn na, I ghi miẹn wẹ ọmwa sẹtin rhan aro ua ye ukpo kevbe asọn kevbe avan.
17
Vbene ẹ i na vbe sẹtin rẹn emwi ne Osanobua ru. Vbene ọ khọn ruẹn ne u ziga sẹ, u i miẹn otọ ẹre. Emwa ni wan sẹtin kha wẹ iran miẹn ọẹn, iran ma miẹn emwi rhọkpa.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
All chapters:
1
2
3
4
5
6
7
8
9
10
11
12