bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
John 6
John 6
Edo ((E Baibol Ẹdo) Version 1996)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
1
Vbe iyeke ọnii, Jesu keghi werriegbe fian odighi e Galili rra (ra odighi Taiberias.)
2
Emwa ni bun keghi wa bi lele ẹe rhunmwuda iran miẹn iwinna ọyunnuan ne ọ winnaẹn ya mu avbe ọkhọnmwọ egbe rran.
3
Jesu keghi hin uhunmwu oke, ọ keghi gu avbe erhuanegbe ẹre tota.
4
Emwiukpo Alagberra avbe Ju keghi bu Otọ.
5
Rhunmwuda ọnii, ọ tama Filip wẹ, “De ehe ne a gha na miẹn evbare ne ọ gha sẹ a ya koko iran na hia dẹ?”
6
(Rẹn ta ọna ne ọ ya danmwẹ Filip ghe rhunmwuda rẹn tobọ ẹre rẹn emwi ne ọ ra ru nẹ.)
7
Filip wanniẹn wẹẹ, “Ọ gha khọn rẹn ne a ya enaira uri dẹlẹ evbare, etunnẹ tunnẹ ọre ọ khian sẹ ọkpọkpa vbe uwu iran obọ.”
8
Ọkpa Vbe uwu avbe erhuanegbe ẹre, Andru ne ọtẹn Saimọn Pita khama rẹn wẹẹ,
9
“Ọvbokhan ọkpa rre emwa na ne ọ mwẹ eka ọka isẹn kevbe ehẹn eva, sokpan vbe ọnii ara sẹ vbe ẹbu ọrhẹnrhẹn na?”
10
Jesu tama iran wẹẹ, “Wa wẹ ne emwa ni hia tota.” (Irunmwu wa bun vbe evba ẹsẹse.) Rhunmwuda ọnii, emwa ni hia keghi gele tota. Iran sẹ omwa arhunmwu arriaisẹn isẹn.
11
Jesu keghi viọ eka ni, ọ kpọnmwẹ Osanobua, ọ kegha ẹre ne emwa ni tota nii. Erriọ ọ vbe ru ehẹn, ọ ke sẹ iran hia obọ vbene iran ho.
12
Ugbẹn vbe ẹko ghi vuọn iran hia nẹ, Ọ khama avbe erhuanegbe ẹre wẹẹ, “Wa si iku emwi ne iran re kẹe koko ne a ghẹ mu emwi rhọkpa rhiaa.”
13
Iran keghi si ehia koko ya vuọn okhuae iweva ighe iku eka ọka ne iran re de kẹe.
14
Emwa ni rre evba ghi miẹn iwinna nọkhua ne Jesu winnaẹn, iran wẹẹ, “Vbe ẹmwata, ọnọna ọrọre nene akhasẹ ne ọ die agbọn.”
15
Jesu rẹnrẹn wẹ iran ra do ya ẹtin vbe iwo vbe egbe mu irẹn ma irẹn Ọba, ọ na vbe dọlegbe gha rrie uhunmwu oke, rẹn ọkpa kẹkan.
16
Ugbẹn vbe ọ ghi sẹ ẹdogbota, avbe erhuanegbe ẹre kegha rrie odighi.
17
Iran keghi la okọ, iran na dọlegbe fian odighi gberra gha rrie Kapaniọn. Te ebi ghi ro sokpan Jesu ma he ye bu iran gha dee.
18
Ẹghẹ ne a kha na, okpẹhoho kegha la, amẹ na gha hu yo hu rre.
19
Avbe erhuanegbe ghi gua okọ la omwa umọdia eva ra eha nẹ, iran keghi ya bẹghe Jesu vbe ọ nana uhunmwu amẹ khian, ọ ghi khian sikẹ okọ, iran keghi wa runran.
20
Jesu tama iran wẹẹ, “Wa ghẹ runran ighe mẹ nọ.”
21
Iran ghi te wẹ ne ọ la okọ, vbe ọwarọkpa nii okọ keghi dunmwu vbe ehe ne iran rrie.
22
Ẹdẹ ghi gbe, emwa ni gbe ẹbu ye obọ nọkpa ọghe odighi keghi miẹn wẹ okọ ọkpa ọre ọ ghi kẹe vbe evba. Iran rẹnrẹn ighe Jesu ma lele iran la okọ, ighe te iran kpao sẹ ọe rae.
23
Okọ ọvbehe eso vbe ke Taiberias gha die ọkpẹn ẹzẹ vbe ehe ne iran na rri eka vbe Nọyaẹnmwa kpọnmwẹ nẹ.
24
Ugbẹn vbe iran ghi miẹn ighe Jesu kevbe avbe erhuanegbe ẹre i ghi rre evba, iran keghi la okọ gha rrie Kapaniọn, iran kegha gualọe khian.
25
Ugbẹn vbe avbe emwa ni ghi miẹn e Jesu vbe iyeke nọkpa ọghe odighi, iran tama rẹn wẹẹ, “Ọmamwaemwi, de ẹghẹ ne u ya sẹ edinran yi?”
26
Jesu wanniẹn wẹẹ, “Ẹmwata ọre I tama uwa, rhunmwuda eka ne uwa re ne ọ vbe sẹ uwa ọkẹn ọre uwa na gualọ mwẹ khian ighe ẹ i re rhunmwuda ighe wa miẹn iwinna ẹtin ne I winnaẹn.
27
Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”
28
Rhunmwuda ọnii, iran nọ rẹn wẹẹ, “De emwi ne ima gha ru ne ọ gha na gha re wẹ iwinna Osanobua ọre ima winnaẹn?”
29
Jesu wanniẹn wẹẹ, “Emwi ne Osanobua wẹ ne uwa ru ọ na khin: wa ya ọmwa ne ọ gie yi.”
30
Iran wanniẹn wẹẹ, “De iwinna ọyunnuan ne uwẹ gha winna ne ima miẹn, ne ima miẹn ehe na ya uwẹ yi? De emwi ne u gha ru?
31
Avbe erha ima odede rri e mana vbe uwu ato zẹ vbene Ebe ne ọ huanrẹn khare. ‘Ọ ke ẹrinmwi viọ evbare gie iran re.’ ”
32
Jesu wanniẹn wẹẹ, “Ẹmwata ọre I tama uwa, ẹ i re evbare ne ọ ke ẹrinmwi rre ọre Mosis rhie ne uwa, Erha mwẹ ọre ọ rhie evbare ne evbare ke ẹrinmwi gie uwa.
33
Rhunmwuda evbare ne Osanobua rhie ne ọmwa ọrọre rẹn ni ne ọ ke ẹrinmwi gha dee do rhie arrọọ ne agbọn.”
34
Iran nọ rẹn wẹẹ, “Enọwanrẹn, gha rhie evbare ni ne ima vbe ẹghẹ hia.”
35
Jesu tama iran wẹẹ, “Mẹ ọrọre evbare ẹfe, ọmwa ne ọ rhirhi bu mwẹ rre, ohanmwẹ i ghi gbe ẹe ẹdẹ, ọmwa ne ọ vbe ya mwẹ yi, ohanmwẹ amẹ i ghi gbe ẹe ẹdẹ.
36
Mẹ tama uwa nian, wa miẹn mwẹ nẹ, sevba wa ma yayi.
37
Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.
38
Rhunmwuda, te imẹ ke ẹrinmwi gha dee do ru zẹ vbene ọmwa ne ọ gie mwẹ ho, ighe ẹ i re vbene imẹ ho.
39
Emwi ne ọmwa ne ọ gie mwẹ ho ne I ru ọrọre wẹ ne I ghẹ mu ọkpa fua vbe uwu iran ne ọ viọ mẹ, sokpan ne I huẹn iran hia kpaegbe vbe ẹdẹ okiekie.
40
Rhunmwuda emwi ne Erha mwẹ ho ọrọre wẹẹ avbe emwa hia ni miẹn Ọmọ, iran na vbe yae yi, ne iran gha mwẹ arrọọ ne ẹ i fo, mẹ ghi vbe huẹn iran hia kpaegbe vbe ẹdẹ okiekie.”
41
Avbe Ju keghi suẹn gha gui ẹzọ uwu unu ghe ẹre rhunmwuda ne ọ na kha wẹ, “Mẹ ọrọre evbare ne a rhie ke ẹrinmwi rre.”
42
Rhunmwuda ọnii, iran keghi kha wẹẹ, “Jesu ọ na khin, ovbi e Josẹf, ma rẹn erha ẹe, ma rẹn iye ẹe! Vbe ọ ghi na kha hẹ na yi ighẹ ẹrinmwi rẹn ke tuorre gha dee?”
43
Jesu wanniẹn wẹẹ, “Wa dobọ ẹzọ uwu unu ne uwa gui yi.
44
Ọmwa ne ọ gha sẹtin bu mwẹ gha dee ẹ i rrọọ vbe ẹ i re wẹ Erha mwẹ ọre ọ siẹe re, mẹ ghi vbe huẹn ọnrẹn kpaegbe vbe ẹdẹ okiekie.
45
Avbe akhasẹ gbẹn ọẹn nẹ wẹẹ, ‘Osanobua ma emwa hia emwi,’ ọmwa ne ọ rhirhi họn ọghe Evbavba, ighẹ ọ na vbe ruẹ emwi vbe ehe ne ọ ye gha bu mwẹ re.
46
Ọna ma rhie ma ighẹ ọmwa ne ọ he miẹn Evbavba rrọọ: rẹn ni ne ọ ke ehe ne Osanobua ye gha dee ọkpa ọre ọ he miẹn Evbavba.
47
Ne I ta ẹmwata ma uwa, ọmwa ne ọ yayi, mwẹ arrọọ ne ẹ i mwẹ ọfo.
48
Mẹ ọrọre evbare ẹfe.
49
Avbe erha uwa odede rri e mana vbe otọ ato, sokpan iran vbe wulo.
50
Sokpan ọmwaikọmwa ne ọ rri evbare ne ọ ke ẹrinmwi rre na, ẹ i ghi wu.
51
Mẹ ọrọre evbare ẹfe ne ọ ke ẹrinmwi rre: ọmwa ne ọ rhirhi rri evbare na, ọ gha rre agbọn ẹdẹdẹmwẹdẹ. Nene evbare ne I khian rhie nẹẹn ọrọre efun egbe mwẹ ne imẹ ya fi ohan, ne agbọn miẹn ehe na miẹn uhunmwu.”
52
Ẹmwẹ na keghi wa si imuan ẹmwẹ nọkhua ye avbe Ju egbe. Iran wẹẹ, “Vbe okona ra ya sẹtin rhie efun egbe ẹre ne ọmwa re hẹ yi?”
53
Jesu tama iran wẹẹ, “Ẹmwata ọre I tama uwa, vbe ẹ i re te uwa rri efun egbe Ovbi Ọmwa ne uwa vbe wọn esagiẹn ọnrẹn, wa i sẹtin gha mwẹ arrọọ vbe uwu uwa.
54
Ọmwaikọmwa ne ọ rri efun egbe mwẹ, ọ na vbe wọn esagiẹn mwẹ, mwẹ arrọọ ne ẹ i fo, mẹ gha vbe huẹn ọnrẹn kpaegbe vbe ẹdẹ okiekie.
55
Rhunmwuda efun egbe mwẹ, ọrọre evbare ne ọ sẹ ihe evbare, esagiẹn mwẹ ọrọre emwi ne a wọn ne ọ sẹ ihe emwi ne a wọn.
56
Ọmwa ne ọ rri efun egbe mwẹ, ọ na vbe wọn esagiẹn mwẹ, rre uwu imẹ, mẹ vbe rre uwu irẹn.
57
Erha ne ọ rrọọ, ọre ọ gie mwẹ, rhunmwuda ẹre ọre imẹ na vbe rrọọ. Erriọ vbe nọ zẹẹ, ọmwa ne ọ rri egbe mwẹ gha vbe gha rrọọ rhunmwuda mwẹ.
58
Rhunmwuda ọnii nian, ọnọna ọrọre nene evbare ne ọ ke ẹrinmwi re, ẹ i re egbe evbare ne avbe erha uwa odede re, ne iran na ye wulo, ọmwa ne ọ rhirhi rri evbare na, gha rrọọ ẹdẹdẹmwẹdẹ.”
59
Ehe ne Jesu na gha ma emwa emwi vbe uwu Ọgua ediọn vbe Kapaniọn ọre ọ na guan avbe ẹmwẹ na.
60
Ni bun vbe uwu avbe erhuanegbe ẹre ghi họn ẹmwẹ na, iran keghi kha wẹẹ, “Ẹmwẹ na wo vbe egbe gbe, gha ọ gha miẹn ehọ ya họn ẹn?”
61
Vbene a ma na vbe zẹdẹ ya ha ẹre ehọ, Jesu keghi wa rẹn wẹ avbe erhuanegbe ẹre gui ẹzọ uwu unu ye ẹmwẹ na, rhunmwuda ọnii, rẹn keghi tama iran wẹẹ, “Ọ na ọ ghi ra ya uwa mu goo ra?
62
A deghẹ wa ghi miẹn wẹ Ovbi Ọmwa dọlegbe gha rrie odukhunmwu vbe ehe ne ọ ka ye yi vbo?
63
Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.
64
Sevba, eso vbe uwu uwa ma he ye yayi.” (Rhunmwuda Jesu wa rẹn iran ne ẹ i ra yayi ke omuhẹn gha dee kevbe ọmwa ne ọ gha rhie ẹre maa.)
65
Rẹn keghi rhie te ẹe wẹẹ, “Ọnọna ọre ọ zẹẹ ne I na tama uwa wẹ orhiọnkpa ne ọ gha sẹtin bu mwẹ gha dee ẹ i rrọọ, sokpan a ma wẹ Evbavba ọre ọ mu ye ọre obọ.”
66
Rhunmwuda ọnọna, ni bun vbe uwu avbe erhuanegbe ẹre keghi werriegbe, iran ma ghi lele ẹe ọvbehe.
67
Jesu keghi rhunmwuda ọnii tama iran ne erhuanegbe iweva wẹẹ, “Wa vbe vbo, ẹ i re te uwa ra vbe kpao?”
68
Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.
69
Wanwan na nian, ma yayi, ma vbe rẹn wẹ, wẹ ọrọre ọmwa Ne ọ huanrẹn ne ọ ke ọghe Osanobua rre.”
70
Jesu wanniẹn tama iran wẹẹ, “Ẹ i re imẹ ọre ọ tobọ mwẹ hannọ uwa iweva zẹ? Sevba esu ọre ọkpa vbe uwu uwa khin!”
71
Judas ne ovbi Saimọn Iskariọt ọre ọ gha kha. Rhunmwuda Judas rhe re ọkpa vbe uwu iran ne iweva rẹn ọre ọ ra rhie ẹre ma an.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21